खानदेशात कडधान्यांच्या आवकेत घट

खानदेशात कडधान्यांच्या आवकेत घट
खानदेशात कडधान्यांच्या आवकेत घट

जळगाव : खानदेशात ज्वारीचे उत्पादन यंदा बऱ्यापैकी आलेले असून ज्वारीला दोन दर दिले जात आहेत. सर्वाधिक आवक दोंडाईचा (जि. धुळे), नंदुरबार, चोपडा व अमळनेर येथील बाजार समित्यांमध्ये होत आहे. कडधान्याची आवक मात्र रोडावली आहे.

उडीद व मुगाचे दर सर्व बाजार समित्यांमध्ये ५१०० रुपये प्रतिक्विंटलपेक्षा अधिक आहेत. मात्र त्यांची आवक घटली असून, उडदाची प्रतिदिन ८००, तर मुगाची प्रतिदिन ६०० क्विंटल आवक पाचोरा, अमळनेर, दोंडाईचा व चोपडा बाजार समितीत होत आहे. नंदुरबार, रावेर, जळगाव बाजार समितीत कडधान्याची अत्यल्प आवक होत आहे. जळगाव बाजार समितीत लिलाव होत नसल्याने शेतकऱ्यांमध्ये नाराजी आहे. परिणामी चोपडा, अमळनेरला शेतकऱ्यांची पसंती आहे. अनेक शेतकऱ्यांनी शासकीय खरेदी केंद्रात कडधान्य विक्रीसाठी नोंदणीही केली आहे.

उडदासह  मुगाची आवक आणखी कमी होऊ शकते. ज्वारीची आवक मात्र वाढत आहे. नंदुरबार, दोंडाईचा, चोपडा, अमळनेर व पाचोरा बाजार समितीत ज्वारीची प्रतिदिन सुमारे १००० क्विंटल आवक होत आहे. बारीक, अस्वच्छ ज्वारीला ९५० रुपये प्रतिक्विंटल, तर दर्जेदार ज्वारीला प्रतिक्विंटल १४०० रुपये दर आहेत.

सोयाबीनची आवकही कमी मागील वर्षाच्या तुलनेत सोयाबीनची आवक कमी आहे. चोपडा, अमळनेर, शहादा व जळगाव बाजार समित्यांमध्ये सोयाबीनची अधिक आवक होते. यंदा प्रतिदिन ६०० क्विंटलपर्यंतच आवक आहे. दर २८०० ते ३१०० रुपये प्रतिक्विंटलपर्यंत आहेत. कमी दर्जाच्या सोयाबीनचे दर आणखी कमी असल्याची माहिती मिळाली. सोयाबीनची आवक पुढे आणखी कमी होऊ शकते. कारण, शेतकरी शासकीय खरेदी केंद्राच्या प्रतीक्षेत आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com