परभणी ः ‘‘महारेशीम अभियानांतर्गत रेशीम शेती व्यवसाय सुरु करण्यासाठी जिल्ह्यातील इच्छुक शेतकऱ्यांनी ५८५ एकरावर तुती लागवडीसाठी नोंदणी केली आहे,’’ अशी माहिती जिल्हा रेशीम विकास अधिकारी गोविंद कदम यांनी दिली.
महारेशीम अभियानांतर्गत यंदा जिल्ह्यात २२५ एकर तुती लागवडीचे उद्दिष्ट देण्यात आले होते. परंतु पारंपरिक पीक पद्धतीतून विविध कारणांनी उत्पन्नाची अनिश्चितता निर्माण झाली आहे. मात्र, रेशीम शेतीद्वारे जिल्ह्यातील अनेक शेतकऱ्यांना पगाराप्रमाणे दर महिन्याला शाश्वत उत्पन्न मिळेल. त्यामुळे गेल्या काही वर्षांत तुती लागवडीखालील क्षेत्रात वाढ झाली आहे.
नोंदणीसाठी शुक्रवार (ता.२६) पर्यत मुदतवाढ देण्यात आली होती. या कालावधीत जिल्ह्यातील परभणी, सेलू, पूर्णा या रेशीम समुहा अंतर्गत नऊ तालुक्यातील ५८५ शेतकऱ्यांनी ५८५ एकरवर तुती लागवडीसाठी नोंदणी आहे. त्यासाठी प्रतिशेतकरी ५०० रुपये या प्रमाणे २ लाख ९२ हजार ५०० रुपये एवढे नोंदणी शुल्क शासनाकडे जमा केले आहे, असे कदम, रेशीम अधिकारी पी. बी. नरवाडे यांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.