agriculture news in Marathi recovery in sugar rate Maharashtra | Agrowon

साखर दरात सुधारणा 

राजकुमार चौगुले
सोमवार, 22 जून 2020

देशात सुरू झालेली अनलॉकची प्रक्रिया व साखरेच्या किमान विक्री दरात वाढ करण्याबाबत सुरू असलेल्या केंद्राच्या हालचालींमुळे देशांतर्गत बाजारात साखरेला मागणी वाढू लागली आहे.

कोल्हापूर ः देशात सुरू झालेली अनलॉकची प्रक्रिया व साखरेच्या किमान विक्री दरात वाढ करण्याबाबत सुरू असलेल्या केंद्राच्या हालचालींमुळे देशांतर्गत बाजारात साखरेला मागणी वाढू लागली आहे. गेल्या तीन महिन्यांपासून ठप्प झालेली साखर विक्री गती घेत आहे. याचा सकारात्मक परिणाम साखरेच्या दरावरही झाला आहे. गेल्या सप्ताहापासून साखरेच्या विक्री दरात क्विंटलला ५० ते ८० रुपयांपर्यंत वाढ झाली आहे. पहिल्यांदाच साखर विक्रीच्या हालचाली आता कारखाना स्तरावरून वेग पकडत आहेत. 

मे च्या उत्तरार्धापासून केंद्राने काही कालावधीकरिता अनलॉकचे धोरण स्वीकारले. यामुळे ज्या भागात कोविडचा कमी प्रादुर्भाव आहे अशी शहरे पूर्वस्थितीवर येत आहे. अनेक घटकांना कालावधीचे बंधन असले तरी साखरेवर आधारित उद्योगधंदे सुरू होऊन दोन ते तीन आठवडे उलटून गेल्यानंतर त्याचा सकारात्मक परिणाम साखरेच्या वापरावर होत असल्याचे साखर उद्योगातील सूत्रांनी सांगितले. 

सरकारने मे महिन्याच्या साखर विक्रीचा कोटा वाढवून दिला आहे. उत्तर भारतातील साखर कारखान्यांनी मे चा साखर विक्री कोटा पूर्ण केला आहे. पश्‍चिम, दक्षिणेकडील कारखान्यांचा रखडलेला कोटा आता हळूहळू निर्गत होत आहे. अनेक कारखान्यांकडे मे च्या कोट्याची अगदी थोडी साखर शिल्लक आहे. त्या साखरेची विक्री करण्याची मुदत जूनपर्यंत वाढवून दिल्याने मे चा कोटा येत्या काही दिवसांत पूर्ण होण्याची शक्‍यता कारखानदार सूत्रांनी व्यक्त केली. 

केंद्राने जूनचा कोटा १० लाख टन इतका दिला आहे. हा कोटा पूर्ण करण्यातही उत्तर प्रदेशच्या कारखान्यांनी आघाडी घेतली. महाराष्ट्र, कर्नाटक, तमिळनाडूतील कारखाने हळूहळू साखर विक्री करत आहेत. अपवाद वगळता ही राज्ये अनलॉकच्या स्थितीत आहेत. सामाजिक अंतराची मर्यादा पाळून वस्तूंची विक्री सुरू झाल्याने आता उत्पादक साखरेची मागणी करू लागले आहेत. येत्या काही दिवसांत साखरेची मागणी वाढण्याचा अंदाज साखर उद्योगातील सूत्रांचा आहे. 

‘एमएसपी’ वाढीच्या हालचालीचाही परिणाम 
सप्ताहापूर्वी केंद्र सरकारने एफआरपीसह साखरेच्या किमान विक्री दरातही वाढ करण्याबाबत सूतोवाच केले आहे. पंतप्रधान कार्यालयाकडे ही मागणी संबंधित खात्यांनी केली आहे. याचा परिणामही साखरेच्या किमतीवर झाला. भविष्यात साखरेच्या किमती वाढतील या शक्‍यतेने सध्या व्यापाऱ्यांकडून साखर खरेदीसाठी पसंती दिली जात आहे. यामुळे दरातही वाढ झाल्याचे साखर कारखानदार सूत्रांनी सांगितले.


इतर अॅग्रोमनी
बिगर बासमती तांदळाच्या निर्यातवाढीसाठी...पुणे: तांदळाच्या जागतिक बाजारपेठेतील स्पर्धेत...
हिंगोलीत ई-नामअंतर्गत ६२२ क्विंटल हळद...हिंगोली ः हिंगोली कृषी उत्पन्न बाजार समितीच्या...
ब्राझीलच्या साखरेमुळे दर घसरलेकोल्हापूर : गेल्या हंगामाच्या तुलनेत यंदा...
साखर दरात सुधारणा कोल्हापूर ः देशात सुरू झालेली अनलॉकची प्रक्रिया व...
पुणे बाजार समितीचा पॅटर्न राज्यभर चर्चेतपुणे बाजार समितीमध्ये गेल्या काही वर्षांत अनेक...
आगामी हंगामावर शिल्लक साखरेचा दबाव कोल्हापूर: कोरोनामुळे यंदा देशात साखरेची विक्री...
साखर निर्यात अनुदानाचे साडेसात हजार...कोल्हापूर: गेल्या दोन वर्षात देशातील कारखान्यांनी...
देशातील साखर उद्योगही येईल पूर्वपदावर;...कोल्हापूर  : कोविडच्या संकटामुळे ठप्प झालेली...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
ब्राझीलचे साखर उत्पादन भारताला अडचणी ?कोल्हापूर : यंदा ब्राझीलने इथेनॉलऐवजी साखर...
साखर विक्रीची मुदत १० जूनपर्यंत वाढवा...कोल्हापूर : इंडियन शुगर मिल्स असोसिएशनने (इस्मा)...
जी.  आर. चिंताला यांनी ‘नाबार्ड’च्या...मुंबई : डॉ. हर्षकुमार भानवाला यांचा कार्यकाळ...
वस्त्रोद्योग येतोय पूर्वपदावरजळगाव ः लॉकडाउनमुळे ठप्प असलेला देशातील...
कापूस उत्पादनात २४ लाख गाठींनी घट शक्यजळगाव ः देशात कापसाच्या उत्पादनात सुमारे २४ लाख...
इंडोनेशियात साखर दरावरुन वातावरण तापले कोल्हापूर: लॉकडाऊनमुळे इंडोनेशियात साखर जात...
आत्मनिर्भर भारत योजनेला मंजुरी :...नवी दिल्ली : आत्मनिर्भर (स्वावलंबी) भारत योजनेत...
कीडनाशकांवर बंदीबाबत उद्योगातून तीव्र...पुणे : केंद्रीय कृषी मंत्रालयाच्या २७ रासायनिक...
काढणी-मळणी यंत्रांना मागणी वाढण्याची...पुणे: कोविड १९ साथीनंतर तयार झालेल्या आपत्कालिन...
देशातून ३६ लाख टन साखर निर्यात पुणे: देशातील साखर कारखान्यांनी निर्यातीसाठी...
धोरणं बदलल्यास खाद्यतेलात भारत...एके काळी दोन वेळच्या अन्नासाठी इतर देशांकडे हात...