agriculture news in marathi, Rivers flow through Pune district | Agrowon

पुणे जिल्ह्यातील नद्या दुथडी, धरणांतून विसर्ग

टीम अॅग्रोवन
बुधवार, 22 ऑगस्ट 2018

पुणे : जिल्ह्यात सोमवारपासून सुरू झालेल्या पावसाचा जोर मंगळवारी (ता. २१) वाढला होता. दुपारनंतर अनेक भागात पावसाचा जोर वाढला. धरणांमध्येही पाण्याची आवक वाढल्याने विसर्गही वाढविण्यात आल्याने नद्या दुथडी भरून वाहत असून भीमा,  मुळा-मुठा, निरा नदीला पूर आला आहे.

पुणे : जिल्ह्यात सोमवारपासून सुरू झालेल्या पावसाचा जोर मंगळवारी (ता. २१) वाढला होता. दुपारनंतर अनेक भागात पावसाचा जोर वाढला. धरणांमध्येही पाण्याची आवक वाढल्याने विसर्गही वाढविण्यात आल्याने नद्या दुथडी भरून वाहत असून भीमा,  मुळा-मुठा, निरा नदीला पूर आला आहे.

पश्‍चिम भागातील पावसाचा जोर आणखी वाढला आहे. तर पूर्व भागातील दुष्काळी पट्‌ट्यातही हलक्या पावसाने हजेरी लावली आहे. मंगळवारी (ता. २१) सकाळपर्यंतच्या २४ तासांमध्ये मावळ, मुळशीसह भोर, वेल्हा, जुन्नर तालुक्यांत पावसाचा जोर अधिक होता. तर उर्वरित तालुक्यांमध्ये हलका ते मध्यम पाऊस पडला. पूर्व भागातील तालुक्यांमध्ये तुरळक ठिकाणी हलका पावसाची नोंद झाली.

कुकडीचे खाेरे वगळता जिल्ह्यातील सर्वच प्रमुख धरणे १०० टक्के भरल्याने ओसंडून वाहत आहेत. खडकवासला, मुळशी, पवना धरणांतून पाण्याचा विसर्ग वाढविण्यात आल्याने मुळा-मुठेच्या पाणीपातळीत वाढ झाली असून दुथडी भरून वाहणाऱ्या उपनद्यांमच्या पाण्यामुळे भीमा नदीला पूर आला आहे. वीर धरणातील विसर्गामुळे नीरा नदीलाही पूर आला अाहे.

चासकमान ९ हजार क्युसेक, मुळशी १० हजार, खडकवासला धरणातून १८ हजार ५०० तर वीर धरणातून १४ हजार क्युसेक वेगाने पाणी सोडण्यात आले आहे. दौंड येथे भीमेच्या पात्रातून ३५ हजार क्युसेक वेगाने उजनी धरणात पाणी जमा होत आहे.

मंगळवारी (ता. २१) सकाळी आठ वाजेपर्यंतच्या २४ तासांमध्ये जिल्ह्यात विविध ठिकाणी पडलेला पाऊस (मिलिमीटरमध्ये) : पौड ३०, घोटावडे ३१, माले ४४, मुठे ९८, भोलावडे ८२, निगुडघर ६१, काले ६४, कार्ला ३२, लोणावळा ९६, वेल्हा ५७, पानशेत ४३, विंझर ३५, राजूर ५६, आपटाळे ३४, कुडे ३८.


इतर ताज्या घडामोडी
शेतकऱ्यांना मदत देण्यासाठी प्रयत्न करु...सोलापूर : ‘‘अतिवृष्टी आणि पुरामुळे शेतपिकांचे...
खानदेशात पावसाने दाणादाण सुरूचजळगाव ः खानदेशात गेले दोन दिवस अनेक भागात मध्यम...
जिगाव प्रकल्पग्रस्तांना मिळणार योग्य...बुलडाणा ः जिगाव प्रकल्पग्रस्तांना योग्य मोबदला...
सोलापुरात नुकसानग्रस्तांसाठी `रयत’चे...सोलापूर : सोलापूरसह संपूर्ण राज्यात अतिवृष्टीमुळे...
साताऱ्यात रब्बीची १२ टक्के क्षेत्रावर...सातारा : जिल्ह्यात परतीच्या पावसाने झोडपल्याने...
एफआरपी एकरकमी देणार की तुकडे होणार?सातारा : यावर्षीच्या ऊस हंगामासाठी एक ते दोन...
कृषी योजनांच्या अंमलबजावणीत अकोला अव्वलअकोला ः जिल्ह्यात कृषी विभागामार्फत राबविलेल्या...
पीक नुकसानीची मदत निश्‍चित मिळेल ः मलिकपरभणी : ‘‘हवामान विभागाने रविवार (ता.२५)...
रयत क्रांती संघटनेतर्फे जागरण गोंधळ...पुणे ः  रयत क्रांती संघटनेतर्फे...
इथेनॉल पूर्णत्वासाठी ‘कादवा’ला सहकार्य...नाशिक : ‘‘अत्यंत प्रतिकूल परिस्थितीत उत्तम...
परभणी, हिंगोली जिल्ह्यात पुन्हा मुसळधार...परभणी : परभणी, हिंगोली जिल्ह्यात अनेक दिवसांची...
नाथाभाऊ काय चीज आहे, दाखवून देऊ : शरद...मुंबई: नाथाभाऊंनी राष्ट्रवादीत प्रवेश केल्याने...
शेतकऱ्यांना मदत करण्याचीच भूमिका : शहालातूर : ‘‘कृषी उत्पन्न बाजार समितीने अडचणीच्या...
धान्य खरेदीसाठी नोंदणीचे निर्देशच नाहीत जळगाव ः जिल्ह्यात १ नोव्हेंबरपासून शासकीय धान्य...
मदतीच्या घोषणेचे स्वागत, पण तोकडीः डॉ....नगर ः राज्यात अतिवृष्टीने नुकसानग्रस्त...
जलसंधारणाच्या `बुलडाणा पॅटर्न`चा डंकाअकोला ः महामार्ग तयार करताना त्यासाठी लागणारे...
सोयाबीनचे मूल्यवर्धित पदार्थसोयाबीनपासून सोया-दूध, सोया पनीर, पीठ आणि...
परभणीत रताळी १३५० रूपये प्रतिक्विंटलपरभणी ः येथील पाथरी रस्त्यावरील फळे,...
कापूस उत्पादकांचे शोषण थांबवा: विजय...नागपूर: देशात कापसाचे दर कमी होत असतानाच...
फवारणीनंतर १८ एकरातील कपाशीने टाकल्या...अकोला ः जिल्ह्यातील म्हातोडी येथील शेतकऱ्याने...