agriculture news in Marathi rising cold in khandesh Maharashtra | Agrowon

विदर्भापाठोपाठ खानदेशात थंडी वाढतेय

टीम अॅग्रोवन
रविवार, 8 डिसेंबर 2019

पुणे ः राज्यातील अनेक भागांत हवामान कोरडे झाल्याने थंडी पसरण्यास सुरुवात झाली आहे. विदर्भापाठोपाठ खानदेशातही थंडी वाढू लागली आहे. खानदेशातील धुळे येथील कृषी महाविद्यालयात ११.० अंश सेल्सिअसची सर्वांत कमी किमान तापमानाची नोंद झाली असल्याचे कृषी महाविद्यालयाच्या सूत्रांनी सांगितले.
 

पुणे ः राज्यातील अनेक भागांत हवामान कोरडे झाल्याने थंडी पसरण्यास सुरुवात झाली आहे. विदर्भापाठोपाठ खानदेशातही थंडी वाढू लागली आहे. खानदेशातील धुळे येथील कृषी महाविद्यालयात ११.० अंश सेल्सिअसची सर्वांत कमी किमान तापमानाची नोंद झाली असल्याचे कृषी महाविद्यालयाच्या सूत्रांनी सांगितले.
 

गेल्या चार ते पाच दिवसांपासून अरबी समुद्रात तयार झालेले पवन चक्रीवादळ आणि त्यापाठोपाठ तयार झालेले दुसरे कमी दाबाचे क्षेत्र यामुळे राज्यातील अनेक भागांत ढगाळ हवामान होते. त्यामुळे राज्यातील किमान तापमान जवळपास २४-२५ अंश सेल्सिअसपर्यत गेले होते. यामुळे राज्यातील थंडी गायब झाल्याची स्थिती होती.

मात्र, गेल्या दोन दिवसांपासून अरबी समुद्रातील चक्रीवादळाची तीव्रता कमी झाल्याने राज्यात पुन्हा हवामान कोरडे होण्यास सुरुवात झाली. यामुळे थंडीने पुन्हा जम बसविण्यास सुरुवात केली आहे. राज्यातील अनेक भागांत थंडी वाढू लागली असून किमान तापमान सरासरीच्या तुलनेत दोन अंश सेल्सिअसने कमी झाले आहे.

राज्यात कोरडे हवामान झाले असून उत्तरेकडूनही काही प्रमाणात वारे वाहण्यास सुरुवात झाली आहे. त्यामुळे खानदेशातील धुळे, जळगाव या भागात थंडी वाढू लागली आहे. सध्या राज्यात दिवसभर ऊन पडत असले तरी सायंकाळनंतर हवेत गारवा तयार होत आहे. मध्यरात्रीनंतर गारवा वाढत जाऊन पहाटे चांगलीच थंडी पडत असून किमान तापमानात घट होत आहे.

धुळेनंतर विदर्भातील नागपूर, उस्मानाबाद, गोंदिया येथेही ११ अंशांच्या दरम्यान किमान तापमानाची नोंद झाली. मुंबई, रत्नागिरी या भागातील 
किमान तापमानात सरासरीच्या तुलनेत दोन ते तीन अंश सेल्सिअसने घट झाली आहे.

शनिवारी (ता. ६) सकाळी आठ वाजेपर्यंतच्या चोवीस तासांतील विविध ठिकाणचे किमान तापमान अंश सेल्सिअसमध्ये, कंसात वाढ, घट ः नगर १४.३ (३), अकोला १३.६, अलिबाग २१.८ (३), अमरावती १४.० (-१), औरंगाबाद १३.७ (२), बीड १४.९ (२), बुलडाणा १४.५, चंद्रपूर १४.२ (१), डहाणू २१.५ (३), गोंदिया ११.४ (-२), जळगाव १४.० (२), धुळे ११.०, कोल्हापूर १९.१ (४), महाबळेश्वर १३.६, मालेगाव १५.२ (४), मुंबई २१.६ (३), नागपूर ११.१ (-२), नांदेड १४.५ (२), नाशिक १४.२ (३), उस्मानाबाद ११.४ (-१), परभणी १२.८ (-१), लोहगाव १६.४ (३), पुणे १४.९ (३), रत्नागिरी २२.४ (२), सांगली १८.९ (४), सातारा १६.३ (३), सोलापूर १९.१ (३), वर्धा १२.९ (-२), यवतमाळ १३.० (-२).


इतर बातम्या
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
लोकशाहीच्या बळकटीसाठी मतदानाला महत्त्व...नगर : ‘‘भारत हा जगातील सर्वांत मोठी लोकशाही...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...
सिंचन प्रकल्पांच्या पूर्णत्वासाठी निधी...मुंबई : जलसंपदा विभागाचे प्रलंबित प्रकल्प पूर्ण...
रासायनिक अवशेषमुक्त शेती हेच भवितव्य:...नाशिक : रासायनिक खते व कीटकनाशकांच्या...
विदर्भ, कोकणात उद्यापासून पावसाचा अंदाजपुणे : राज्याच्या किमान तापमानात चढ-उतार सुरूच...
कौशल्य, कृषी, उद्योग विभाग देतील...परभणी: पंतप्रधान कौशल्य विकास योजना आणि...
औरंगाबादेत पाणीप्रश्‍नावर भाजपचे उद्या...औरंगाबाद : नेहमी दुष्काळाशी सामना करणाऱ्या...
शेतकरीविरोधी कायद्यांबाबत सहा महिन्यांत...पुणे : शेतकरी आत्महत्यांना पूरक ठरणारे कायदे रद्द...
राज्यातील बाजार समित्या निवडणुका पुढे...पुणे: ज्या बाजार समित्यांच्या निवडणुका...
अण्णासाहेब पाटील महामंडळाने १०००...नगर : अण्णासाहेब पाटील आर्थिक मागास विकास...
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...
जळगाव जिल्ह्यात राष्ट्रीयकृत बॅंकांचे...जळगाव  ः महाविकास आघाडीने जाहीर केलेली...