agriculture news in marathi Rotavator on banana in Ardhapur area | Agrowon

अर्धापूर भागात केळीवर रोटावेटर; रोग, दराने त्रासले शेतकरी

टीम अॅग्रोवन
शुक्रवार, 26 नोव्हेंबर 2021

अर्धापूर भागातील केळीवर व्हायरसचा प्रादुर्भाव मोठ्या प्रमाणात वाढला आहे. परिणामी, केळीचे दर तीनशे रुपयांपर्यंत कोसळल्याने शेतकऱ्यांना काढणीला आलेल्या केळीवर रोटावेटर फिरवावा लागत आहे.

नांदेड : जिल्ह्यात झालेल्या अतिवृष्टीमुळे अर्धापूर भागातील केळीवर व्हायरसचा प्रादुर्भाव मोठ्या प्रमाणात वाढला आहे. परिणामी, केळीचे दर तीनशे रुपयांपर्यंत कोसळल्याने शेतकऱ्यांना काढणीला आलेल्या केळीवर रोटावेटर फिरवावा लागत आहे. आधी अतिवृष्टी, आता रोगाचा प्रादुर्भाव, तसेच वीजबिलाची सक्ती यामुळे शेतकरी सर्वच बाजूंनी अडचणीत सापडले आहेत.

नांदेड जिल्ह्यातील अर्धापूर, मुदखेड, नांदेड व भोकर तालुक्यात वीस ते 
पंचवीस हजार हेक्टरवर केळीची लागवड केली जाते. या भागात १९९५ मध्ये करपा या बुरशीजन्य रोगाचा प्रादुर्भाव खूप मोठ्या प्रमाणात झाला. केळीच्या बागा रात्रीतून पिकून गेल्या होत्या. तेव्हापासून या भागात रोगाचा प्रादुर्भाव कमी-अधिक प्रमाणात होत असतो. दरम्यान, यंदा जिल्ह्यात झालेल्या अतिवृष्टीमुळे पुन्हा केळीवर व्हायरसचा मोठ्या प्रमाणात प्रादुर्भाव झाला. परिणामी, केळीची गुणवत्ता खालावल्याने व्यापारी केळी उचलायला तयार नाहीत. १५ ऑगस्टपूर्वी दीड हजारावर पोहोचलेला दर सध्या तीनशे ते चारशे रुपयांवर आला आहे. यामुळे शेतकऱ्यांना लागवड खर्चही निघत नाही. परिणामी, अर्धापूर तालुक्यातील अनेक शेतकऱ्यांनी केळीचे घड कापून शेतात रोटावेटर चालवला आहे. या शेतात सध्या हरभरा किंवा गहू पेरण्याचे नियोजन शेतकऱ्यांनी केले आहे. नवीन केळीच्या पिकावरही मोझॅकचा प्रादुर्भाव होत असल्याने केळी उत्पादक अडचणीत सापडले आहेत.

प्रतिनिधी...
सध्या केळीला तीनशे ते चारशे रुपये भाव मिळत आहे. व्यापारी प्रतिक्विंटल साठ रुपये कमिशन घेतात. शेतातून एका झाडाची वाहतूक करण्यासाठी सात रुपये खर्च येतो. सध्या मिळणाऱ्या दरात लागवड खर्चही निघत नसल्याने केळी काढावी लागली. तर दुसरीकडे वीजबिलाच्या सक्तीने वसुली होत असल्याने अडचणीत भर पडली आहे.
- ज्ञानेश्‍वर माटे, अर्धापूर, जि. नांदेड

अतिवृष्टीमुळे १५ ऑगस्टनंतर केळीवर रोगांचा प्रादुर्भाव होऊन फळाची गुणवत्ता घसरली आहे. यामुळे खरेदीदार केळी उचलायला तयार नाहीत. परिणामी, दर मोठ्या प्रमाणात पडले आहेत. 
- नीलेश देशमुख, केळी अडतदार,  अर्धापूर, जि. नांदेड.


इतर ताज्या घडामोडी
खानदेशात कांदा पिकाची दहा हजार हेक्टरवर...जळगाव ः खानदेशात कांदा पिकाची लागवड सुरूच आहे....
‘गिरणा’चे वस्त्रहरण करणाऱ्यांवर कारवाई...चाळीसगाव, जि. जळगाव ः जळगाव जिल्ह्याची जीवनवाहिनी...
चांदवडमध्ये कांदा लिलाव सुरूनाशिक : अकरा जानेवारीपासून सोमवार (ता. १७) पर्यंत...
ग्रामपंचायतींना इंटरनेट सेवा त्वरित...सोलापूर : जिल्ह्यातील प्रत्येक ग्रामपंचायतींना...
ऊस तोडणीस विलंब; शेतकऱ्यांत चिंतासातारा ः अवेळी झालेल्या पाऊस, अनेक कारखान्यांची...
पुणे जिल्हा परिषदेवर प्रशासक?पुणे ः जिल्हा परिषदेसह जिल्ह्यातील विविध पंचायत...
गाव कोरोनामुक्त ठेवून ५० लाख जिंकापुणे ः कोरोनाच्या प्रादुर्भावापासून गावमुक्तीसाठी...
पाच जिल्ह्यांत १४ लाख हेक्‍टरवर रब्बीची...लातूर : विभागातील लातूर, उस्मानाबाद, परभणी,...
मिनी विधानसभेच्या निवडणुका मार्चमध्ये...मिनी विधानसभा समजल्या जाणाऱ्या राज्यातील १४...
गरज असलेल्या भागाला प्राधान्याने पाणी ः...नाशिक : मोठ्या प्रकल्पांमधील २०२१-२२ करिता...
पंचनामे झाले, नुकसान भरपाई कधी मिळणार?सांगली ः जिल्ह्यात डिसेंबर महिन्याच्या पहिल्या...
औरंगाबादमध्ये टोमॅटो १६०० रुपये क्विंटलऔरंगाबाद ः येथील कृषी उत्पन्न बाजार समितीमध्ये...
नारळ पिकावर बोंडर नेस्टिंग पांढरी...डिसेंबर २०११ मध्ये फ्लोरिडा विद्यापीठातील ...
युवकांनी ग्रामीण विकासाचे शिलेदार... नाशिक : ‘‘आधुनिक काळातील युवकांनी उच्च...
पदोन्नतीतील कृषिसहसंचालकात सोलापूरच्या...सोलापूर ः राज्याच्या कृषी विभागाने वर्ग एकमधील...
‘पांडुरंग’चे भालेकर यांना सर्वोत्कृष्ट ...सोलापूर ः मांजरीच्या वसंतदादा शुगर...
नाशिक : डांगसौंदाणे येथे उपबाजार आवार...नाशिक : सटाणा बाजार समितीच्या कार्यक्षेत्रातील...
पाइप कालव्याद्वारे ६० टक्के पाणी बचत...मालेगाव, जि. नाशिक : दहिकुटे लघू पाटबंधारे...
जळगाव ः भरडधान्य खरेदी खानदेशात रखडतच जळगाव ः  खानदेशात भरडधान्य खरेदी मागील २०...
नांदेडमध्ये खरेदीदारांविरोधात अडत्यांचा...नांदेड : हळद खरेदीदार अडत्यांना दोन...