agriculture news in marathi, research of Agriculture university now on one click, Maharashtra | Agrowon

कृषी विद्यापीठांचे संशोधन आता एका क्लिकवर

मारुती कंदले
शनिवार, 20 ऑक्टोबर 2018

मुंबई ः राज्यातील चारही कृषी विद्यापीठांनी केलेले संशोधन आता डिजिटल स्वरूपात वेबसाइटवर झळकणार आहे. त्यामुळे शेतकऱ्यांना हव तेव्हा संशोधनाशी निगडित सर्व गोष्टी अगदी घरबसल्या ऑनलाइन पाहता येणार आहेत. सध्या डॉ. बाळासाहेब सावंत कोकण कृषी विद्यापीठाने यात बाजी मारली असून, उर्वरित तिन्ही कृषी विद्यापीठांना त्यासाठी निश्चित कालमर्यादा घालून देण्यात आली आहे. त्यामुळे लवकरच त्यांची संशोधनेसुद्धा संबंधित विद्यापीठांच्या वेबसाइटवर उपलब्ध होतील, असे मंत्रालयातील उच्चपदस्थांनी स्पष्ट केले. 

मुंबई ः राज्यातील चारही कृषी विद्यापीठांनी केलेले संशोधन आता डिजिटल स्वरूपात वेबसाइटवर झळकणार आहे. त्यामुळे शेतकऱ्यांना हव तेव्हा संशोधनाशी निगडित सर्व गोष्टी अगदी घरबसल्या ऑनलाइन पाहता येणार आहेत. सध्या डॉ. बाळासाहेब सावंत कोकण कृषी विद्यापीठाने यात बाजी मारली असून, उर्वरित तिन्ही कृषी विद्यापीठांना त्यासाठी निश्चित कालमर्यादा घालून देण्यात आली आहे. त्यामुळे लवकरच त्यांची संशोधनेसुद्धा संबंधित विद्यापीठांच्या वेबसाइटवर उपलब्ध होतील, असे मंत्रालयातील उच्चपदस्थांनी स्पष्ट केले. 

शासकीय कारभार, सेवा ऑनलाइन, पारदर्शक असाव्यात याकडे राज्याचे कृषी सचिव एकनाथ डवले यांचा कल आहे. त्यासोबतच कृषी विद्यापीठांचे संशोधन शेतकऱ्यांना घरबसल्या चोवीस तास ऑनलाइन उपलब्ध असावे, यासाठी ते आग्रही आहेत. नाशिकचे विभागीय आयुक्त असतानाही त्यांनी याकामी पुढाकार घेतला होता. मात्र, त्यावेळी विद्यापीठांच्या स्तरावरील उदासीनतेमुळे डिजिटलीकरणाला मूर्त स्वरूप येण्यास अपेक्षित सहकार्य मिळाले नव्हते.

आता कृषी खात्याच्या सचिवपदाची धुरा स्वीकारल्यानंतर सचिव श्री. डवले यांनी पुन्हा या कामाला गती देण्याचे धोरण अवलंबले आहे. त्यामुळे या मुद्द्यावर इतके दिवस चालढकल करणाऱ्या विद्यापीठांना नाईलाजाने का असेना डिजिटलीकरणास सुरवात केली आहे. काही विद्यापीठांना ही संकल्पना आवडली, त्यांनी तातडीने या कामाला सुरवात केली. मात्र, काहींमध्ये अद्यापही निरुत्साह असल्याचे दिसून येत आहे. 

राज्यात महात्मा फुले कृषी विद्यापीठ, राहुरी (जि. अहमदनगर), डॉ. पंजाबराव देशमुख कृषी विद्यापीठ, (जि. अकोला), मराठवाडा कृषी विद्यापीठ, (जि. परभणी) आणि डॉ. बाळासाहेब सावंत कोकण कृषी विद्यापीठ, दापोली, (जि. रत्नागिरी) ही चार कृषी विद्यापीठे आहेत. या विद्यापीठांनी विविध जातींच्या शेकडो वाणांचे संशोधन केले आहे. पशूंच्या संशोधनाचाही यात समावेश आहे. कृषी तसेच पूरक क्षेत्रात कार्यरत खासगी कंपन्या, संस्था स्वतःच्या संशोधनांची माहिती डिजिटल स्वरूपात वेबसाइटवर झळकावून त्याचे प्रभावीपणे मार्केटिंग करतात.

मात्र, कृषी विद्यापीठांच्या संशोधनाशी निगडित कोणतीच माहिती वेबसाइटवर एका क्लिकसरशी एकसंघ पाहायला मिळत नाही, ही उणीव ओळखून हे काम हाती घेण्यात आल्याचे सांगण्यात आले. प्रशासकीय पातळीवरूनही आतापर्यंत याअनुषंगाने कधी विचारणा झाली नसल्याने विद्यापीठांनीही स्वतःहून त्यासाठी पुढाकार घेतला नव्हता. मात्र, आता मंत्रालय स्तरावरूनच दट्ट्या आल्याने विद्यापीठांनी हालचाली सुरू केल्या आहेत. 

त्यामुळे केवळ संबंधित विद्यापीठांच्या कार्यक्षेत्रातील नव्हे, तर राज्याच्या कानाकोपऱ्यातील शेतकऱ्यांना अगदी घरबसल्या विद्यापीठांच्या संशोधनाची माहिती एका क्लिकवर उपलब्ध होणार आहे. या माहितीचा वापर लागवडीसोबतच पीक व्यवस्थापन आदी बाबी समजून घेण्यासाठी शेतकऱ्यांना उपयुक्त ठरणार आहे. येत्याकाळात उर्वरित तीन कृषी विद्यापीठांचेही सगळे संशोधनही शेतकऱ्यांना ऑनलाइन एका क्लिकवर पाहायला मिळेल, अशी आशा आहे. 

शेतकऱ्यांनाही माहिती मिळणार
दापोलीच्या डॉ. बाळासाहेब सावंत कोकण कृषी विद्यापीठाने वेबसाइटवर संशोधन या माहितीखाली पीकनिहाय संशोधन तसेच पीकनिहाय शिफारशींची सविस्तर माहिती देण्यात आली आहे. पीक संशोधनात वाणाचे नाव, प्रसारित केल्याचे वर्ष, जमिनीचा प्रकार, हवामान, लागवडीचा कालावधी, प्रतिएकर लागणारे बियाणे, पीक व्यवस्थापन, पिकाचा कालावधी, उत्पादकता, वाणाची वैशिष्ट्ये-विशेष गुणधर्म, वाणासंबंधी छायाचित्रे आदी इत्थंभूत माहिती उपलब्ध करून देण्यात आली आहे. तर पीक शिफारशींमध्ये पीक-वाणाचे नाव, वर्ष, खत व्यवस्थापनाबद्दलच्या शिफारशी, पीक व्यवस्थापनाबद्दलच्या इतर शिफारशी, लागवडीविषयी तंत्रज्ञान व शिफारशी, पाणी व्यवस्थापनाबद्दलच्या शिफारशी, कीड व रोग व्यवस्थापन आदींबद्दलची सर्व माहिती देण्यात आली आहे. पशुधनाच्या बाबतीत संबंधित पशूची शारीरिक, प्रजनन, जातीची ठळक वैशिष्ट्ये, दूध उत्पादन व दुधातील घटक, तसेच छायाचित्रे आदी माहिती देण्यात आली आहे.
 


इतर अॅग्रो विशेष
‘कीडनाशके कायदा’ हवा स्पष्ट शेतकऱ्यांना बनावट कीडनाशके विक्रेत्यांपासून...
राष्ट्रीय मुद्द्यांचा भाजपपुढे गुंतादिल्ली विधानसभा निवडणुकीच्या निकालांच्या...
‘कोरोना’च्या अफवेमुळे पोल्‍ट्री...पुणे ः चीनमधील कोरोना विषाणूने जगभरात भीतीचे...
मांसाहारामुळे ‘कोरोना’ अशी अफवा...नागपूर: मांसाहार कोरोना व्हायरसला कारणीभूत...
शेतकऱ्यांचे ‘नाइट लाइफ’ कधी संपेल रे भौ...पुसद, जि. यवतमाळ : ग्रामीण भागात शेतीचे प्रश्‍न...
उन्हाचा चटका कायम राहणारपुणे : निरभ्र आकाशामुळे उन्हाचा ताप वाढून...
संशोधन शेतात पोचले तरच शेतकऱ्यांचा...दापोली, जि. रत्नागिरी ः विद्यापीठांमध्ये चांगल्या...
तुरीच्या नोंदणीकडे शेतकऱ्यांची पाठनागपूर ः खरेदीनंतर चुकाऱ्यास होणारा विलंब आणि...
‘ठिबक’च्या प्रस्तावासाठी २०...सोलापूर : या वर्षी ठिबक सिंचन केलेल्या...
जोतिबाच्या खेट्यास प्रारंभ, हजारो भाविक...जोतिबा डोंगर, जि. कोल्हापूर: जोतिबाच्या खेट्यास...
आर्थिक निर्णयांनी वाढवला प्रियंकाताईंचा...पती गौरव काकडे यांच्या आग्रहावरून पुणे शहरातील...
नियमित कर्जदारांच्या पदरी निराशाचसांगली ः शासनाच्या कर्जमाफीच्या आदेशात अल्प...
शेतकरीच सरकारचा केंद्रबिंदूः उद्धव ठाकरेजळगाव : कर्जमाफी देणे, हा शेतकऱ्यांच्या...
सिंधुदुर्ग जिल्हा कृषी विभागात १०७ पदे...सिंधुदुर्ग: जिल्हा कृषी विभागातील ३६५ पदांपैकी...
अतिवृष्टी, पूरग्रस्तांच्या कर्जमाफीसाठी...मुंबई ः राज्यात जुलै ते ऑगस्ट २०१९ या काळात...
बॅंकांच्या कृषी पतपुरवठ्यावर सरकारचे...नवी दिल्लीः बॅंकांकडून ग्रामीण भागात होणाऱ्या...
चंदनाची सात-बारा उताऱ्यावर नोंद घ्या:...नगर ः शेतकऱ्यांना शेतात चंदन लागवड करण्यास...
खानदेशात कोरड्या चाऱ्याची टंचाईजळगाव  ः खानदेशात चाऱ्याची मोठी टंचाई दिसत...
तंत्रज्ञान, सहकार, बॅंकिंग क्षेत्रात...जर्मनी हा युरोपातील प्रगत देश. तंत्रज्ञान आणि...
जमिनीची सुपीकता जपत पीक उत्पादनात...नाशिक जिल्ह्यातील कारसूळ (ता. निफाड) येथील संकिता...