कोल्हापूर : येथील बाजार समितीत सोमवारी (ता. २०) नियमित सौदे झाले. गेल्या तीन दिवसांपासून भाजीपाल्याचे सौदे बंद होते. शनिवार (ता. १९) पासून सौद्यास सुरुवात झाली आहे. सोमवारी २२० गाड्या शेतमाल सांगली, कर्नाटक सीमा भागातून आल्या. यामध्ये ढोबळी मिरची, फ्लॉवर, कोबी आदी भाजीपाल्याची आवक लक्षणीय होती. भाजीपाल्याबरोबर कोकणातून हापूस आंब्याची आवक झाली.
प्रशासनाच्या आवाहनानुसार बाजार समिती व्यवस्थापनाने विक्रेत्यांना पासेस देण्याची सोय केली आहे. यामुळे बाजार समितीच्या कार्यालयात हे पासेस घेण्यासाठी विक्रेत्यांनी गर्दी केली होती. सोशल डिस्टन्सिंग राखण्यासाठी शाहूपुरी पोलिस व बाजार समितीच्या व्यवस्थापनाने काटेकोर प्रयत्न सुरू केले आहेत.
दुचाकीस्वारांना बाजार समितीच्या बाहेर वाहने लावण्याची सक्ती करण्यात येत आहे. जेणेकरून अनावश्‍यक गर्दी टाळण्यास मदत होणार आहे. सोमवारी बाजार समितीने नियम कडक केले. त्यामुळे बाजार समितीत झालेल्या सौद्यास फारसा गोंधळ झाला नाही. गेल्या चार दिवसांपासून भाजीपाला व फळांच्या आवकेत चांगलीच वाढ झाल्याचे बाजार समितीच्या सूत्रांनी सांगितले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.