agriculture news in Marathi rose demand decreased due to market closed Maharashtra | Page 2 ||| Agrowon

कोरोनामुळे उतरली गुलाबाची लाली 

गणेश कोरे
सोमवार, 23 मार्च 2020

कोरोना विषाणूच्या पार्श्वभूमीवर बाजारपेठा बंद झाल्या आहेत. याचा फटका शेतकऱ्यांना बसत आहे. लग्नसराईत मागणी असलेल्या गुलाब फुलांची बाजारपेठ ठप्प झाल्याने फुले फेकून देण्याची वेळ शेतकऱ्यांवर आली आहे.

पुणे ः कोरोना विषाणूच्या पार्श्वभूमीवर बाजारपेठा बंद झाल्या आहेत. याचा फटका शेतकऱ्यांना बसत आहे. लग्नसराईत मागणी असलेल्या गुलाब फुलांची बाजारपेठ ठप्प झाल्याने फुले फेकून देण्याची वेळ शेतकऱ्यांवर आली आहे. जिल्ह्यात मावळ तालुका आणि तळेगाव येथील फ्लोरिकल्चर पार्कमधील फुलांना गेल्या आठवड्यापासून मागणी नाही. त्यामुळे येथील शेतकऱ्यांचे एका आठवड्यात जवळपास सहा कोटींचे नुकसान झाले आहे. 

व्हॅलेंटाइन डेनंतर गुलाबांना विशेष मागणी असलेला हंगाम म्हणजे लग्नसराई. देशभरात लग्नसराई सुरू झाल्यानंतर तळेगाव फ्लोरिकल्चर पार्क आणि मावळ तालुक्यातून मोठ्या प्रमाणावर विविध रंगी गुलाबांना मागणी असते. मात्र सध्या कोरोना विषाणूच्या फैलावापासून बचावासाठी घेतलेल्या खबरदारीच्या उपायांमध्ये लग्न समारंभ रद्द करण्याबरोबरच सीमित स्वरूपात होत असल्याने गुलाब फुलांची मागणी घटली आहे. देशातील विविध बाजारपेठा बंद असल्यानेदेखील मागणी ठप्प झाली आहे. 

याबाबत माहिती देताना तळेगाव फ्लोरिकल्चर पार्कचे अध्यक्ष मल्हारराव ढोले म्हणाले, ‘‘व्हॅलेटाइन डेनंतरची काढणी झाल्यानंतर मार्च, एप्रिलमधील लग्न हंगामासाठीचा फ्लश सुरू होतो. सध्या हा फ्लश सुरू झाला असून, दररोज एकरी सुमारे २ हजार फुलांची काढणी होते. मात्र कोरोनामुळे देशभरातील महत्त्वाच्या बाजारपेठा बंद झाल्याने पुरवठा थांबला आहे.

व्हॅलेंटाइनला २० फुलांच्या गड्डाली २५० रुपये दर होता. तोच दर लग्न हंगामात ५० ते ६० रुपये असतो. मात्र आता बंदमुळे दरच नसल्याने फुले काढणीसाठी होणारा मजुरांचा खर्च टाळण्यासाठी फुले जागीच पिंच आणि स्टेम मोडले जात आहेत. यामुळे एकरी साधारण ५० हजार रुपयांचे नुकसान आठवड्याला होत आहे. पार्कमध्ये सुमारे २०० एकरवर पॉलिहाऊसमधून फुलांचे उत्पादन घेतले जात आहे.’’ 

पुणे जिल्हा फूल उत्पादक संघाचे अध्यक्ष शिवाजी भेगडे म्हणाले, ‘‘मावळ तालुक्यात सुमारे १ हजार २०० एकरवर पॉलिहाउसमधून गुलाबाचे उत्पादन घेतले जात आहे. ही फुले देशासह निर्यात केली जातात. सध्याचा फ्लश हा देशांतर्गत असून, एकरी साधारण २ हजार फुलांचे नियोजन असते. सध्या कोरोनामुळे सर्वच बाजारपेठा ठप्प असल्याने सुमारे २५ लाख फुलांचा पुरवठा ठप्प झाला आहे, तर शीतगृहांमध्ये सुमारे ३० लाख फुलांचा साठा शिल्लक आहे. ही परिस्थिती कधी सुधारेल याबाबत आम्ही साशंक असल्याने नुकसान वाढीचा धोका आहे. 
----- 
दृष्टिक्षेपात गुलाब उत्पादन 
मावळ, तळेगावातील क्षेत्र ः
दीड हजार एकर 
दैनंदिन एकरी उत्पादन ः सुमारे २ हजार फुले 
एका दिवसातील उत्पादन ः ३० लाख फुले 
सरासरी दर ः अडीच रुपये 
एका दिवसाचे नुकसान ः ७५ लाख रुपये 
आठ दिवसांचे नुकसान ः सुमारे ६ कोटी 
 


इतर अॅग्रो विशेष
`अमूल`कडून शेतकऱ्यांना मंदीतही २००...पुणे : राज्यातील डेअरी उद्योग सध्या अतिशय बिकट...
राज्यात कोरोना रुग्णसंख्या ७४८;...मुंबई : राज्यातील कोरोनाचा विळखा वाढत चालला...
केंद्र सरकारकडून रासायनिक खत अनुदानात...पुणे: ऐन लॉकडाऊनच्या गोंधळात केंद्र सरकारने...
शेतकरी कंपन्यांची संकलन केंद्रे...पुणे:  ‘ई-नाम’ प्रणालीत गेल्या दोन...
कोरोनामुळे हापूस अडचणीत; मुंबई बाजार...मुंबई : मुंबई कृषी उत्पन्न बाजार समितीच्या वाशी...
कोरोनामुळे ‘टोमॅटो बेल्ट’ लॉकडाऊन; पुणे...पुणेः गेल्या काही वर्षात जिल्‍ह्यातील जुन्नर, खेड...
कोल्हापूर कृषी महाविद्यालयाकडून...कोल्हापूर : येथील कोल्हापूर कृषी महाविद्यालयाच्या...
राज्यात उष्ण, दमट हवामानाचा अंदाज;...पुणे : तापमानाचा पारा चाळीशी पार गेल्याने उन्हाचा...
राज्यात आत्तापर्यंत तेरा हजार टन...नगर ः कोरोना संसर्गाच्या पार्श्‍वभूमीवर...
प्रयोगशीलतेतून मिळवले आर्थिक स्थैर्यनाशिक जिल्ह्यातील आडगाव येथील शिवाजी शंकर देशमुख...
...शेतकरी मात्र 'फार्म क्वाॅरंटाइन' !सांगली : कोरोनाने सर्वांची झोप उडाली आहे. संपूर्ण...
केसरची चव यंदा दुर्मिळ; संकटांमुळे आंबा...औरंगाबाद: यंदा बहुतांश आंबा बागांना मोजकाच मोहर...
राज्यातील कोरोना बाधित रुग्णांची संख्या...मुंबई : राज्यात कोरोनाबाधित १४५ नवीन रुग्णांची आज...
दूध भुकटी योजनेसाठी १८७ कोटी मंजूर मुंबई: कोरोना विषाणूमुळे उद्भवलेल्या विपरीत...
फळे, भाजीपाला थेट विक्रीसाठी ...नगर : फळे, भाजीपाला विक्रीसाठी नगर जिल्ह्यामधील...
पहिल्याच दिवशी २६० किलो मोसंबी वाजवी...औरंगाबाद : आधी बागवानाने मागितली तेव्हा दिली नाही...
कृषी उत्पादनांसह निर्धारीत अत्यावश्‍यक...नवी दिल्ली: देशात कोरोना विषाणूचा प्रसार...
समाजविघातक वृत्तींवर कडक कायदेशीर...मुंबई: कृपा करून शिस्त पाळा, सहकार्य करा असे मी...
शेती अवजारे, स्पेअरपार्टस् दुकानांना...नवी दिल्ली: केंद्रीय गृहमंत्रालयाने शुक्रवारी (ता...
मराठवाड्यात आजही वादळी पावसाची शक्यता पुणे: उन्हाचा ताप वाढल्याने सोलापूर, मालेगाव,...