agriculture news in marathi Registration from 12,000 farmers for sale of gram in Aurangabad, Jalna, Latur | Page 2 ||| Agrowon

औरंगाबाद, जालना, लातूरमध्ये हरभरा विक्रीसाठी १२ हजार शेतकऱ्यांकडून नोंदणी

टीम अॅग्रोवन
गुरुवार, 4 मार्च 2021

लातूर : मराठवाड्यातील औरंगाबाद, जालना व लातूर या तीन जिल्ह्यात आधारभूत किमतीने हरभरा खरेदीसाठी १२ हजार २९९ शेतकऱ्यांनी ऑनलाइन नोंदणी केली.

लातूर : मराठवाड्यातील औरंगाबाद, जालना व लातूर या तीन जिल्ह्यात आधारभूत किमतीने हरभरा खरेदीसाठी १२ हजार २९९ शेतकऱ्यांनी ऑनलाइन नोंदणी केली.

मका, सोयाबीन, तूरीनंतर हरभरा खरेदीसाठी केंद्र सुरू करून त्यावरून ऑनलाइन नोंदणी करण्याची प्रक्रिया १५ फेब्रुवारीपासून सुरु करण्यात आली. तत्पूर्वी कृषी विभागाच्या दुसऱ्या आगाऊ अंदाजानुसार मराठवाड्यातील विविध केंद्रांवरून  ५१०० रुपये प्रतिक्विंटल आधारभूत दराने हरभऱ्याची खरेदी करण्यासाठी जिल्हानिहाय उत्पादकता जाहीर करण्यात आली.

औरंगाबाद जिल्ह्यात हेक्टरी ७ क्विंटल १० किलो, जालना हेक्‍टरी ११ क्विंटल , बीड हेक्‍टरी १० क्विंटल, लातूर हेक्‍टरी १३ क्विंटल ५० किलो, उस्मानाबाद हेक्टरी ७ क्विंटल ५० किलो, नांदेड हेक्टरी १० क्विंटल १५ किलो, परभणी हेक्टरी ८ क्विंटल तर हिंगोली हेक्टरी १० क्विंटल ३२ किलो प्रमाणे हरभऱ्याची खरेदी केली जाणार आहे. जालना जिल्ह्यात हरभरा खरेदीसाठी ९ केंद्रे सुरू करण्यात आली.  येथून १९२३ शेतकऱ्यांनी ऑनलाइन नोंदणी केली.

औरंगाबाद जिल्ह्यात ७ केंद्रात १६४ शेतकऱ्यांनी नोंदणी केली आहे. लातूर जिल्ह्यात सर्वाधिक १६ केंद्र हरभऱ्याच्या खरेदीसाठी सुरू करण्यात आली.  या केंद्रांत सर्वात जास्त १० हजार २१२ शेतकऱ्यांनी ऑनलाइन नोंदणी केली. त्यापैकी ३५१ शेतकऱ्यांना प्रत्यक्ष खरेदीसाठी संदेश पाठविण्यात आले. त्यापैकी एका शेतकऱ्यांकडील १७ क्विंटल ८४ किलो हरभऱ्याची खरेदी करण्यात आली, अशी माहिती लातूरचे जिल्हा मार्केटिंग अधिकारी यादव सुमठाणे यांनी दिली.

तूर विक्रीकडे पाठ 

आधारभूत दराने तुरीची खरेदी करण्यासाठी सुरू केलेल्या शासकीय खरेदी केंद्रांना प्रतिसादच मिळत नसल्याची स्थिती आहे. तुरीच्या आधारभूत दराने खरेदीसाठी औरंगाबाद जिल्ह्यात सात केंद्रे सुरू करण्यात आली. या केंद्रावरून ३३१ शेतकऱ्यांनी ऑनलाइन नोंदणी केली. त्यापैकी १०१ शेतकऱ्यांना संदेश पाठविण्यात आले. परंतु प्रतिसाद मिळाला नाही. जालना जिल्ह्यात नऊ केंद्रांत २२४५ शेतकऱ्यांनी नोंदणी केली. त्यापैकी कोणीही केंद्राकडे फिरकले नाही. तुरीचे खासगी बाजारातील अधिक दर त्याचे कारण मानले जात आहे.


इतर ताज्या घडामोडी
वाढत्या तापमानातील द्राक्ष बागेतील...प्रत्येक भागात सध्याच्या परिस्थितीचा विचार करता...
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...