मुंबई : ऊर्जामंत्री नितिन राऊत यांनी वीजबिलाची थकबाकी वसूल झाली नाही तर राज्य अंधारात जाईल, असा गंभीर इशारा दिला आहे. वीजबिलाची थकबाकी ७९ हजार कोटींच्या घरात पोहोचली आहे. त्या संदर्भात महावितरणकडून सह्याद्री अतिथिगृहावर मुख्यमंत्र्यांसमोर सादरीकरण करण्यात आले. यामध्ये आधीच्या सरकारने बाकी ठेवलेल्या वसुली बाबतही चर्चा झाली. मुख्यमंत्र्यांनी यावर काय उपाययोजना करता येतील, या बाबत अहवाल तयार करण्यास सांगितले आहे, अशी माहिती नितिन राऊत यांनी दिली. थकबाकी आणि वसुलीचा अहवाल राज्य मंत्रिमंडळाच्या बैठकीत सादर करण्यात येईल. तसेच थकबाकीकडे गांभीर्याने न पाहिल्यास राज्य अंधारात जाईल, अशा इशाराही नितीन राऊत यांनी दिला आहे. ऊर्जा विभागातील मोठी वसुली अद्याप रखडली असल्याचेही त्यांनी सांगितले. राऊत म्हणाले, ‘‘भाजप सरकारच्या कार्यकाळात थकीत असलेली बिलांची रक्कम आताच्या थकीत बिलात आहे. आधीच्या सरकारने थकबाकीचा डोंगर वाढवून ठेवला आहे. आता कोरोना, अतिवृष्टी या परिस्थितीमुळे वसुली करता आली नाही. त्यामुळे महावितरणवरील भार अधिक वाढला आहे. महावितरण आर्थिकदृष्ट्या कसे नफ्यात येईल, यावर विचार करण्याची गरज आहे.’’
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.