agriculture news in Marathi Registrar will solve problems farmers Maharashtra | Page 2 ||| Agrowon

पीककर्ज व्याज सवलत योजनेचे पालकत्व निबंधकांकडे 

टीम अॅग्रोवन
मंगळवार, 15 जून 2021

शेतकऱ्यांना शून्य टक्के व्याजाने तीन लाखापर्यंत कर्ज देण्याबाबत उद्भवणाऱ्या समस्यांचे निराकरण करण्याची जबाबदारी सहकार विभागाची असेल. या योजनेचे पालकत्व निबंधकांकडे आहे.

पुणेः शेतकऱ्यांना शून्य टक्के व्याजाने तीन लाखापर्यंत कर्ज देण्याबाबत उद्भवणाऱ्या समस्यांचे निराकरण करण्याची जबाबदारी सहकार विभागाची असेल. या योजनेचे पालकत्व निबंधकांकडे आहे, अशी माहिती सूत्रांनी दिली. 

शेतकऱ्यांना तीन लाखापर्यंत कर्ज शून्य टक्के व्याजाने मिळण्यासाठी उपमुख्यमंत्री अजित पवार यांची भूमिका मोलाची ठरली. त्यामुळेच सहकार विभागाने डॉ.पंजाबराव देशमुख व्याज सवलत योजनेत धोरणात्मक बदल केला आहे. विशेष म्हणजे श्री.पवार यांच्या नेतृत्वाखाली पुणे जिल्हा मध्यवर्ती बॅंकेत स्वनिधीतून तीन लाखापर्यंतचे पीककर्ज देण्याचा उपक्रम अनेक वर्षांपासून यशस्वीपणे राबविला आहे. 

सहकार विभागातील एका अधिकाऱ्याच्या म्हणण्यानुसार, ‘‘एक लाखापर्यंतचे कर्ज वेळेत फेडले तर व्याज सवलत ही आधीसारखी म्हणजेच तीन टक्के राहील. त्यात केंद्राची व्याज सवलत तीन टक्के एकत्र करता शून्य टक्क्यात एक लाखापर्यंतचे कर्ज आधीसारखे मिळत राहील. एक लाखापासून पुढे तीन लाखांपर्यंत आधी राज्याकडून एक टक्का सवलत मिळत होती ती आता दोन टक्के वाढ केली गेली आहे. म्हणजेच आता तीन टक्के व्याज सवलत राज्याची राहील. केंद्राचे त्यात चार टक्के एकत्र केल्यास एकूण सात टक्के सवलत मिळून शून्य टक्के दराने शेतकऱ्याला पीककर्ज मिळेल.’’ 

राज्यातील शेतकऱ्यांना कमी दरात पीककर्ज देणारे धोरण १९९१ मध्ये आणले गेले होते. तेव्हा दहा हजारांपर्यंतचे पीककर्ज वेळेत फेडल्यास ४ टक्के व्याजसवलत मिळत होती. १९९९ मध्ये या धोरणाला डॉ. पंजाबराव देशमुख व्याज सवलत योजना असे नामकरण केले गेले व कर्जमर्यादा २५ हजार रुपयांपर्यंत केली गेली. २००७ मध्ये ही मर्यादा तीन लाखापर्यंत नेली गेली. मात्र, व्याज सवलत फक्त दोन टक्के होती. 

२०१२ पासून शेतकऱ्यांना एक लाखापर्यंतच्या पीककर्जावर तीन टक्के व्याज सवलत दिली जाऊ लागली. एक लाखापासून पुढे तीन लाखांपर्यंत अल्पमुदत पीककर्ज वेळेत फेडले तर एक टक्का व्याजसवलत मिळत होती. योजनेची अंमलबजावणी करण्याची जबाबदारी शासनाने सहकार आयुक्तांकडे दिलेली आहे. जिल्हास्तरावर उपनिबंधकांकडून (डीडीआर) या योजनेचा आढावा घेतला जातो. हीच पध्दत यापुढेही चालू राहणार आहे. त्यामुळे शेतकऱ्यांना अडचण असल्यास तालुका किंवा जिल्हा उपनिबंधक कार्यालयाकडे दाद मागता येईल, असे सूत्रांनी स्पष्ट केले. 

प्रतिक्रिया 
शेतकऱ्यांना तीन लाखापर्यंतचे पीककर्ज शून्य टक्के व्याजाने मिळण्यासाठी डॉ.पंजाबराव देशमुख व्याज सवलत योजनेत धोरणात्मक बदल केला महत्वाचा आहे. यामुळे राज्यातील खरीप आणि रबी पीककर्ज वाटपाला चालना मिळेल. त्यातून कृषी व्यवस्थेला बळकटी येईल. शेतकऱ्यांना या योजनेबाबत काही शंका असल्यास जिल्हा उपनिबंधक कार्यालयाशी संपर्क साधू शकतात. 
- अनिल कवडे, सहकार आयुक्त 
 


इतर बातम्या
द्राक्षशेतीत परीक्षणानंतर...पुणे ः ‘‘अन्नद्रव्य व पाणी व्यवस्थापन उत्तमरीत्या...
‘अतिवृष्टिग्रस्त शेतकऱ्यांना  हेक्टरी...परभणी : अतिवृष्टीमुळे जमिनी खरडून गेल्या आहेत....
राज्यात पावसाचा जोर वाढणारपुणे : काहीशा विश्रांतीनंतर राज्यात पावसाला...
ज्वारी पेरली तर खरी,  पण वाचवायची कशी? अकोला : गेल्या काही वर्षांत सातत्याने ज्वारीचे...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
द्राक्ष बागायतदार संघाचे आजपासून ६१ वे...नाशिक : महाराष्ट्र राज्य द्राक्ष बागायतदार संघाचे...
पुरंदरमध्ये लवकरच प्रॉपर्टी कार्ड : ...गराडे, जि. पुणे : स्वामित्व योजना...
आमच्या गावाला ग्रामपंचायत द्या...गडचिरोली : आरमोरी तालुक्यातील रवी व मुल्लुरचक या...
मूग, सोयाबीन पिकाला कोंब फुटण्याची...पुणे : राज्यात काही दिवसांच्या विश्रांतीनंतर...
साखरनिर्यातीचे १८०० कोटींचे अनुदान मंजूरकोल्हापूर : केंद्राने २०२०-२१ या हंगामात निर्यात...
पुणे जिल्ह्यात तुरळक  ठिकाणी हलक्या...पुणे : दोन दिवसांपासून पावसासाठी पोषक वातावरण...
एकरकमी एफआरपीसाठी  भारतीय किसान संघाचे...पुणे : ऊस उत्पादक शेतकऱ्यांना रास्त व किफायतशीर...
नगरला कांदा दरात  चढ-उतार सुरूच नगर : नगर येथील दादा पाटील शेळके कृषी उत्पन्न...
सुरळीत वीजपुरवठ्यासाठी  कुरुंदवाडमध्ये...कोल्हापूर : महापूर ओसरून दीड महिना झाला असून,...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
सामाजिक, मानसिक स्वास्थ्यासाठी...पुणे ः ‘‘बदलत्या परिस्थितीत सामाजिक आणि मानसिक...
दोन आठवडे अगोदरच खरीप कांदा बाजारातनाशिक : जिल्ह्यातील चांदवड,देवळा, मालेगाव, येवला...
‘व्हीएसआय’च्या जालना केंद्रासाठी ३० कोटीपुणे ः विदर्भ, मराठवाड्याला मार्गदर्शक ठरणाऱ्या...
अखेर ‘चोसाका’ला मिळाली नवसंजीवनीचोपडा, जि. जळगाव  : ‘‘चोपडा शेतकरी सहकारी...
पूर्व विदर्भात पावसामुळे हाहाकार नागपूर : पूर्व विदर्भातील भंडारा आणि नागपूर...