हवामानविषयक समस्यांमुळे शेतीवर परिणाम ः डॉ. ढवण

हवामानविषयक समस्यांमुळे शेतीवर परिणाम ः डॉ. ढवण
हवामानविषयक समस्यांमुळे शेतीवर परिणाम ः डॉ. ढवण

परभणी ः जागतिक तापमान वाढ, पावसातील अनियमितता, असमान वितरण, अतिवृष्टी, गारपीट आदी हवामानविषयक समस्यांमुळे शेती आणि शेतकऱ्यांच्या जीवनावर विपरित परिणाम होत आहेत. हवामान बदलाविषयी शालेय विद्यार्थ्यांमध्ये जागृती करणे आवश्यक आहे, असे प्रतिपादन वसंतराव नाईक मराठवाडा कृषी विद्यापीठाचे कुलगुरू डाॅ. अशोक ढवण यांनी केले.

वसंतराव नाईक मराठवाडा कृषी विद्यापीठातील मध्यवर्ती कृषी संग्रहालयामध्ये कृषी हवामानशास्‍त्र विभागाअंतर्गत ग्रामीण कृषी हवामान सेवा संशोधन प्रकल्प आणि परभणी अॅस्‍ट्रोनॉमिकल सोसायटी यांच्यातर्फे जागतिक हवामान दिनानिमित्त शनिवारी (ता. २३) कार्यक्रमात डाॅ. ढवण बोलत होते.

ग्रामीण कृषी हवामान सेवा प्रकल्पाचे मुख्‍य प्रकल्‍प समन्‍वयक डॉ. कैलास डाखोरे, उपशिक्षणाधिकारी विठ्ठल भुसारे, अॅस्ट्रॅानॅामिकल सोसायटीचे डॉ. रामेश्‍वर नाईक, मध्यवर्ती कृषी संग्रहालयाचे प्रमुख डॉ. राजेश कदम, डॉ. एम. जी. जाधव, डॉ. डी. एम. नाईक आदींची उपस्थिती होती.

श्री. भुसारे म्हणाले, ‘‘कृषी विद्यापीठाच्या कृषी हवामान सल्‍ला शेतकऱ्यांना उपयुक्त ठरत आहे.’’ 

प्रास्‍ताविक डॉ. रामेश्‍वर नाईक यांनी केले. सूत्रसंचालन सुधीर सोनुनकर यांनी केले. तर प्रमोद शिंदे यांनी आभार मानले. या वेळी हवामान वेधशाळेशी निगडित उपकरणांचे प्रदर्शन भरविण्यात आले होते. शालेय विद्यार्थ्यांना हवामान, जलचक्र, तापमान, तापमापी, प्रदूषण, ग्‍लोबल वार्मिंग, रिमोट सेन्सिंग सॅटेलाईट, सोलार रेडिएशन, सौर ऊर्जा आदी विषयावर प्रयोगाचे सादरीकरण केले. 

उत्कृष्ट सादरीकरण केलेल्या विद्यार्थ्यांना मान्यवरांच्या हस्ते सन्मानित करण्यात आले. यामध्ये प्रथम पारितोषिक ः पीक वाचवा प्रयोगासाठी, श्रुतीका गडेकर (ओयासिस विद्यालय), द्वितीय ः तापमापक व आर्हतामापक यंत्र पार्थ दराडे (ओयासिस इंग्लिस स्कूल), तृतीय ः रिमोट सेन्सिंग सॅटेलॉईट प्रयोगासाठी कल्‍पेश पत्‍की आणि कल्‍पना पत्‍की (संस्कृती निकेतन) यांना मिळाले. विद्यार्थी व शास्‍त्रज्ञ संवाद हवामान तज्ज्ञांनी विद्यार्थ्‍यांच्‍या हवामानविषयक विविध प्रश्‍नांची उत्तरे दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com