कापूस विक्रीसाठी नोंदणी थांबविली

शासकीय केंद्रात कापूस विक्रीसाठी बाजार समित्यांमध्ये जिल्ह्यात सुरू झालेली नोंदणी जिल्हा प्रशासनाने थांबविली आहे.
cotton
cotton

जळगाव ः शासकीय केंद्रात कापूस विक्रीसाठी बाजार समित्यांमध्ये जिल्ह्यात सुरू झालेली नोंदणी जिल्हा प्रशासनाने थांबविली आहे. पारोळा बाजार समितीच्या नोंदणीच्या कार्यपद्धतीसंबंधी तक्रारी आल्यानंतर नोंदणी बंद करण्याचे आदेश प्रशासनाने बजावले आहेत.  शासकीय कापूस खरेदीबाबतची तयारी जवळपास पूर्ण झाली आहे. ही तयारी पूर्ण होत असतानाच जिल्ह्यातील काही बाजार समित्यांबाबत जिल्हा प्रशासनाकडे तक्रारी करण्यात आल्या. त्यात नोंदणी करताना संचालकांची मर्जी, आर्थिक व्यवहार होत असल्याचा दावा करण्यात आला. पारोळा बाजार समितीबाबत माजी आमदार सतीश पाटील यांनी नोंदणी कुणाचेही आदेश नसताना लवकर सुरू केली.  नोंदणीबाबत आक्षेप त्यांनी घेतले. याची दखल प्रशासनाने घेतली व सर्वच बाजार समित्यांमध्ये सुरू असलेली नोंदणी बंद करण्यात आली. खरेदी सुरू केव्हा होईल, याबाबतही जिल्ह्यात संभ्रम तयार झाला आहे.  खेडा खरेदीत खासगी खरेदीदार कमी दर देत आहेत. काही जिनींग प्रेसिंग कारखाने सुरू आहेत. या कारखान्यांना सध्या  कमी दरात कापूस मिळत आहे. शासकीय खरेदी सुरू झाल्यास शेतकऱ्यांचे नुकसान कमी होईल, असा मुद्दा शेतकरी उपस्थित करीत आहेत.

नोंदणीसाठी ‘ॲप’ची मागणी मध्यंतरी जळगाव लोकसभा क्षेत्राचे खासदार उन्मेष पाटील यांच्याकडेही शेतकऱ्यांनी बाजार समित्यांमधील नोंदणीत संचालक हस्तक्षेप करतात. शेतकऱ्यांचे नुकसान होते. संचालकांची मर्जी खरेदीच्या व्यवहारांत असते. यामुळे नोंदणीसाठी ॲप विकसित करावे. शेतकरी घरबसल्या त्यातून नोंदणी करू शकतील, अशी कार्यवाही करावी, अशी मागणी केली होती. यामुळेदेखील कापूस विक्रीसाठी सुरू झालेली बाजार समित्यांमधील नोंदणी बंद झाल्याचा मुद्दा उपस्थित केला जात आहे. प्रतिक्रिया शासकीय कापूस खरेदी लांबणीवर पडायला नको. प्रशासनाने ॲप किंवा इतर कुठल्याही माध्यमातून नोंदणीला गती द्यावी. कापूस खरेदी पुढील आठवड्यात सुरू व्हायला हवी. अन्यथा शेतकऱ्यांचेच अधिक नुकसान होईल.  - अविनाश भालेराव, कापूस खरेदी केंद्रधारक कारखानदार, जळगाव

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com