agriculture news in Marathi registration started for agri CET Maharashtra | Agrowon

कृषी ‘सीईटी’साठी नावनोंदणीला प्रारंभ

टीम अॅग्रोवन
शुक्रवार, 11 जून 2021

राज्यात बारावीच्या परीक्षा झालेली नसल्याने कृषी शिक्षणाच्या विविध अभ्यासक्रमांसाठी सामाईक प्रवेश परीक्षा (सीईटी) कशी होणार याविषयी गेल्या काही दिवसांपासून संभ्रमाची स्थिती होती. 

पुणे ः राज्यात बारावीच्या परीक्षा झालेली नसल्याने कृषी शिक्षणाच्या विविध अभ्यासक्रमांसाठी सामाईक प्रवेश परीक्षा (सीईटी) कशी होणार याविषयी गेल्या काही दिवसांपासून संभ्रमाची स्थिती होती. मात्र आता परीक्षा घेण्याचे निश्‍चित झाले असून, नावनोंदणी देखील सुरू झाली आहे. 

एरवी बारावीची परीक्षा होताच ‘सीईटी’ची प्रक्रिया जाहीर केली जाते. यंदा कोरोना आणि लॉकडाउनच्या पार्श्‍वभूमीवर बारावीच्या परीक्षा झालेल्याच नाहीत. त्यामुळे ‘सीईटी’ केव्हा आणि कशी होणार, त्यासाठी अभ्यासक्रम नेमका कसा राहील याविषयी राज्यातील हजारो विद्यार्थ्यांना चिंता लागून होती. आता यातील संभ्रम दूर करण्यात आला आहे. ‘सीईटी’साठी अकरावीचा २० टक्के, तर बारावीचा ८० टक्के अभ्यासक्रम राहणार आहे. 

राज्य सामाईक प्रवेश परीक्षा कक्षाचे आयुक्त चिंतामणी जोशी यांनी कृषी ‘सीईटी’च्या नियोजनाचा आढावा घेतला. विद्यार्थ्यांसाठी सुरू केलेली नोंदणी (रजिस्ट्रेशन) प्रक्रिया येत्या सात जुलैपर्यंत चालणार आहे. अर्थात, विलंब शुल्कासह १५ जुलैच्या रात्री ११.५९ वाजेपर्यंत नोंदणीची संगणकीय प्रणाली सुरू राहणार आहे. 

महाराष्ट्र कृषी शिक्षण व संशोधन परिषदेचे संचालक (शिक्षण) डॉ. हरिहर कौसडीकर म्हणाले, की कृषी क्षेत्रातील आठ विद्याशाखांसाठी ‘सीईटी’द्वारे प्रवेश मिळणार आहेत. राज्यात यंदा १८९ महाविद्यालयांमधील १५ हजार २५७ जागांवर प्रवेश दिले जातील. यात ३८ सरकारी महाविद्यालये असून, १५१ महाविद्यालये खासगी शिक्षण संस्थाचालकांची आहेत. विद्यार्थ्यांनी वेळेत अर्ज करून ‘सीईटी’च्या तयारीला लागावे. 

सलग दोन वर्षांपासून ‘सीईटी’चे वेळापत्रक विस्कळित होते आहे. गेल्या वर्षी कोरोना विषाणूचा प्रादुर्भाव वाढताच धास्तावलेल्या पालकांनी ‘सीईटी’ पुढे ढकलावी, अशी मागणी केली होती. त्यामुळे राज्य सामाईक प्रवेश परीक्षा कक्षाला परीक्षा पुढे ढकलाव्या लागल्या. यंदा बारावीच्या परीक्षा न झाल्यामुळे ‘सीईटी’साठी नेमका कोणता अभ्यासक्रम असेल याविषयी विद्यार्थी चिंतेत होते. 

सर्व प्रवेश ‘सीईटी’वर होणार 
कृषी पदवीसाठीचे सर्व प्रवेश यंदाही पूर्णतः ‘सीईटी’च्या गुणांच्या आधारावरच होणार आहेत. या आधी ‘सीईटी’ पेपरचा ७० टक्क्यांचा स्कोअर आधी पकडला जात होता. उर्वरित ३० टक्क्यांसाठी बारावीत मिळालेली गुण गृहीत धरले जात होते. मात्र व्यावसायिक अभ्यासक्रमांचा दर्जा असल्याने कृषी प्रवेशासाठी सर्वंकष निकष फक्त ‘सीईटी’च्या गुणांचेच ठेवण्याची शिफारस केली गेली व ती गेल्या दोन वर्षांपासून अमलात आणली जात आहे, असे सूत्रांनी स्पष्ट केले. 


इतर बातम्या
फळपीक विमा योजनेत त्रुटी, गोंधळसोलापूर ः पुनर्रचित हवामान आधारित फळपीक विमा...
पूर्व विदर्भात मुसळधार शक्य पुणे : कोकण ते केरळ दरम्यान असलेले कमी दाबाचे...
पूर्वहंगामी द्राक्षाचे विमा कवच चारपट...नाशिक : गेल्या काही वर्षांत नैसर्गिक आपत्तीमुळे...
‘एचटीबीटी’ बियाण्याची पाळेमुळे...पुणे ः देशात अवैध तणनाशक सहनशील ‘एचटीबीटी’ कापूस...
डाळिंब विमा अर्जासाठी १४ जुलैपर्यंत...सांगली : पंतप्रधान पीकविमा योजनेअंतर्गत पुनर्रचित...
उसासाठी यंदाची ‘एफआरपी’ जाहीर कराकोल्हापूर : यंदाच्या गळीत हंगामातील उसाची एफआरपी...
कांदा व्यापाऱ्याकडून शेतकऱ्याला मारहाण नाशिक : जिल्ह्यातील बाजार समित्यांमध्ये कांद्याची...
शेतीला आधुनिक तंत्रज्ञानाची जोड  ...नाशिक : राज्यात खरीप हंगामास सुरुवात झाली असून,...
अमरावती जिल्हा परिषदेची सभा...अमरावती : पीकविमा भरपाई, समृद्धी महामार्गाच्या...
संत्रा आयात शुल्क कपातीसाठी प्रयत्न करा...नागपूर : विदर्भाचे मुख्य फळपीक असलेल्या...
दूधदरप्रश्‍नी वैजापूर बाजार समितीच्या...औरंगाबाद : दूध उत्पादकांच्या मागण्याच्या...
खेडमध्ये बटाटा लागवडीस वेगचास, जि. पुणे : खेड तालुक्यात बटाटा लागवडीस...
स्थानिक काजूची आवक आजरा तालुक्यात...आजरा, जि. कोल्हापूर : आजरा बाजारपेठेत स्थानिक...
लाभार्थी शेतकऱ्यांचे अनुदान तातडीने अदा...बुलडाणा : शासन शेतकऱ्यांचा जीवनस्तर उंचविण्यासाठी...
पुणे बाजार समितीची ‘प्रादेशिक’ अधिसूचना...पुणे : पुणे बाजार समितीची निवडणूक टाळून सत्ता एका...
कांद्याची २५ दिवसांत विक्रमी अकरा लाख...नाशिक : जिल्ह्यातील कृषी उत्पन्न बाजार...
खानदेशात युरियाप्रश्नी प्रशासनाची धावपळजळगाव :  खानदेशात खरिपाला सुरवात होत असतानाच...
‘डीएससी’त अडथळे  आणल्यास कारवाई करापुणे ः राज्यातील सरपंच व ग्रामसेवकांचे संगणकीय...
खानदेशात बाजार समित्यांचे कामकाज पूर्ववतजळगाव :  खानदेशात बाजार समित्यांचे कामकाज...
विधिमंडळाचे पावसाळी अधिवेशन ५, ६ जुलै... मुंबई : कोरोना संकटाची सध्याची स्थिती पाहता आणि...