agriculture news in Marathi, restriction on cash transaction of agricultural produce, Maharashtra | Agrowon

बाजार समित्यांमधील शेतमालाच्या रोखीच्या व्यवहारावर येणार निर्बंध

टीम अॅग्रोवन
बुधवार, 24 जुलै 2019

नोटाबंदीनंतर फळे, भाजीपाला विभागातील बहुतांश आडतदार शेतकऱ्यांना आॅनलाइन पेमेंट करत आहेत. त्यामुळे आम्हाला या नियमाचा फटका बसणार नाही. तरीही याबाबत अधिकची तपशीलवार माहिती बाजार समितीने द्यावी.
- रोहन उरसळ, सचिव, आडते असोसिएशन, पुणे बाजार समिती 

पुणे ः बाजार समित्यांमधील शेतमाल विक्री व्यवहारातील पैसे शेतकऱ्यांना आता रोखीने देता येणार नाहीत. वर्षभरात शेतमाल खरेदी विक्री व्यवहारातील एक कोटींपेक्षा अधिकची रक्कम कोणत्याही बॅंक खात्यातून काढल्यास त्यास २ टक्के टीडीएस कपात केला जाणार आहे. या नव्या नियमामुळे शेतमाल खरेदी विक्री व्यवहारांवर आयकर विभागाची नजर असणार आहे. व्यापारी मात्र धास्तावले आहेत. या नियमाची अंमलबजावणी एक सप्टेंबरपासून लागू करण्यात येणार आहे.

शेतमाल विक्री व्यवहारातील काळाबाजार रोखण्यासाठी केंद्र सरकारने कडक पावले उचलण्यास सुरुवात केली आहे. बाजार समित्यांमधील व्यवहारांनतर आडतदार शेतकऱ्यांना केवळ २ लाख रुपये रोख स्वरूपात देण्यास सवलत देण्यात आली होती. मात्र आता नुकत्याच जाहीर झालेल्या केंद्रीय अर्थसंकल्पात अर्थमंत्री निर्मला सीतारामन यांनी या व्यवहारांवर करडी नजर ठेवण्यासाठीच्या उपाययोजनांची घोषणा केली. यामध्ये शेतमाल खरेदी विक्री व्यवहारांतील १ कोटींपेक्षा अधिकची रक्कम आडतदाराने कोणत्याही बॅंक खात्यातून काढल्यास त्या रकमेवर २ टक्के टीडीएस लावणार असल्याचा नियम केला आहे.  

दराचाही अंदाज येणार
नवीन नियमात आॅनलाइन व्यवहारामुळे कोणता शेतमाल किती दराने विक्री झाला याचादेखील अंदाज सरकारला येणार आहे. तर शेतकऱ्यांच्या उत्पन्नावर सरकारची नजर असणार आहे. या नियमामुळे शेतकऱ्यांना द्यावयाची अनुदाने, मदत, कर्जमाफी, पीकविमा यासाठी याचा वापर होणार असल्याचे पणन क्षेत्रातील तज्ज्ञांनी सांगितले. मध्य प्रदेश सरकारने तर आता पाच हजार रुपयांपेक्षा अधिकची रक्कम आडतदार शेतकऱ्यांना देता येणार नसल्याचेदेखील जाहीर केले आहे. मध्य प्रदेशनंतर महाराष्ट्रातही हा नियम लागू होण्याची दाट शक्यता आहे. 

प्रतिक्रिया
बाजार समित्यांमध्ये हमाल, वाहन भाडे आदी विविध कारणांसाठी रोखीचे व्यवहार करावे लागतात. त्यामुळे हा नियम म्हणजे आमच्या नफ्यातील २ टक्के कमी करण्याचा प्रकार आहे. हा नियम रद्द करावा, अशी आमची मागणी आहे.
- राजेश शहा, फाम-वरिष्ठ उपाध्यक्ष 

शेतमाल खरेदी-विक्री व्यवहारात पारदर्शकता आणण्यासाठीचा हा चांगला निर्णय आहे. 
- प्रवीण चोरबोले, संचालक, दि पूना मर्चंटस चेंबर

 

 


इतर अॅग्रो विशेष
मटण दरवाढीचा लाभ पशुपालकांना कधी?शेळीपालनाबरोबरच मेंढीपालनातही समस्यांचा ऊहापोह...
जैवविविधतेची नोंदणी गांभीर्याने घ्याराज्यातील खेड्यापाड्यांसह शहरांमध्ये असलेल्या...
‘पोकरा’अंतर्गत तांत्रिक सहकार्यासाठी...औरंगाबाद: नानाजी देशमुख कृषी संजीवनी प्रकल्पाच्या...
अनियमित थंडी ऊस रिकव्हरीच्या मुळावरकोल्हापूरः जानेवारीच्या पहिल्या आठवड्यातही ऊस...
देशात केवळ ३५ तेलबिया हबनिर्मितीनवी दिल्ली: देशातील तेलबिया उत्पादन वाढावे आणि...
राज्यात गारठा कमी, उकाडा वाढलापुणे : उत्तरेकडून येणाऱ्या थंड वाऱ्यांचे प्रवाह...
अलिबागचा पांढरा कांदा ‘जीआय’च्या वाटेवरपुणे : औषधी गुणधर्मांसाठी प्रसिद्ध असलेल्या...
बेकायदा विदेशी खत आयातीचे परवाने रद्दपुणे : विद्राव्य खतांची बेकायदा आयात व विक्री...
‘सुधाकर सीडलेस’ द्राक्ष वाणाचे...नाशिक : शिवडी (ता. निफाड) येथील शेतकरी सुधाकर...
यांत्रिकीरणातून शेती केली सुलभ,...नगर जिल्ह्यातील बेलापूर येथील बाळासाहेब मारुतराव...
चार आने की मुर्गी...केंद्र सरकारने मागील लोकसभा निवडणुकीच्या तोंडावर...
मटणाचे वाढते दर अन् शेळी-मेंढीपालन मागणी, पुरवठा आणि किंमत या बाबींच्या...
एरियल फवारणीसाठी हवी ‘सीआयबी’ची परवानगीनागपूर ः देशात एरियल (आकाशातून) फवारणीकामी...
कणेरी मठात ३० पासून राष्ट्रीय कृषी...कोल्हापूर : कणेरी (ता. करवीर) येथील सिद्धगिरी...
शेतकरी गट, ‘एफपीओ’ची सबलीकरणाची वाट अवघडऔरंगाबाद : गटशेती सबलीकरण योजनेंतर्गत निवडलेल्या...
‘स्मार्ट’ची तयारी पूर्ण; दिल्लीत होणार...पुणे : महाराष्ट्र राज्य कृषी व्यवसाय व ग्रामीण...
कृषी विज्ञान केंद्राच्या तंत्रज्ञान...सोलापूर ः ‘‘सोलापुरातील कृषी विज्ञान केंद्राच्या...
देशात यंदा कडधान्य आयात ४६ टक्के वाढलीनवी दिल्ली: देशात यंदा कडधान्य उत्पादन...
थंडी गायब; किमान तापमानात वाढ पुणे : उत्तरेकडून येणाऱ्या थंड वाऱ्यांचे प्रवाह...
हिंगणघाट झाले कापूस व्यवहाराचे ‘हब’कापूस प्रक्रिया उद्योगाचे जाळे विस्तारले गेल्याने...