agriculture news in marathi Road obstacle in Santra Processing Unit construction | Agrowon

रस्त्यानेच रोखली संत्रा प्रक्रिया उद्योगाची वाट !

विनोद इंगोले
गुरुवार, 3 डिसेंबर 2020

अमरावती : अवघ्या एक किलोमीटर लांबीच्या रस्त्याने विदर्भातील संत्रा उत्पादकांना बूस्ट देणाऱ्या १५० कोटींच्या प्रकल्पाची वाट रोखल्याचे समोर आले आहे.

अमरावती : अवघ्या एक किलोमीटर लांबीच्या रस्त्याने विदर्भातील संत्रा उत्पादकांना बूस्ट देणाऱ्या १५० कोटींच्या प्रकल्पाची वाट रोखल्याचे समोर आले आहे.

अमरावती जिल्ह्याच्या मोर्शी तालुक्‍यातील ठाणाठुणी येथे प्रकल्प आहे. अमरावती-मोर्शी या मुख्य मार्गापासून हा प्रकल्प एक किलोमीटर अंतरावर आहे. मात्र, पांदण रस्ता अतिक्रमणामुळे अवघा १२ मीटरचा उरला होता. प्रशासनाकडून तो २४ मीटरचा करण्यासाठी शेतकऱ्यांकडे जमिनीची मागणी केली गेली. परंतु त्याला प्रतिसाद न मिळाल्याने एकाच बाजूच्या शेतकऱ्याकडून जमिनी खरेदी करून रस्त्याची लांबी वाढविण्यात आली. 

रस्ते रुंदीकरणाचा प्रश्‍न मार्गी लागल्यानंतर सिमेंट रस्त्याची निविदा काढण्यात आली. त्याकरिता दहा कोटी रुपयांची तरतूद होती. एका राजकीय वरदहस्त असलेल्या व्यक्‍तीला हे काम मिळाले. त्याने उपकंत्राटदार नेमला, प्रत्यक्ष कामाला सुरुवात झाली. मात्र गेल्या चार वर्षांत खडीकरणापुढे ते सरकले नाही. परिणामी, प्रकल्पस्थळी बांधकाम साहित्य आणण्यापासून ते यंत्रसामग्री आणणे शक्‍य होत नसल्याने प्रकल्पाचीच वाट रोखण्याचे काम या रस्त्याने केले आहे. यामागे सार्वजनिक बांधकाम विभाग आणि या भागातील नेत्यांमध्ये असलेला इच्छाशक्‍तीचा अभाव अशी कारणे दिली जात आहेत.

प्रतिक्रिया..
प्रकल्पाकरिता निधीच्या तरतुदीपासून ते यंत्रसामग्री खरेदीपर्यंत सर्व प्रक्रिया झाली आहे. २०१६ मध्ये प्रकल्पाचे भुमिपूजन झाल्यानंतर ४ ऑगस्ट २०१८ रोजी जागेचा ताबा मिळाला. त्याचे सपाटीकरण करण्यात आले. ४० टक्‍के संत्रा, ४० टक्‍के मोसंबी आणि २० टक्‍के लिंबू अशा फळांवर प्रक्रिया येथे होईल. सुमारे ३०० टन संत्र्यावर प्रक्रिया होणार आहे. त्याकरिता यंत्रसामग्रीची खरेदीदेखील झाली आहे. परंतु रस्त्याअभावी प्रकल्पस्थळापर्यंत बांधकाम साहित्य व यंत्रसामग्री आणणारी वाहने येऊ शकत नाहीत. एक किलोमीटर रस्त्याचे काम मार्गी लावावे याकरिता पाठपुरावा केला. परंतु त्याची दखल घेण्यात आली नाही.
- विजय धाडीवाल, प्रकल्प व्यवस्थापक, 
जैन फार्मफ्रेश उन्नती प्रकल्प

कंपनीकडून आपल्या अपयशाचे खापर रस्त्यावर फोडले जात आहे. हा प्रकल्प का रखडला? हे जाणून घेण्याकरिता कंपनीच्या वरिष्ठ अधिकाऱ्यांना वर्षभरापूर्वी बोलावले होते. परंतु त्यांच्याकडून सकारात्मक प्रतिसाद मिळाला नाही. आता मात्र चार वर्षांनंतर रस्त्याअभावी काम थांबल्याचे सांगितले जात आहे. हा प्रकार चुकीचा आहे. असे असेल तर प्रशासनाला सूचना देऊन रस्त्याचे काम मार्गी लावले जाईल. 
- देवेंद्र भुयार, आमदार, वरुड, मोर्शी विधानसभा


इतर अॅग्रो विशेष
जवानांनंतर शेतकऱ्यांचे ‘संचलन’ नवी दिल्ली : प्रजासत्ताक दिनी ट्रॅक्टर...
लाल वादळ मुंबईत धडकले नाशिक : दिल्ली येथे सुरू असलेल्या ऐतिहासिक शेतकरी...
शेतीपंप वीजबिले तपासली जाणार; चुकीची...कोल्हापूर : ‘‘राज्य सरकारने कृषिपंप वीजजोडणी धोरण...
राज्यात एफआरपीचे ७७ टक्के वितरणपुणे : साखर कारखान्यांकडे लक्षावधी टन साखर पडून...
पूर्व विदर्भात गुरुवारी पावसाची शक्यतापुणे : मराठवाडा ते बिहार या दरम्यान कमी दाबाचा...
देशातील साखर उत्पादन ‘सुसाट’; १४२ लाख...कोल्हापूर : यंदाच्या हंगामातील साखर उत्पादनाने...
पशुसंवर्धन विभागात ३० टक्‍के पदे रिक्‍तनागपूर : पशुवैद्यकीय दवाखान्यांच्या दुर्दशेसोबतच...
दिल्लीतील ट्रॅक्‍टर परेडला हिरवा कंदील...नवी दिल्ली : तीन कृषी कायद्यांच्या विरोधात गेले...
बारामतीत अवतरले ‘अॅग्रोवन मार्ट’बारामती, जि. पुणे : शेतकऱ्यांच्या सर्व गरजांची...
औरंगाबादेत होणार अंडीपुंजनिर्मिती केंद्रऔरंगाबाद : रेशीम शेती व उद्योगाला चालना...
गोंदियात किमान तापमान १० अंशांवरपुणे : उत्तर भारतातील राजस्थान, पंजाब उत्तर...
शेतकऱ्यांच्या २६ च्या ‘ट्रॅक्टर परेड’...नवी दिल्ली : केंद्र सरकारच्या कृषी...
केंद्राच्या स्पष्ट धोरणाअभावी ‘जीएम’...नागपूर ः एकीकडे जनुकीय सुधारित (जीएम) पिकांच्या...
लोक सहभागातून जैवविविधता, पर्यावरण...ग्रामीण भागातील जैवविविधतेच्या संवर्धनामध्ये पाच...
अपात्र लाभार्थ्यांना कोणी केले मालामाल?ज गामधील सर्वांत मोठी यशस्वी लोकशाही असलेला आपला...
ग्लोबल अन् लोकल मार्केटमका आणि सोयाबीनच्या जागतिक उत्पादनात घट होण्याची...
निर्णय आता तुमच्या हाती : केंद्र सरकारनवी दिल्ली ः शेतकरी नेते ‘कृषी कायदे रद्द करणे...
शेतमाल निर्यात खर्च झाला दुप्पट नाशिक : लंडनमध्ये डिसेंबरअखेर कोरोनाचा नव्या...
बर्ड फ्लूने १३ हजार पक्ष्यांचा मृत्यू पुणे : राज्यातील काही जिल्ह्यांमध्ये बर्ड फ्लू...
कृषिपंपाच्या थकबाकीची आता ऊसबिलातून...सोलापूर :  कधी दुष्काळ, कधी अतिवृष्टी आणि...