agriculture news in marathi, review meeting on drought situation, mumbai, maharashtra | Page 3 ||| Agrowon

नदी असलेल्या गावांमध्येही पाण्यासाठी टँकर सुरू करावेत : मुख्यमंत्री देवेंद्र फडणवीस

टीम अॅग्रोवन
बुधवार, 15 मे 2019

कायम दुष्काळग्रस्त असलेल्या भागात उपाय योजण्यासाठी सरपंचांनी गावांचे प्रस्ताव पाठवावेत. त्यावर दीर्घकालीन उपाय योजना राबविण्याचा विचार करण्यात येईल.

- देवेंद्र फडणवीस, मुख्यमंत्री.

मुंबई   ः सातारा जिल्ह्यातील दुष्काळ निवारणासाठी तात्पुरत्या व तातडीच्या उपाययोजना राबविण्यावर प्रशासनाने भर द्यावा. गावातून नदी गेली आहे परंतु, त्याला पाणी नसेल अशा ठिकाणीही मागणीनुसार पाण्याचे टँकर सुरू करण्याचे निर्देश मुख्यमंत्री देवेंद्र फडणवीस यांनी प्रशासनास दिले. कायम दुष्काळी परिस्थितीवर मात करण्यासाठी दीर्घकालीन उपाययोजनांचे प्रस्ताव पाठविण्याचे निर्देशही मुख्यमंत्र्यांनी सरपंचांना दिले.

मुख्यमंत्री फडणवीस यांनी सोमवारी (ता. १३) ऑडिओ ब्रिजच्या प्रणालीद्वारे सातारा जिल्ह्यातील प्रामुख्याने माण-दहिवडी, खटाव, फलटण व कोरेगाव या दुष्काळी तालुक्यातील सरपंच, ग्रामसेवक आणि जिल्हाधिकारी, गट विकास अधिकारी यांच्याशी संवाद साधला. या वेळी मुख्य सचिव अजोय मेहता, पाणीपुरवठा विभागाचे अपर मुख्य सचिव श्यामलाल गोयल, पदुम विभागाचे सचिव अनुप कुमार, जलसंधारण विभागाचे सचिव एकनाथ डवले, मदत व पुनर्वसन विभागाचे सचिव किशोर राजेनिंबाळकर, माहिती व जनसंपर्क महासंचालनालयाचे सचिव तथा महासंचालक ब्रिजेश सिंह उपस्थित होते.

या वेळी सरपंचांनी केलेल्या तक्रारींची तसेच जिल्ह्यासाठी देण्यात आलेल्या व्हॉटसअप क्रमांकावर येणाऱ्या तक्रारींची तत्काळ दखल घेऊन कार्यवाही करावी व त्याचा अहवाल सादर करण्याचे निर्देश मुख्यमंत्री फडणवीस यांनी जिल्हा प्रशासनाला या वेळी दिले. सुमारे वीस सरपंचांशी मुख्यमंत्री फडणवीस यांनी मोबाईलद्वारे संवाद साधला.

मुख्यमंत्री म्हणाले, की जिल्ह्यातील दुष्काळ निवारणासाठी सध्याची स्थिती पाहून चारा छावणी, टँकरपुरवठा, तात्पुरत्या पाणीपुरवठा योजनांची दुरुस्ती आदी तातडीच्या उपायांवर भर द्यावा. त्याचबरोबर ज्या गावांमध्ये नळ पाणीपुरवठा योजना नाहीत, अशा ठिकाणी या योजना सुरू करण्यासंदर्भातील अहवाल तयार करावे. टँकरची मागणी असल्यास पाहणी करून तहसीलदारांनी तत्काळ प्रस्ताव मंजूर करावेत. जनावरांसाठीही टँकरद्वारे पाणी पुरविण्यात यावे. सिंचन विहिरी अथवा तलावामधील पाण्याच्या स्रोताचा वापर करण्यासंदर्भात भूजल सर्वेक्षण व विकास यंत्रणा विभागाचे अहवाल घेऊन जिल्हाधिकाऱ्यांनी त्यावर कार्यवाही करावी.

पाणीपुरवठा योजनांना नियमित वीजपुरवठा होईल याकडे प्रशासनाने लक्ष द्यावे. तसेच पिण्याच्या पाणीपुरवठ्यास प्राधान्य द्यावे. तलाव अथवा पाण्याच्या स्रोताच्या ठिकाणी अन्य बाबींसाठी पाण्याची मोटार लावू देऊ नये. पाइपलाइनद्वारे पाणीपुरवठा करण्यासंदर्भात भूजल सर्वेक्षण विभागाकडून सर्वेक्षण करून त्याबाबतची कार्यवाही करावी, असेही त्यांनी सांगितले.

जिल्ह्यातील अकरापैकी माण-दहिवडी, कोरेगाव, फलटण या तीन तालुक्यांमध्ये दुष्काळ घोषित करण्यात आला आहे. जिल्ह्यातील सर्व ११ तालुक्यांमधील १८३ गावे व ७७० वाड्या-वस्त्यांमध्ये एकूण २१९ टँकर सुरू आहेत. माण तालुक्यात सर्वाधिक १०७ तर सातारा तालुक्यात सर्वात कमी एक टँकर सुरू आहे. महात्मा गांधी राष्ट्रीय ग्रामीण रोजगार हमी योजनेंतर्गत जिल्ह्यात ३८५ कामे सुरू असून त्यावर २३९८ मजूर उपस्थित आहेत. जिल्ह्यामध्ये १५ हजार ३७९ कामे शेल्फवर आहेत.

पिण्याच्या पाण्याच्या टंचाई निवारणासाठी जिल्ह्यात आजअखेर ३४ विंधन विहिरी, सात नळ पाणीपुरवठा योजनांची विशेष दुरुस्ती करून तसेच ४ तात्पुरत्या नळ पाणीपुरवठा योजना कार्यान्वित करून व १११ विहिरींचे अधिग्रहण करून पाणीपुरवठा सुरळीत ठेवण्यात येत आहे. थकीत विद्युत देयकामुळे बंद पडलेल्या नळ पाणीपुरवठा योजना सुरळीत करण्यासाठी १.७८ कोटींचा निधी देण्यात आला आहे.

 सातारा जिल्ह्यात २० शासकीय चारा छावण्या सुरू करण्यात आल्या असून, त्यामध्ये एकूण २० हजार १४९ जनावरे दाखल आहेत. दुष्काळ घोषित केलेल्या ३ तालुक्यांतील ३१० गावांतील १ लाख ३५ हजार ७३२ शेतकऱ्यांना ४१.९३ कोटी रुपयांचा निधी वाटप केला आहे. जिल्ह्यातील एकूण ४७ हजार १६७ शेतकऱ्यांनी पीक विमा योजनेंतर्गत नोंदणी केली होती. या हंगामात नुकसान भरपाईपोटी २.४२ कोटी रक्कम ६ हजार २७८ पात्र शेतकऱ्यांना अदा करण्यात आली आहे.
 


इतर ताज्या घडामोडी
जळगाव जिल्ह्यात थेट बाजारासाठी शेतकरी...जळगाव ः ग्राहकांना दर्जेदार, आवाक्‍याच्या दरातील...
लासलगाव बाजार समितीचे कामकाज पुन्हा बंद नाशिक : ‘कोरोना’च्या प्रादुर्भावामुळे लासलगाव...
मेट्रो सिटीतील आऊटलेटमधून संत्रा विकानागपूर ः मदर डेअरी, एनडीडीबीच्या देशाच्या मुख्य...
पीककर्ज परतफेडीबाबत शेतकऱ्यांमध्ये...पुणे ः पुणे जिल्हा मध्यवर्ती बँकेने परिपत्रक जारी...
परभणीत शेतकऱ्यांना शेतमाल वाहतूक परवाने...परभणी ः ‘कोरोना’ विषाणूचा संसर्ग रोखण्यासाठी...
सांगलीत भाजीपाला लावगडीकडे शेतकऱ्यांनी...सांगली : ‘कोरोना’च्या वाढत्या धोक्यामुळे आणि...
नांदेड, परभणी, हिंगोलीत वादळी पावसाने...नांदेड ः नांदेड, परभणी, हिंगोली जिल्ह्यातील अनेक...
गोंदिया जिल्हा बॅंकेची कर्जपरतफेडीस...गोंदिया ः ‘कोरोना’च्या पार्श्‍वभूमीवर देशभरात...
कमी दरात काजू खरेदीचा काही दलालांचा...सिंधुदुर्ग ः ‘कोरोना’मुळे निर्माण झालेल्या...
सोनुर्ली येथील स्वस्त धान्य दुकानाचा...चंद्रपूर : स्वस्त धान्य दुकानातील धान्याची...
सोलापूरच्या पालकमंत्रीपदी जितेंद्र...सोलापूर  ः सोलापूर जिल्ह्याचे पालकमंत्री...
मालेगाव तालुक्यातील कृषी सेवा केंद्रे...वाशीम  : कोरोना विषाणूचा प्रादुर्भाव...
जळगावात खासगी डेअरी चालक,...जळगाव  ः जिल्ह्यात दुधाच्या वितरणात येणाऱ्या...
पुणे जिल्हा परिषदेचे पदाधिकारी, सदस्य...पुणे  : ‘कोरोना’ या राष्ट्रीय आपत्ती...
अत्यावश्यक सेवेतील शेतीमाल वाहतुकीस...सोलापूर  ः अत्यावश्यक सेवा म्हणून माल वाहतूक...
`तुम्ही घरी थांबा,आम्ही अखंडित...नाशिक : कोरोना विषाणूचा प्रादुर्भाव रोखण्यासाठी...
अकोल्यात शेतकरी उत्पादक गटांकडून घरपोच...अकोला  ः कृषी विभागाच्या कृषी तंत्रज्ञान...
सिन्नर तालुक्यात गारपिटीच्या तडाख्यात...नाशिक : सिन्नर तालुक्यातील पूर्व भागात दातली...
बेदाणा निर्मितीसाठी प्रोत्साहनपर अनुदान...नाशिक: कोरोना विषाणूच्या पार्श्वभूमीवर देशात...
विरवडे येथील सीना नदीत वाळू उपसा करणारे...सोलापूर  ः विरवडे (ता.मोहोळ) येथे सीना...