agriculture news in marathi Rs 700 per quintal loss for sale of maize in Nashik district | Agrowon

नाशिक जिल्ह्यात मका विक्रीत प्रतिक्विंटल ७०० रुपयांचा भुर्दंड

टीम अॅग्रोवन
बुधवार, 21 ऑक्टोबर 2020

येवला, जि. नाशिक : सध्या बाजार समित्यांसह खासगी बाजारात मक्याला शासकीय हमीभावापेक्षा तब्बल ७०० ते ८०० रुपये कमी दर मिळत आहे. त्यामुळे शेतकऱ्यांना हा भुर्दंड सहन करावा लागत आहे.

येवला, जि. नाशिक : सध्या बाजार समित्यांसह खासगी बाजारात मक्याला शासकीय हमीभावापेक्षा तब्बल ७०० ते ८०० रुपये कमी दर मिळत आहे. त्यामुळे शेतकऱ्यांना हा भुर्दंड सहन करावा लागत आहे. मात्र, आनंदाची बाब म्हणजे ज्या शासकीय खरेदीकडे शेतकऱ्यांचे लक्ष लागून आहे, ती हमीभावाने (१८५० रुपये) खरेदी जिल्ह्यात १ नोव्हेंबरपासून आठ केंद्रांवर सुरू होणार आहे.

जिल्ह्यातील पीक पॅटर्न गेल्या दोन-तीन वर्षांपासून बदलत असून बाजरी, डाळी व तेलबियांचे क्षेत्र निम्म्याने घटले आहे. मक्यासह कांदा व भाजीपाला पिकाने जागा घेतली आहे. विशेषतः सर्वाधिक क्षेत्र मक्याखाली गुंतवले जात आहे.  जिल्ह्यात या वर्षी तब्बल सर्वाधिक २ लाख ३७ हजार हेक्‍टरवर मका पीक घेतले आहे. त्यास सध्या बाजार समित्यांसह खासगी बाजारात १००० ते १२५०, तर सरासरी ११०० रुपये दर मिळत आहे. त्यामुळे भुर्दंड सहन करण्याची वेळ येत आहे. 

सध्या मोठ्या मक्याची सर्वत्र काढणी झाली असून अनेक ठिकाणी पावसाचा फटका बसला. बिट्या ओल्या होऊन कोंब फुटले. असे असले तरी मोठ्या प्रमाणात दर्जेदार उत्पादन यंदा जिल्ह्यात घेतले गेले. यावर्षी हमीभावात वाढ करून १८५० रुपये दराने खरेदीचा निर्णय केंद्र शासनाने घेतल्याने मोठा आधार शेतकऱ्यांना मिळणार आहे.

मार्केटिंग फेडरेशनचे जिल्हा मार्केटिंग अधिकारी विवेक इंगळे यांनी जिल्हाधिकाऱ्यांच्या मान्यतेनुसार आठ खरेदी केंद्रांना यावर्षी मका,ज्वारी बाजरी व रागी खरेदीचे आदेश पारित केले आहेत. शेतकऱ्यांना ऑनलाइन नाव नोंदणी करायची आहे. सिन्नर, येवला, चांदवड, देवळा, लासलगाव येथे तालुका सहकारी खरेदी विक्री संघांना, तर नांदगाव येथे शनेश्वर तालुका संघ, मालेगाव येथे शेतकरी सहकारी संघ, सटाणा येथे दक्षिण भाग विकास सोसायटी या आठ संस्थांना या भरडधान्य खरेदीची परवानगी मिळाली आहे.

जिल्ह्यात ८ केंद्रांत १ नोव्हेंबर ते ३१ डिसेंबर या कालावधीत हमीभावाने भरड धान्य खरेदी होणार आहे. ज्वारीसाठी २६४०, बाजरीसाठी २१५०, मक्यासाठी १८५०, तर रागीसाठी ३२९५ रुपये हमीभाव निश्‍चित केला आहे. त्यानुसार खरेदी होईल. ऑनलाइन नोंदणी बाबतच्या सूचना लवकरच शेतकऱ्यांना देण्यात येतील.

-विवेक इंगळे, जिल्हा मार्केटिंग अधिकारी, नाशिक.

खासगी बाजारात सद्या मक्याला अल्प भाव मिळत आहे. आता हमीभाव खरेदी सुरु करण्यास परवानगी मिळाली. १ नोव्हेंबरला खरेदी सुरू होणार आहे. मका,बाजरी पिकाची सातबारा उता-यावर ऑनलाइन नोंद, ८ अ उतारा, आधारकार्ड झेरॉक्स बॅक पासबुक झेरॉक्सची पूर्तता शेतकऱ्यांनी करावी.
-बाबा जाधव, व्यवस्थापक, खरेदी विक्री संघ, येवला


इतर ताज्या घडामोडी
पांगरीत पीक विमा कंपनीचे प्रतिनिधी फोन...पांगरी, ता. बार्शी ः पीक नुकसानीची तक्रार...
जोरदार पावसाने जेवळी परिसरात तलाव भरले जेवळी, जि. उस्मानाबाद : जेवळी व परिसरात दोन- तीन...
कुसुंबामध्ये शंभर क्विंटल कांदा चाळीतून...कुसुंबा, जि. धुळे ः कुसुंबा येथील शेतकरी सुभाष...
पीकविम्याप्रश्‍नी केंद्र सरकार म्हणणे...उस्मानाबाद : गेल्या वर्षी पीकविमा कंपन्यांनी...
गिरणा पट्ट्यात ओला दुष्काळ जाहीर कराभडगाव/पाचोरा, जि. जळगाव : तालुक्यात अतिवृष्टीमुळे...
हिंगोली जिल्ह्यात बासष्ट हजार क्विंटलवर...हिंगोली ः जिल्ह्यात यंदाच्या (२०२१-२२) रब्बी...
साठा मर्यादा निर्णयाची  राज्यात... हिंगणघाट, जि. वर्धा :  केंद्र सरकारने गरज...
`ई-पीक पाहणी चौदा ऑक्टोबरपर्यंत पूर्ण...नाशिक : ‘‘शेतकऱ्यांच्या सहभागाने मोबाईल ॲपच्या...
भारनियमन केले जाणार नाही; वीजनिर्मिती...मुंबई : कोळसा टंचाईमुळे राज्यातील वीजनिर्मिती कमी...
पीक पेरा नोंदणीत नांदेड मराठवाड्यात...नांदेड : ‘‘ई पीक पाहणी कार्यक्रमांतर्गत...
मराठवाड्यात ओला दुष्काळ जाहीर करून...औरंगाबाद : मराठवाड्यात ओला दुष्काळ जाहीर करून...
गूळ सौदे बंदचे विघ्न कोल्हापुरात कायमकोल्हापूर : गुळाच्या बॉक्सचे वजन सौद्यात धरले...
वाशीम जिल्ह्यात नुकसानग्रस्तांना ६.७७...वाशीम : जिल्ह्यात यंदा मार्च, एप्रिल आणि मे या...
संकरित वाणाची होणार सधन पद्धतीने लागवड  नागपूर : सरळ वाणाचा उपयोग करून कापसाची...
द्राक्षबागेत फळछाटणीनंतर उडद्या...द्राक्ष बागेत ऑक्टोबर फळछाटणीनंतर उडद्या...
झेंडू, शेवंतीच्या फुलांना पुण्यात मागणी...पुणे ः फुलांना विशेष मागणी असणारा दसरा सण अवघ्या...
`कुरनूर’मधून २१०० क्युसेकचा विसर्गसोलापूर ः अक्कलकोट तालुक्यातील कुरनूर मध्यम बोरी...
सोलापूर जिल्हा दूध संघावरील प्रशासकाची...सोलापूर ः सोलापूर जिल्हा सहकारी दूध उत्पादक...
कापूस वेचणीचा खर्च सात रुपये प्रतिकिलोजळगाव ः खानदेशात पावसामुळे पिकांची हानी सुरूच आहे...
खानदेशात एकच केळी दर जाहीर करावाजळगाव ः खानदेशात केळीचे वेगवेगळे दर रोज जाहीर...