agriculture news in Marathi resign of Kolhapru APMC directors Maharashtra | Agrowon

कोल्हापूर बाजार समिती संचालकांचे राजीनामे

टीम अॅग्रोवन
बुधवार, 5 ऑगस्ट 2020

बेकायदेशीर नोकर भरती तसेच जागा हस्तांतरण व्यवहार प्रकरणी बाजार समितीची चौकशी सुरू असतानाच सोमवारी (ता. ३) सायंकाळी १५ संचालकांनी राजीनामे दिल्याने बाजार समिती वर्तुळात खळबळ उडाली. 

कोल्हापूर : बेकायदेशीर नोकर भरती तसेच जागा हस्तांतरण व्यवहार प्रकरणी बाजार समितीची चौकशी सुरू असतानाच सोमवारी (ता. ३) सायंकाळी १५ संचालकांनी राजीनामे दिल्याने बाजार समिती वर्तुळात खळबळ उडाली. दरम्यान शासन नियुक्त संचालकांनी प्रशासक म्हणून आपली नियुक्ती करावी, अशी मागणी केल्याने आता या प्रकरणाबाबत औत्सुक्य निर्माण झाले आहे.

गेल्या वर्षी २४ जागांसाठी बाजार समितीत भरती प्रक्रिया होणार होती. त्यासाठी चार हजारांवर अर्ज आले होते. ते अर्ज बाजूला ठेवून संचालक मंडळातील बहुतांशींनी जवळच्या नातेवाईकांचीच येथे भरती केल्याचा आरोप झाला आहे. बाजार समितीतील काही जागा आर्थिक तोट्यातच भाडेतत्त्वावर देण्यासाठी हालचाली झाल्या. बेकायदेशीरपणे गाळे बांधकामासाठी हालचाली सुरू झाल्या. या सर्वांबाबत बाजार समितीतील शिवसेनेचे प्रतिनिधित्व करणारे संचालक ॲड. किरण पाटील, शेतकरी प्रतिनिधी भगवान काटे तसेच शासन नियुक्त माजी संचालक नाथाजी पाटील यांनी जिल्हा निबंधकांकडे तक्रार केली होती.

या पार्श्‍वभूमीवर बाजार समिती संचालक मंडळाने केलेल्या कारभाराची चौकशी अधिकाऱ्यांच्या त्रिसदस्यीय समितीकडून सुरू झाली. ती जवळपास पूर्ण झाली आहे. त्याचा अहवाल सोमवारी (ता. ३) सादर होणार होता. या पार्श्वभूमीवर हे राजीनामे देण्यात आले आहेत.

या विद्यमान संचालक मंडळाची मुदत पुढील आठवड्यात संपणार आहे. नंदकुमार वळंजू, विलास साठे, उदयसिंह पाटील, उत्तम धुमाळ, शेखर एडगे, अमित कांबळे, आशालता पाटील, सदानंद कोरगावकर, बाबा लाड, कृष्णात पाटील, सर्जेराव पाटील, परशुराम खुडे, बाबुराव खोत आदींनी राजीनामे दिले आहेत.

दरम्यान सभापती दशरथ माने, उपसभापती संगिता पाटील, शिवसेनेचे संचालक संजय जाधव, शशिकांत आडनाईक आदींनी राजीनामे दिलेले नाहीत. सभापती व उपसभापती यांचे राजीनामे मंगळवारी (ता. ४) देण्याच्या हालचाली सुरू होत्या. मात्र, दुपारपर्यंत अद्याप या बाबत अधिकृत माहिती मिळाली नाही.
 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...