‘स्वाभिमानी’चे ठिय्या आंदोलन सुरू  

‘स्वाभिमानी’चे ठिय्या आंदोलन सुरू  
‘स्वाभिमानी’चे ठिय्या आंदोलन सुरू  

सातारा ः जिल्ह्यातील सर्व ऊस उत्पादक शेतकऱ्यांना सन २०१७-१८ मधील जाहीर दरातील फरकाची रक्कम व २०१८-१९ मधील एफआरपीची थकीत रक्कम व्याजासह मिळवणे, नुकसानीची भरपाई त्वरित मिळावी, यासाठी सोमवारी (ता. ११) जिल्हाधिकारी कार्यालयासमोर ठिय्या आंदोलन सुरू करण्यात आले आहे. 

जिल्ह्यातील सर्व ऊस उत्पादक शेतकऱ्यांना सन २०१७-१८ मधील जाहीर दरातील फरकाची रक्कम व २०१८-१९ मधील एफआरपीची थकीत रक्कम व्याजासह मिळवणे, जिल्ह्यातील अतिवृष्टीमुळे व मॉन्सूनोत्तर पावसाने झालेल्या नुकसानीची भरपाई म्हणून संपूर्ण कर्जमाफी व वीजबिलमाफी तातडीने जाहीर करावी, तातडीने ओला दुष्काळ जाहीर करावा, तसेच सर्व सोयीसुविधा उपलब्ध करून द्याव्यात, या मागण्या पूर्ण करण्यासाठी ठिय्या आंदोलन सुरू करण्यात आले आहे. 

या वेळी जिल्हाध्यक्ष राजू शेळके म्हणाले, ‘‘आमच्या मागण्यांसाठी जिल्हाधिकारी श्वेता सिंघल याच्यासमवेत चर्चा झाली. त्यांनी आंदोलन मागे घेण्यासाठी विनंती केली आहे. थकीत एफआरपीसाठी कारखानदार, तसेच संघटनेच्या समवेत बैठक घेतली जावी अशी मागणी केल्यावर. साखर आयुक्तांशी चर्चा करून निर्णय घेतला जाईल असे जिल्हाधिकाऱ्यांनी सांगितले आहे.’’

सरकार स्थापन झाल्यावर शेतकऱ्यांच्या नुकसानीच्या मागण्या मान्य करून घेणार आहे. मात्र उसाच्या थकीत एफआरपीसाठी तोडगा न काढल्यास आंदोलन सुरू ठेवणार असल्याचे त्यांनी सांगितले. 

या वेळी राज्य कार्यकारिणी सदस्य अर्जुनराव साळुंखे, उपाध्यक्ष देवानंद पाटील, धनंजय महामुलकर, दादासाहेब यादव, रमेश पिसाळ, बापूराव साळुंखे, प्रमोद जगदाळे, संदीप पवार, नितीन यादव, जनार्दन आवारे, मदन साळुंखे, संजय जाधव आदी उपस्थित होते.   

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com