Agriculture news in marathi Resolution of 86 Gram Panchayats for solar project | Page 4 ||| Agrowon

सौर प्रकल्पासाठी ८६ ग्रामपंचायतींचे ठराव 

टीम अॅग्रोवन
सोमवार, 19 एप्रिल 2021

सौर प्रकल्पांसाठी जागा उपलब्ध करून देण्याचे आवाहन ग्रामपंचायतींना करण्यात आले होते. त्यानुसार विदर्भातील ५६ ग्रामपंचायतींनी तब्बल ८८९ एकर जागा उपलब्ध करून देण्याची तयारी दर्शवीत, तसा ठराव महावितरणकडे सादर केला आहे. 

नागपूर : महा कृषी ऊर्जा धोरणांतर्गत शेतीला सौरऊर्जा प्रकल्पातून दिवसा वीज देण्यावर भर दिला जात आहे. सौर प्रकल्पांसाठी जागा उपलब्ध करून देण्याचे आवाहन ग्रामपंचायतींना करण्यात आले होते. त्यानुसार विदर्भातील ५६ ग्रामपंचायतींनी तब्बल ८८९ एकर जागा उपलब्ध करून देण्याची तयारी दर्शवीत, तसा ठराव महावितरणकडे सादर केला आहे. 

शेतीला दिवसा वीजपुरवठ्याची शेतकऱ्यांची जुनी मागणी आहे. त्यासाठी सौर प्रकल्प हाच सर्वांत किफायतशीर व शाश्‍वत पर्याय आहे. यामुळेच राज्य सरकारने सौर प्रकल्प कार्यान्वित करून सौर वाहिन्यांद्वारे शेतीला दिवसा वीजपुरवठ्याचे प्रयत्न सुरू केले आहेत. राज्यात विविध ठिकाणी ३३२ मेगावॉट क्षमतेचे सौर प्रकल्प कार्यान्वित झाले असून, येथून वीजपुरवठा होणाऱ्या ८६ वाहिन्यांवरील सुमारे ३८ हजार कृषिपंपांना दिवसा वीजपुरवठा होऊ लागला आहे. कार्यान्वित झालेल्या प्रकल्पांमध्ये खापा येथील प्रकल्प पथदर्शी ठरला आहे. 

या योजनेची यशस्विता लक्षात घेता राज्याच्या कृषी ऊर्जा धोरणातही त्याचा समावेश करण्यात आला आहे. सौर प्रकल्पांसाठी मोठ्या जागेची गरज असते, यामुळे महावितरणकडून ग्रामपंचायतींना जागा उपलब्ध करून देण्याचे आवाहन करण्यात आले होते. या आवाहनाला उत्स्फूर्त प्रतिसाद मिळत आहे. राज्यातील २४२ गावांनी एकूण ३ हजार ९९८ एकर जागा उपलब्ध करून देण्यासंदर्भातील ठराव महावितरणकडे सादर केले आहे. त्यात औरंगाबाद प्रादेशिक विभाग सर्वात आघाडीवर असून, त्या पाठोपाठ नागपूर प्रादेशिक विभाग, अर्थात विदर्भाचा क्रमांक लागतो. सध्या जागांची पाहणी करून अर्ज मंजुरीची प्रक्रिया सुरू आहे. 
 
ग्रामपंचायतींना मिळणार उत्पन्न 
सिंचनासाठी ५ हजार २०० मेगावॉट सौरऊर्जानिर्मितीचे महावितरणचे लक्ष्य आहे. त्यासाठी दोन ते दहा मेगावॉट क्षमतेच्या अनेक विकेंद्रित प्रकल्पांची उभारणी करण्यात येणार आहे. प्रकल्पांसाठी वीज उपकेंद्रांच्या ५ किमी परिघात कमीत कमी १०, तर जास्तीत जास्त ५० एकर शासकीय व खासगी जमिनी भाडेपट्टीवर घेण्यात येत आहेत. राज्य शासनाने आपल्या जमिनी एक रुपया भाडेपट्टीवर ३० वर्षांसाठी देऊ केल्या आहेत. शिवाय वैयक्तिक, समूह गट, सहकारी संस्था तसेच ग्रामपंचायतींच्या मालकीच्या जमिनींसाठी प्रतिएकर प्रतिवर्ष ३० हजार रुपये भाडे देण्यात येणार आहे. म्हणजेच ग्रामपंचायतींना पडीक जागा देऊन उत्पन्न मिळविण्याची संधी आहे. 


इतर ताज्या घडामोडी
पशुचिकित्सा व्यावसायिक संघटना करणार...नागपूर : पशुचिकित्सा व्यवसायी संघटनेच्या...
जागोजागी होणारी लुट थांबवा, ...नगर : ‘‘राज्यात जागोजागी प्रत्येक क्षेत्रात...
‘घटनादुरुस्ती करून आरक्षण देणे  हाच...कोल्हापूर : घटनादुरुस्ती करून मराठा आरक्षण देणे...
कोकणातील डच, पोर्तुगाल वखारींचे होणार...पुणे : भारतातील आंतरराष्ट्रीय सागरी व्यापारासाठी...
गोसीखुर्द प्रकल्प पूरनियंत्रणासाठी ...मुंबई ः गोसीखुर्द प्रकल्प पूरनियंत्रणाबाबत...
प्रकल्पग्रस्तांच्या जमिनींना पाच पट...नाशिक : देशातील पहिला सेमी हायस्पीड रेल्वेमार्ग...
आरक्षण देण्याची राज्यकर्त्यांची इच्छाच...पुणे : मराठा समाजाला आरक्षण देण्याची राजकीय...
नांदेडमध्ये थकीत ‘एफआरपी’साठी धरणेनांदेड : ऊस गाळप होऊनही पैसे न दिल्याने...
सांगली जिल्ह्यात खरिपाची दहा टक्के...सांगली : जिल्ह्यात खरीप हंगामाच्या पेरणीस प्रारंभ...
आर्थिक दुर्बल घटकांना बियाणे वाटपाचे...नाशिक : राष्ट्रीय अन्नसुरक्षा अभियानांतर्गत विविध...
‘विष्णुपुरी’तून ४७१ क्सुसेकने विसर्गनांदेड : गोदावरी नदीवरील डॉ. शंकरराव चव्हाण...
परभणी, हिंगोली जिल्ह्यातील ७४ मंडळांत...परभणी ः परभणी, हिंगोली जिल्ह्यातील ७४ मंडळांमध्ये...
टोमॅटोवरील टुटा ॲबसोलुटा किडीची ओळख,...टोमॅटो पिकात टुटा ॲबसोलुटा या किडीचा प्रादुर्भाव...
नागपुरात सोयाबीन दरात तेजीनागपूर : सोयाबीन दरातील तेजी कायम असून कळमना...
सागरी शेवाळ उत्पादनात व्यावसायिक संधीसागरी शेवाळ उत्पादनामुळे व्यावसायिक संधी उपलब्ध...
नगरमध्ये दोडका, वांगी, भेंडीच्या दरात...नगर ः नगर येथील दादा पाटील शेळके कृषी उत्पन्न...
सांगलीत वीस लाखांचा खतसाठा जप्तसांगली : विना परवाना खत विक्री प्रकल्पावर कृषी...
बेंडारा प्रकल्पाच्या कामाची गती वाढवा चंद्रपूर : राजुरा तालुक्यात सिंचन क्षमता...
कोल्हापूर जिल्ह्यात युरियाची टंचाई;...कोल्हापूर : जिल्ह्याच्या पश्चिम भागात शेतकऱ्यांना...
रत्नागिरी, संगमेश्‍वर तालुक्यांत...रत्नागिरी : हवामान विभागाच्या अंदाजानुसार...