शेतकऱ्यांच्या मागण्या निकाली काढा; अन्यथा आंदोलनाचा ‘जागर’चा इशारा

अकोला : शेतकऱ्यांच्या विविध प्रश्न व मागण्यांबाबत प्रशासनाकडे वारंवार पाठपुरावा करूनसुद्धा त्यावर तोडगा काढण्यात अाला नाही. त्यामुळे शासनाने येत्या १५ दिवसांत या प्रलंबित प्रश्नांची सोडवणूक करावी; अन्यथा अांदोलन छेडण्याचा इशारा शेतकरी जागर मंचाने जिल्हाधिकाऱ्यांना दिला अाहे.

मंचाचे प्रशांत गावंडे, मनोज तायडे, जगन्नाथ सरदार, अमोल इंगोले, सतिनश गोपनारायण, अनिल घावट, नीलेश ठोकळ, श्याम राऊत, राजेश गाडगे, पुरुषोत्तम गाडगे, सुनील राऊत, रामकृष्ण मोरे, भारत सरदार, भास्कर वानखेडे, बबनराव सांगळे, दीपक गावंडे, नीलेश अव्हाळे, राजू राऊत अादींनी जिल्हाधिकाऱ्यांना मागण्यांचे निवेदन दिले.

मंचाने अांदोलन केले. त्या वेळी प्रशासनाने मागण्या मान्य केल्या होत्या. त्यानुसार भावांतर योजना, सोने तारण कर्ज माफी योजना तत्काळ लागू करावी, सर्व शेतकऱ्यांना ओटीसीमध्ये न बसविता फक्त कर्जमाफी करावी, तसे जाहीर करावे, गतवर्षी नाफेडने खरेदी केलेल्या तूर, हरभऱ्याचे चुकारे व्याजासह द्यावे, विलंबाकरिता संबंधितांवर कारवाई करावी, मागील तीन वर्षांतील दुष्काळसदृश परिस्थितीत घेतलेल्या विद्यार्थ्यांचे परीक्षाशुल्क त्वरित परत करावे, या वर्षी परतीच्या पावसाची शक्यता कमी असून, शेतकऱ्यांचे नुकसान टाळण्यासाठी योग्य मार्गदर्शन मोहीम राबवावी आदी मागण्या करण्यात अाल्या अाहेत.