सांगली जिल्ह्यात दूध उत्पादनात घट

दूध
दूध

सांगली ः दुष्काळी पट्ट्यात आर्थिक हातभार लागावा, यासाठी दुग्धोत्पादन मोठ्या प्रमाणात घेतले जाते. जिल्ह्यात दररोज १३ लाख दुधाचे संकलन होते. मात्र चाराटंचाई, पाणीटंचाई आणि वाढत्या उष्णतेमुळे जिल्ह्यातील दररोज ९० हजार ३०३ लिटरने दूध उत्पादनात घट झाली. दुधाला दर मिळत नसल्याने पशुपालक चिंतेत आहेत. जिल्ह्यात सहकारी ७ संघ, मल्टिस्टेट १२ संघ; तर खासगी १२ संघ असे एकूण ३१ संघ आहेत. या संघांच्यामार्फत दररोज १३ लाख दुधाचे संकलन होते. वास्तविक पाहता दुष्काळी पट्ट्यातील आटपाडी, कवठेमहांकाळ, जत, खानापूर, तासगाव या तालुक्यांत मोठ्या प्रमाणात दुग्धोत्पादन घेतले जाते. जिल्ह्यातील दुष्काळी पट्ट्यात जरी चारा छावण्या सुरू झाल्या असल्या, तरी दुधाळ जनावरांना वेळेत चारा मिळत नाही. त्याचाही परिणाम दूध उत्पादनावर झाला. दुसरीकडे पशुखाद्याचे दर वाढतच आहेत. चाऱ्याच्या किमती वाढल्या आहेत. त्यामुळे पशुपालकांचे आर्थिक गणित कोलमडू लागले आहे. दूध संघांना फटका जिल्ह्यात गेल्या सहा महिन्यांपर्यंत ३६ दूध संघ होते. परंतु, शासनाच्या चुकीच्या धोरणांचा फटका दूध संघांना बसू लागला आहे. त्यातच गायीच्या दुधाचे अनुदान अद्यापही मिळाले नाही. त्यामुळे दूध संघ अडचणीत आहेत. दूध संघांची संख्यादेखील कमी होऊ लागली आहे. सध्या जिल्ह्यात ३१ संघ सुरू आहेत. अर्थात, पाच दूध संघ बंद झाले आहेत. जिल्ह्यातील दूध संघ

सहकारी  ७
मल्टिस्टेट    १२
खासगी १२
जिल्ह्यातील दूध संस्था     ५२६

  जिल्ह्यातील दूधसंकलन दृष्टिक्षेपात (लिटर)

  एप्रिल २०१९  मे २०१९
सहकारी   ३,६७,५६६   ३,५५,६०८
मल्टिस्टेट  २,८०,२७० २,८१,४७२
खासगी  ६,७८,७२४ ५,९९,२७४
एकूण    १३,२६,६५९ १२,३६,३५६

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com