Agriculture news in Marathi Response to cotton burning movement in Vidarbha | Agrowon

विदर्भात कापूस जाळा आंदोलनाला प्रतिसाद

टीम अॅग्रोवन
शनिवार, 23 मे 2020

नागपूर ः एफएक्‍यू मधीलच मीडियम आणि शॉर्ट स्टेपल ग्रेड कापसाची खरेदी करावी, या मागणीसाठी शेतकरी संघटनेच्या वतीने विदर्भातील आठ कापूस उत्पादक जिल्ह्यांत कापूस जाळा आंदोलन करण्यात आले. या आंदोलनाला विदर्भासह राज्यात प्रतिसाद मिळाला असून शासनाने वेळीच या आंदोलनाची दखल घेत शेतकऱ्यांना दिलासा द्यावा, अशी मागणी करण्यात आली.

नागपूर ः एफएक्‍यू मधीलच मीडियम आणि शॉर्ट स्टेपल ग्रेड कापसाची खरेदी करावी, या मागणीसाठी शेतकरी संघटनेच्या वतीने विदर्भातील आठ कापूस उत्पादक जिल्ह्यांत कापूस जाळा आंदोलन करण्यात आले. या आंदोलनाला विदर्भासह राज्यात प्रतिसाद मिळाला असून शासनाने वेळीच या आंदोलनाची दखल घेत शेतकऱ्यांना दिलासा द्यावा, अशी मागणी करण्यात आली.

राज्यात ९५ ते १०० लाख क्‍विंटल कापूस शिल्लक असल्याचा दावा करण्यात येत आहे. लॉकडाऊनमुळे शेतमालाची विक्री शेतकऱ्यांना करता आली नाही. त्यामध्ये कापूस देखील आहे. शेतकऱ्यांकडे मोठ्या प्रमाणावर कापूस शिल्लक असल्याची बाब लक्षात घेत व्यापाऱ्यांकडून कमी दराने त्याला मागणी केली जात असून हा शेतकऱ्यांचा शोषणाचा प्रकार असल्याचा आरोप शेतकरी संघटनेने केला आहे.

राज्यात एफएक्‍यू मधील फाईन दर्जाच्या (लॉंग स्टेपल) कापसाची खरेदी सीसीआय आणि पणन महासंघाकडून होत आहे. परंतु ६० ते ७० टक्‍के कापूस मीडियम आणि शॉर्ट स्टेपल आहे. हा कापूस खरेदी करण्याचे सीसीआयच्या नियमावलीत आहे. परंतु हा कापूस राज्यात खरेदी करण्याबाबत यंत्रणा उदासिन असल्याचा आरोप शरद जोशी प्रणीत शेतकरी संघटनेने केला आहे. हा कापूस खरेदी करणे शक्‍य नसल्यास शेतकऱ्यांना भावांतर योजनेचा लाभ देण्यात यावा, अशी मागणी आहे.

नागपूर जिल्ह्यात झालेल्या या आंदोलनात शेतकरी संघटनेचे जिल्हाध्यक्ष अरुण केदार, मुकेश मासूरकर, गुलाबराव धांडे, अरुण भोसले, संजीवन वालदे, सुभाष हिरणवार, गणेश शर्मा, हरदेय पराते, दिलीप गांगुली, आनंद निखार आदी सहभागी झाले होते.

एफएक्‍यू मध्येच तीन ग्रेड आहेत. यातील एकाच ग्रेडमधील कापूस शासनाकडून खरेदी केला जात आहे. हा कापूस उत्पादकांवर अन्याय असल्याने उर्वरित दोन ग्रेडचा निकष लावत कापसाची खरेदी व्हावी, अशी आमची मागणी आहे. त्याकरीता मुठभर कापूस जाळा आंदोलन करण्यात आले. या आंदोलनाला राज्यव्यापी प्रतिसाद मिळाला आहे.
- अनिल घनवट,
राज्य अध्यक्ष, शेतकरी संघटना


इतर बातम्या
माया आणि छायेची पालवी पुन्हा फुलणार... नाशिक : हल्ली विकासकामांच्या नावाखाली मोठ्या...
नगर जिल्ह्यात ‘निसर्ग'चा शेतीपिकांना...नगर : कोकण आणि मुंबईला तडाखा देणारे निसर्ग...
दापोली, मंडणगडमध्ये बागांना फटकारत्नागिरी : निसर्ग चक्रीवादळाचा सर्वाधिक तडाखा...
सिंधुदुर्गात पावसाचा जोर ओसरला सिंधुदुर्ग : जिल्ह्याला बुधवारी (ता.३) वादळी...
पुणे जिल्ह्यात ‘निसर्ग’चे थैमान पुणे : निसर्ग चक्रीवादळाने बुधवारी (ता.३)...
मराठवाड्यातील पाच जिल्ह्यांत फळबागांना...औरंगाबाद : मराठवाड्यातील औरंगाबाद, जालना, बीड,...
नाशिक जिल्ह्यात चक्रीवादळामुळे...नाशिक : निसर्ग चक्रीवादळाने जिल्ह्यात दुपारनंतर...
मॉन्सूनने कर्नाटक किनारपट्टी व्यापली;...पुणे : नैर्ऋत्य मोसमी वाऱ्यांनी (मॉन्सून)...
‘निसर्ग’चा शेतीला मोठा तडाखापुणेः निसर्ग चक्रीवादळामुळे राज्याला वादळी...
कापसाची ३७१ लाख क्विंटल खरेदीनागपूर ः राज्यात आतापर्यंत कापसाची हमीभावाने ३७१....
पुणे जिल्ह्यात पॉलिहाऊसचे मोठे नुकसानपुणेः कोरोना टाळेबंदीमध्ये बाजार समित्यांसह...
कापूस नोंदणीला उद्यापर्यंत मुदतवाढअमरावती ः शासकीय हमीभाव योजनेअंतर्गंत कापूस...
राज्यात गुरांचे बाजार सुरु करण्याचे आदेशअकोला ः कोरोनाचा प्रादुर्भाव वाढत असल्याने...
संकटाच्या मालिका सोसून द्राक्ष हंगामाची...नाशिक: यंदा जिल्ह्यातील द्राक्ष हंगामावर सतत...
लॉकडाउनमध्ये गजबजली ई-चावडीपुणे: शेतकऱ्यांच्या सुविधेसाठी सुरू करण्यात...
मॉन्सून कर्नाटकात दाखल, कारवार,...पुणे : नैर्ऋत्य मोसमी वाऱ्यांनी (मॉन्सून)...
‘चक्रीवादळ’ ओसरले; खानदेशासह पश्‍चिम...पुणे : अरबी समुद्रात आलेले ‘निसर्ग’ चक्रीवादळ...
जीवनावश्‍यक वस्तू कायदा, मुक्त शेतीमाल...नवी दिल्ली : आत्मनिर्भर भारत योजनेत जाहीर...
टोळधाड मध्यप्रदेशात, ड्रोन पोचला...नागपूर ः गेल्या दहा दिवसांपासून विदर्भातील...
एक लाख लोकांना सुरक्षितस्थळी हलविले मुंबई: निसर्ग चक्रीवादळामुळे नुकसान होऊ नये...