निविष्ठा परवान्यांचे नूतनीकरण रखडले; केंद्रीय कृषी मंत्रालयाकडे लागले लक्ष

पुणे : लॉकडाऊनमुळे देशातील लाखो निविष्ठा विक्री परवान्यांचे नूतनीकरण रखडले आहे. त्यामुळे केंद्रीय कृषी मंत्रालय आता ही समस्या कशी सोडवते याकडे राज्यातील विक्रेत्यांचे लक्ष लागून आहे.
निविष्ठा परवान्यांचे नूतनीकरण रखडले; केंद्रीय कृषी मंत्रालयाकडे लागले लक्ष
निविष्ठा परवान्यांचे नूतनीकरण रखडले; केंद्रीय कृषी मंत्रालयाकडे लागले लक्ष

पुणे : लॉकडाऊनमुळे देशातील लाखो निविष्ठा विक्री परवान्यांचे नूतनीकरण रखडले आहे. त्यामुळे केंद्रीय कृषी मंत्रालय आता ही समस्या कशी सोडवते याकडे राज्यातील विक्रेत्यांचे लक्ष लागून आहे.

गावपातळीवर खते, बियाणे व कीडनाशके उपलब्ध करून देण्यात विक्रेत्यांची भूमिका मोलाची असते. मात्र, या विक्रेत्यांकडे परवाने नसल्यास फौजदारी स्वरूपाची कारवाई होते. परवान्याची मुदत संपल्यानंतर झालेली विक्री देखील कायद्यानुसार अवैध ठरते. त्यामुळे कृषी खात्याचे गुणनियंत्रण निरीक्षक अशा विक्रेत्यांवर कारवाई करतात.

राज्यात खते, बियाणे व कीडनाशकांच्या विक्रीचे अंदाजे एकूण ९ लाख परवाने आहेत. यातील काही लाख परवाने नूतनीकरणाच्या प्रतीक्षेत असावेत, असा अंदाज विक्रेत्यांच्या प्रतिनिधींचा आहे. ई-मित्र प्रणाली बंद असून संचारबंदीमुळे विक्रेत्यांना नूतनीकरणात मोठ्या अडचणी येत आहेत. केंद्रीय कृषी मंत्रालयाकडे ही समस्या मांडली गेली आहे. मात्र, विधी विभागाकडून सल्ला आल्याशिवाय पुढील आदेश जारी न करण्याची भूमिका कृषी मंत्रालयाची आहे.

‘‘देशात बहुतेक विक्रेते आपल्या परवान्यांचे नूतनीकरण मार्चअखेर करतात. अर्थात, परवान्यांची मुदत २० फेब्रुवारीला संपुष्टात येते. मात्र, त्यानंतरही एक महिन्यात म्हणजेच २० मार्चपर्यंत विलंब शुल्क भरून परवाना नूतनीकरणाचा पर्याय एरवी उपलब्ध असतो. लॉकडाऊनमुळे विक्रेत्यांना नूतनीकरणाची प्रक्रिया पूर्ण करता आलेली नाही,” अशी माहिती 'अॅग्रो इनपुट डिलर्स असोसिएशन'च्या सूत्रांनी दिली.

केंद्रीय कृषी मंत्रालयातील वरिष्ठ अधिकाऱ्यांपर्यंत ही समस्या मांडण्यात आली आहे. परवान्यांची मुदत थेट ऑनलाइन पद्धतीने वाढवून देता येणे शक्य आहे. ‘ऑटो रिन्युअल’चा पर्याय वापरल्यास थेट ३० जूनपर्यंत परवान्याची मुदत वाढवून देणारी अधिसूचना केंद्रातून जारी करावी, अशी मागणी देखील करण्यात आली आहे.

प्रतिक्रिया... देशात २१ मार्चपासून निविष्ठा परवान्यांचे नूतनीकरण रखडले आहे. नूतनीकरणाची मुदत जूनपर्यंत वाढवून मिळण्याची विनंती केंद्रीय कृषी मंत्रालयाकडे करण्यात आली आहे. हा मुद्दा आता केंद्रीय विधी मंत्रालय तपासून पाहत आहे. – मनमोहन कलंत्री, अध्यक्ष, ऑल इंडिया अॅग्रो इनपुट डिलर्स असोसिएशन 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com