परतीचा मॉन्सून उद्या राजस्थान, उत्तरप्रदेशातून माघार घेणार

पुणे : परतीच्या मॉन्सूनसाठी माघारी सरकण्यासाठी पोषक स्थिती आहे. त्यामुळे मॉन्सून वेगाने परतत आहे. उत्तरप्रदेश, राजस्थान आणि मध्य प्रदेशच्या वायव्य भागातून उद्या (ता.३) माघार घेणार असल्याची माहिती हवामान विभागाच्या सूत्रांनी दिली.
परतीचा मॉन्सून उद्या राजस्थान, उत्तरप्रदेशातून माघार घेणार
परतीचा मॉन्सून उद्या राजस्थान, उत्तरप्रदेशातून माघार घेणार

पुणे : परतीच्या मॉन्सूनसाठी माघारी सरकण्यासाठी पोषक स्थिती आहे. त्यामुळे मॉन्सून वेगाने परतत आहे. उत्तरप्रदेश, राजस्थान आणि मध्य प्रदेशच्या वायव्य भागातून उद्या (ता.३) माघार घेणार असल्याची माहिती हवामान विभागाच्या सूत्रांनी दिली.

सध्या गुजरातच्या दक्षिण भाग व परिसरात चक्राकार वाऱ्याची स्थिती आहे. त्यामुळे मॉन्सूनला परतण्यासाठी अनेक भागात आवश्यक असलेले वातावरण तयार होत आहे. मागील तीन दिवसापूर्वी परतीच्या मार्गावर निघालेला मॉन्सूनने चांगलाच वेग घेत आहे. त्यातच वाऱ्याचा प्रवाह बदलल्याने परतीचा मॉन्सून चांगलाच सक्रिय झाला आहे. त्यामुळे लवकरच राज्यातही दाखल होण्याची शक्यता आहे.

यंदा परतीच्या पाऊस साधारणपणे १७ सप्टेंबरला माघार परतण्याची तारीख हवामान विभागाने जाहीर केली होती. मात्र, जवळपास बारा ते तेरा दिवस उशिराने मॉन्सूनने आपला मुक्काम हलवला. नियोजित वेळेला मॉन्सून निघाला असता तर राज्यात दाखल होण्याची तारीख पाच आक्टोबर होती. परंतु आता उशिराने मॉन्सून दाखल होणार असला तरी परतण्यासाठी पोषक स्थिती आहे. त्यामुळे वेगाने पुढे सरकण्याची शक्यता आहे. त्यामुळे उत्तर भारतातील अनेक भागात पावसाची उघडीप असून तापमानात वाढ होत आहे. गेल्या दोन दिवसापासून पश्चिम राजस्थानातील चुरू येथे ४०.२ अंश सेल्सिअसची सर्वाधिक कमाल तापमानाची नोंद होत असल्याची माहिती सूत्रांनी दिली. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com