agriculture news in Marathi reimbursement order to Mahabeez Maharashtra | Agrowon

अमरावती : निकृष्ट बियाणेप्रकरणी भरपाईचे आदेश 

टीम अॅग्रोवन
मंगळवार, 3 ऑगस्ट 2021

निकृष्ट बियाण्यासंदर्भाने तालुकास्तरीय तक्रार निवारण समितीने अहवाल दिल्यानंतरही भरपाईस नकार देणाऱ्या ‘महाबीज’ला अमरावती ग्राहक तक्रार निवारण मंचाने चपराक दिली.

अमरावती ः निकृष्ट बियाण्यासंदर्भाने तालुकास्तरीय तक्रार निवारण समितीने अहवाल दिल्यानंतरही भरपाईस नकार देणाऱ्या ‘महाबीज’ला अमरावती ग्राहक तक्रार निवारण मंचाने चपराक दिली. सोयाबीनच्या निकृष्ट बियाण्याकरीता ६१ हजार रुपये व त्यावर तक्रार दाखल तारखेपासून १० टक्के व्याज तसेच १५ हजार रुपये शारीरीक व मानसिक त्रासाकरीता व १० हजार रुपये तक्रारीचा खर्च म्हणून महाबीज व बियाणे विक्रेता बोंडे ॲग्रो सर्व्हिसेस यांना देण्याचे आदेशित केले आहे. 

अमरावती जिल्हा ग्राहक तक्रार निवारण आयोगाचे अध्यक्ष सुदाम देशमुख व सदस्या श्रीमती शुभांगी कोंडे यांनी तक्रारकर्ता विनोद ठाकरे यांना ही भरपाई देण्याचे आदेश दिले. 
अंजनगावसूर्जी येथील तक्रारकर्ता विनोद ठाकरे यांनी आपल्या शेतात पेरण्याकरीता बोंडे ॲग्रो सर्व्हिसेस यांच्याकडून महाबीज व्दारा उत्पादित सोयाबीनचे बियाणे विकत घेतले होते. या बियाणाची पेरणी ठाकरे यांनी शेतामध्ये केली. पण उगवणशक्‍ती कमी असल्याने रोप बहुतांशी उगवलीच नाही. त्यामुळे शेतकरी ठाकरे यांनी कृषी अधिकाऱ्यांकडे सोयाबीन बियाणाच्या उगवणशक्ती विषयक तक्रार दाखल केली.

तत्कालीन कृषी अधिकारी यांनी शासनाच्या दिशानिर्देशाप्रमाणे समिती स्थापन करून तक्रारकर्त्याच्या शेताची पाहणी करून पंचनामा केला. कृषी अधिकारी यांच्या समितीमध्ये कृषीतज्ज्ञ यांचा देखील समावेश असल्याने पंचनाम्यामध्ये महाबीज व्दारानिर्मीत सोयाबीन बियाणे निकृष्ट दर्जाचे असल्याचा निर्वाळा त्यांनी दिला. 

तक्रारकर्त्यांचे वकील ॲड.डॉ. रविंद्र मराठे यांनी केलेला युक्तिवाद मान्य करून अमरावती जिल्हा ग्राहक तक्रार निवारण आयोगाचे अध्यक्ष सुदाम देशमुख व सदस्या श्रीमती शुभांगी कोंडे यांनी शेतकरी विनोद ठाकरे यांना महाबीज व बोंडे ॲग्रो सर्व्हिसेस यांनी निकृष्ट दर्जाचे सोयाबीनचे बियाणे विकल्याबद्दल पिकाची नुकसान भरपाई रक्कम ६१हजार रुपये त्यावर तक्रार दाखल तारखेपासून १० टक्के व्याज तसेच १५ हजार रुपये रुपये शारीरीक व मानसिक त्रासाकरीता व १० हजार रुपये तक्रारीचा खर्च म्हणून देण्याचे आदेशित केले आहे. 

तक्रारकर्त्यांचा युक्तिवाद केला मान्य 
शेतकरी ठाकरे यांनी महाबीजला कायदेशीर सूचना देऊन नुकसान भरपाईची मागणी केली. पण महाबीजने कायदेशीर सूचनेला उत्तर देऊन शेतकऱ्याचा दावा नाकारला. त्यामुळे त्यांनी ॲड. डॉ. रवींद्र उल्हास मराठे यांच्यामार्फत जिल्हा ग्राहक तक्रार निवारण आयोग, अमरावती यांच्याकडे बोंडे ॲग्रो सर्व्हिस व महाबीज यांच्याविरूद्ध तक्रार दाखल केली. महाबीजतर्फे ग्राहक तक्रार निवारण आयोगामध्ये आपला लेखी जबाब दाखल करुन शेतकऱ्याचा दावा नाकारण्यात आला. तक्रारकर्त्यातर्फे ॲड. डॉ. रविंद्र मराठे यांनी युक्तिवाद करून महाबीजने उत्पादित केल्यामुळे तसेच बोंडे ॲग्रो सर्व्हिसेस यांनी तक्रारकर्त्याला निकृष्ट दर्जाचे सोयाबीनचे बियाणे विकून अनुचित व्यापार प्रथेचा अवलंब केल्याचा युक्तिवाद केला. तक्रारकर्त्यांच्या वकिलांचा युक्तिवाद ग्राहक मंचाने मान्य केला. 


इतर ताज्या घडामोडी
मुंबै बँकेची चौकशी केवळ सुडाने आणि...मुंबई ः मुंबै बँकेच्या विरोधात चौकशी करण्याचा...
नाशिक जिल्ह्याच्या पश्चिम भागात पावसाची...नाशिक : जिल्ह्यात पावसाने ओढ दिल्यानंतर पुन्हा...
तापी, वाघूर, गिरणा नदीला पुन्हा पूरजळगाव  : जिल्ह्यात महत्त्वाच्या मानल्या...
‘येलदरी’च्या १०, ‘सिद्धेश्‍वर’च्या १२...परभणी ः परभणी, हिंगोली जिल्ह्यांत बुधवारी (ता. २२...
‘मांजरा’ ४२ वर्षांत पंधरा वेळा भरलेलातूर ः लातूर, उस्मानाबाद आणि बीड जिल्ह्यांच्या...
परभणी : ‘ई-पीक पाहणी’वर ७७ हजार...परभणी ः ‘‘ई-पीक पाहणी मोबाईल ॲपद्वारे यंदाच्या...
पुण्यातील धरणांच्या पाणलोटात पावसाचा...पुणे : गेल्या दोन दिवसांपासून धरणक्षेत्रात...
साताऱ्यात ई-पीक पाहणीस अल्प प्रतिसाद सातारा : सातारा जिल्ह्यात ई-पीक पाहणी प्रक्रियेस...
बुलडाण्यात ७४ टक्के शेतकऱ्यांना मिळाले...बुलडाणा : यंदाच्या खरीप हंगामासाठी नियोजित...
नांदेड : पीकविमा कंपनीच्या विरोधात धरणे...नांदेड : मुखेड तालुक्यात इफ्को टोकियो पीकविमा...
जनावरांचे बाजार कोल्हापुरात सुरू कोल्हापूर : कोरोनामुळे बंद असलेले जनावरांचे बाजार...
अकोला : पावसामुळे सोयाबीन, कापूस...अकोला : आठवडाभराच्या विश्रांतीनंतर या भागात...
नागपुरात पीक नुकसानीचे  पंचनामे सुरू...नागपूर : गेल्या काही दिवसांत नागपूर जिल्ह्यात...
‘कृषी’ शिक्षक म्हणून कृषी, संलग्न ...कोल्हापूर : शालेय शिक्षणात कृषी विषयाचा समावेश...
शिसोदे समितीची आज तातडीची बैठकपुणे ः जलयुक्त शिवार कामांमध्ये झालेल्या कोट्यवधी...
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...