Agriculture news in marathi To regular indebted farmers Sanugrah grant to be received: Nana Patole | Agrowon

नियमित कर्जदार शेतकऱ्यांना  मिळणार सानुग्रह अनुदान : नाना पटोले 

टीम अॅग्रोवन
मंगळवार, 27 जुलै 2021

शेतकऱ्यांच्या खात्यात लवकरच ५० हजार रुपये प्रोत्साहनपर रक्कम जमा करण्यात येईल, अशी माहिती महाराष्ट्र प्रदेश काँग्रेस कमिटीचे अध्यक्ष नाना पटोले यांनी दिली. 

गोंदिया : राज्य सरकारने नियमित कर्ज परतफेड करणाऱ्या शेतकऱ्यांना सानुग्रह अनुदान देण्याची घोषणा केली होती. त्यानुसार लवकरच शेतकऱ्यांच्या खात्यात ५० हजार रुपये प्रोत्साहनपर रक्कम जमा करण्यात येईल, अशी माहिती महाराष्ट्र प्रदेश काँग्रेस कमिटीचे अध्यक्ष नाना पटोले यांनी दिली. 

पत्रकार परिषदेत नाना पटोले म्हणाले, ‘‘थकीत कर्जदार असलेल्या शेतकऱ्यांचे कर्जमाफी करण्यासाठी महाविकास आघाडीने पुढाकार घेतला होता. त्या सोबतच कर्जाची नियमित परतफेड करणाऱ्या शेतकऱ्यांवर अन्याय होऊ नये याची देखील खबरदारी घेण्यात आली. अशा शेतकऱ्यांना प्रोत्साहन देण्याकरता सानुग्रह अनुदान देण्याची घोषणा करण्यात आली होती. हा निधी देण्यास अनेक कारणांमुळे विलंब झाला, त्यामुळे शेतकऱ्यांमध्ये रोष निर्माण होत होता. आता लवकरच सानुग्रह अनुदान म्हणून ५० हजार रुपये कर्जदार शेतकऱ्यांच्या खात्यात जमा करण्यात येतील. सरकारने धान उत्पादकांना सातशे रुपये बोनस देण्याची घोषणा केली होती. यातील अर्धी रक्कम धान उत्पादकांच्या खात्यात जमा करण्यात आली आहे. उर्वरित रक्कम देखील लवकरच जमा होईल.’’ 

ओबीसींवर केंद्राचा राग 
ओबीसीच्या आरक्षणावरून देखील नाना पटोले यांनी केंद्र सरकारवर या वेळी ताशेरे ओढले. ओबीसींवर केंद्र सरकारचा राग आहे. केंद्र सरकारमुळेच ओबीसी आरक्षण रद्द झाले आहे. ओबीसींच्या जनगणना संदर्भात केंद्राने राज्यसभेत ओबीसींची जनगणना करणार नाही आणि ओबीसींची आकडेवारी देणार नाही, असे सांगितल्यामुळे भाजप सरकार ओबीसींच्या किती विरोधात आहे हे स्पष्ट होते. 

नुकसानग्रस्तांना मिळणार मदत 
अतिवृष्टी व पूरपरिस्थितीमुळे अडचणीत सापडलेल्या लोकांना मदत करण्यापेक्षा राजकारण करणाऱ्या लोकांनी जखमेवर मीठ चोळण्याचे काम केले. राज्य सरकारने पीक नुकसान व सर्वेक्षणाचे आदेश दिले आहेत. त्या आधारे शेतकऱ्यांना मदत केली जाणार आहे. त्या बाबतचा निर्णयही लवकरच घेतला जाईल. कोरोनाच्या संकटामुळे व्यापाऱ्यांची प्रतिष्ठाने दुपारी चार वाजेपर्यंत खुली असतात. महामारीच्या प्रकोपामुळे केंद्राने दिलेल्या निर्देशानुसार दिशानिर्देश लागू करण्यात आले आहेत. महाराष्ट्रात तिसरी लाट येणार असल्याची शक्यता असल्याने या परिस्थितीला हाताळण्यासाठी दुपारी चार वाजेनंतर लॉकडाउन जाहीर करण्यात आले आहे. 


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...