agriculture news in Marathi, regulatory left ban on Krushisevak recruitment, Maharashtra | Page 2 ||| Agrowon

कृषिसेवक भरती प्रक्रियेवरील बंदी न्यायाधिकरणाने उठवली
टीम अॅग्रोवन
रविवार, 25 ऑगस्ट 2019

अकोला ः कृषी खात्याने १४१६ जागांसाठी राबवलेल्या कृषी सेवक भरतीवरील पुणे विभाग वगळता उर्वरित महाराष्ट्रासाठी बंदी अंशतः उठविण्यात आली आहे. महाराष्ट्र प्रशासकीय न्यायाधिकरणाने (औरंगाबाद खंडपीठ) २२ ऑगस्ट रोजी याबाबत निर्णय दिला असून ११०३ जागा भरण्याचा मार्ग मोकळा झाला आहे. सात विभागातील भरती प्रक्रिया सुरळीत पार पडण्यास या निर्णयाने अंतरिम दिलासा मिळाला आहे.

याबाबत अधिक माहिती अशी, की शासनाने ३ जानेवारी २०१९ रोजी राज्यातील आठ कृषी विभागांसाठी १४१६ जागांची कृषी सेवक भरती प्रक्रिया २०१८-१९ ची जाहिरात प्रसिद्ध केली होती.

अकोला ः कृषी खात्याने १४१६ जागांसाठी राबवलेल्या कृषी सेवक भरतीवरील पुणे विभाग वगळता उर्वरित महाराष्ट्रासाठी बंदी अंशतः उठविण्यात आली आहे. महाराष्ट्र प्रशासकीय न्यायाधिकरणाने (औरंगाबाद खंडपीठ) २२ ऑगस्ट रोजी याबाबत निर्णय दिला असून ११०३ जागा भरण्याचा मार्ग मोकळा झाला आहे. सात विभागातील भरती प्रक्रिया सुरळीत पार पडण्यास या निर्णयाने अंतरिम दिलासा मिळाला आहे.

याबाबत अधिक माहिती अशी, की शासनाने ३ जानेवारी २०१९ रोजी राज्यातील आठ कृषी विभागांसाठी १४१६ जागांची कृषी सेवक भरती प्रक्रिया २०१८-१९ ची जाहिरात प्रसिद्ध केली होती.

त्यानंतर २२ ते २४ फेब्रुवारी २०१९ दरम्यान परीक्षा घेण्यात आली. या परीक्षेत विचारलेले प्रश्न हे पदवीस्तरावरचे नसल्याचा प्रमुख आक्षेप होता. यासह इतर मुद्यांना अनुसरून या प्रक्रियेला न्यायालयात आव्हान देण्यात आले. न्यायालयाने भरतीवर स्थगनादेश दिला. त्यामुळे अंतिम गुणपत्रिका २ जुलै २०१९ रोजी प्रसिद्ध झाली तरी हे प्रकरण न्यायप्रविष्ट असल्याने अंतिम गुणवत्ता यादी विभागवार जाहीर करता आली नव्हती.

या प्रकरणी गुरुवारी (ता. २२) महाराष्ट्र प्रशासकीय न्यायाधिकरणाच्या औरंगाबाद खंडपीठाचे हंगामी अध्यक्ष न्या. बी. पी. पाटील यांच्यासमोर युक्तिवाद करण्यात आला. शासनाच्यावतीने ॲड. प्रिया राघवेंद्र भारसवाडकर तर याचिका कर्त्यांच्यावतीने ॲड. अजय देशपांडे यांनी बाजू मांडली.

निकालाकडे सर्वांचे लक्ष्य 
कृषिसेवक भरतीसाठी परीक्षा दिलेल्यांचे या 
निकालाकडे लक्ष लागले होते. एवढ्या मोठ्या संख्येने नोकरभरती होणार असल्याने हजारोंच्या संख्येत अर्ज आले होते. त्यातून गुणवत्तेच्या आधारे यादी अंतिम होणार आहे. भरती प्रक्रियेवर आजवर स्थगनादेश असल्याने या उमेदवारांचे भवितव्य टांगणीला बांधले होते. आता ‘स्टे’ उठविण्यात आल्याने पुणे वगळता राज्यातील उर्वरित सात विभागात भरतीचा मार्ग मोकळा होणार आहे.

पुणे विभागासंदर्भात १५ दिवसांत अहवाल द्या
न्यायालयाने बाजू ऐकल्यानंतर २२ ते २४ फेब्रुवारी या काळात घेतलेल्या प्रश्न पत्रिकांमधील पुणे विभागातील काही प्रश्नांचे परीक्षण करण्यासाठी महाराष्ट्र कृषी शिक्षण व संशोधन परिषदेला निर्देश देत १५ दिवसांत अहवाल देण्यास सांगण्यात आले. याचिकाकर्ते हे पुणे विभागातून असल्याने फक्त पुणे विभागात या भरती प्रक्रियेस ‘स्टे’ कायम आहे. याबाबत येत्या १९ सप्टेंबरला सुनावणी होणार असल्याची माहिती मिळाली आहे.

इतर बातम्या
अकोल्यात पावसाळी वातावरणामुळे मूग...अकोला  ः गेल्या १५ दिवसांपासून कुठे रिमझिम...
ग्रामसेवकांच्या माघारीने...पुणे : राज्य शासनाकडून ग्रामसेवक संघटनेच्या...
हिंगोलीत खरिपात केवळ अकरा टक्के पीक...हिंगोली ः हिंगोली जिल्ह्यातील सर्वच बॅंकांनी यंदा...
नरोटेवाडीतील कालव्यातून हिप्परगा...सोलापूर  : शिरापूर उपसा सिंचन योजनेमधून...
रेशीम अळ्यांचे शास्त्रोक्‍त संगोपन आवश्...जालना : ‘‘चॉकी रेअरिंग सेंटरमुळे शेतकऱ्यांना...
परभणीत ८४९ कोटी ५६ लाख रुपयांची...परभणी ः छत्रपती शिवाजी महाराज शेतकरी सन्मान...
लष्करी अळीच्या नुकसानीचे पंचनामे का...औरंगाबाद : ‘‘शेती तोट्यात गेली, गावचं अर्थकारण...
‘कडकनाथ’प्रकरणी ‘स्वाभिमानी’ आक्रमकसातारा : कडकनाथ घोटाळ्याप्रकरणी तिघांना आरोपीऐवजी...
पुराचे पाणी दुष्काळी भागाला देणार ः...कऱ्हाड, जि. सातारा ः महापुरामुळे सांगली,...
मुख्यमंत्र्यांच्या ताफ्यात सोडल्या...सांगली ः कडकनाथ कोंबडी घोटाळा प्रकरणांची चौकशी...
शरद पवार आजपासून राज्याच्या दौऱ्यावरमुंबई ः लोकसभा निवडणुकीपासून सुरू असलेली पक्षाची...
मोकाट जनावरांकडून पिकांचे नुकसान विंग, जि. सातारा ः अतिवृष्टीने खरीप धोक्‍यात...
जायकवाडी धरणातून पाण्याचा विसर्गजायकवाडी, जि. औरंगाबाद : जायकवाडी धरणामधून...
थकबाकीदार सूतगिरणीच्या संचालकांवर राज्य...मुंबई: कोट्यवधींचे कर्ज थकवल्याप्रकरणी राज्य...
रेशीम विभागाचा सुधारित आकृतीबंध...जालना: झपाट्याने वाढत असलेल्या रेशीम उद्योग व...
अमेरिकन लष्करी अळीकडून ४० टक्के मका फस्तपुणे: राज्यात मका पिकावर अमेरिकन लष्करी अळीचे...
लष्करी अळी आटोक्यात: कृषी विभागपुणे : राज्यात दोन लाख ६७ हजार हेक्टर क्षेत्रातील...
अनुदान अर्जांच्या पूर्वसंमतीची पद्धत...पुणे : राज्यातील शेतकऱ्यांची गैरसोय टाळण्यासाठी...
कोकण, मध्य महाराष्ट्र, मराठवाड्यात...पुणे : राज्यात पावसाला पोषक हवामान होत असल्याने...
महाराष्ट्राप्रमाणे आम्हालाही विकसित...पुणे : महाराष्ट्रातील शेतकरी पीक उत्पादन...