agriculture news in marathi, Registration of Moog, Udda's Government purchase centre open today | Agrowon

जळगावात मूग, उडदाच्या शासकीय खरेदीची आजपासून नोंदणी
टीम अॅग्रोवन
गुरुवार, 27 सप्टेंबर 2018

जळगाव : मूग व उडदाची शासकीय खरेदी करण्याची तयारी जवळपास पूर्ण झाली असून, गुरुवारपासून (ता. २७) ९ ऑक्‍टोबरपर्यंत खरेदीसंबंधीची नोंदणी पाचोरा, जळगाव व अमळनेर येथे होईल. सोयाबीन खरेदीसंबंधीची नोंदणी १ ऑक्‍टोबरपासून सुरू होणार आहे.

जळगाव : मूग व उडदाची शासकीय खरेदी करण्याची तयारी जवळपास पूर्ण झाली असून, गुरुवारपासून (ता. २७) ९ ऑक्‍टोबरपर्यंत खरेदीसंबंधीची नोंदणी पाचोरा, जळगाव व अमळनेर येथे होईल. सोयाबीन खरेदीसंबंधीची नोंदणी १ ऑक्‍टोबरपासून सुरू होणार आहे.

मुगाची ६९७५ रुपये प्रतिक्विंटल या दरात, तर उडदाची ५६०० आणि सोयाबीनची ३३९९ रुपये प्रतिक्विंटल या दरात खरेदी केली जाईल. खरेदी लक्ष्यांक किती, या संदर्भात अजून स्पष्ट झालेले नाही. शासकीय खरेदी केंद्रात उडीद व मुगाची विक्री करण्यासाठी नोंदणी बंधनकारक आहे. त्यासाठी आधार क्रमांक, सातबारा (मूग, उडीद यांची नोंद असलेला) व बॅंक खाते क्रमांक द्यावा लागेल. आधार संलग्न असलेल्या बॅंक खात्यावर उडीद व मुगाचे चुकारे अदा केले जातील.

खरेदीसाठी सबएजंट म्हणून जळगाव येथे कृषी औद्योगिक सहकारी संस्था, पाचोरा येथे भडगाव शेतकरी सहकारी संघ व अमळनेरातही शेतकरी संघाची नियुक्ती केली आहे. शेतकऱ्यांना नोंदणीसाठी जळगाव येथे कृषी औद्योगिक सहकारी संस्थेच्या विसनजीनगरातील कार्यालयात संपर्क करावा लागेल. तर पाचोरा येथे शेतकी संघाच्या बाजार समितीच्या कार्यालयात आणि अमळनेर येथे अमळनेर शेतकरी संघाच्या कार्यालयात नोंदणी करता येईल.

सोयाबीनसंबंधीची नोंदणी ३१ ऑक्‍टोबरपर्यंत सुरू राहील, अशी माहिती मार्केटिंग फेडरेशनचे पणन अधिकारी परिमल साळुंखे यांनी दिली. मूग व उडदाच्या विक्रीसंबंधीच्या नोंदणीसाठी केवळ १४ दिवस मिळणार असल्याने सर्वच शेतकऱ्यांची नोंदणी शक्‍य नसल्याचे शेतकऱ्यांचे म्हणणे आहे.

खरेदी १० ऑक्‍टोबरपासून शक्‍य

मूग व उडदाची खरेदी १० ऑक्‍टोबरपासून पाचोरा, जळगाव व अमळनेर येथील बाजार समित्यांमध्ये सुरू होईल. पाचोरा बाजार समितीतील भडगाव शेतकी संघाच्या कार्यालयात व अडत दुकानात खरेदी होईल. अमळनेर शेतकी संघाची खरेदीही अमळनेर बाजार समितीमध्ये होईल. जळगाव येथील कृषी औद्योगिक सहकारी संस्थेची खरेदी जळगाव कृषी उत्पन्न बाजार समितीमधील संस्थेच्या गोदाम व कार्यालयात केली जाईल. सोयाबीनची खरेदी मात्र नोव्हेंबरमध्ये सुरू होईल, असे संकेत मिळत आहेत.

इतर बातम्या
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
उद्यापासून हंगाम सुरु, पण ऊसतोड बंदच !मुंबई / पुणे  ः राज्यातील यंदाचा ऊस गाळप...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
विदर्भ, मराठवाड्यात गारठा वाढलापुणे   : किमान तापमानात घट होत असल्याने...
खतमाफियांमुळे शेतकऱ्यांची मोठी लूटपुणे : बोगस मिश्रखतांचे उत्पादन व विक्री करणाऱ्या...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...