Agriculture news in marathi, Safflower is cultivated on only seven hundred and fifty acres in Akola district | Agrowon

अकोला जिल्ह्यात करडईची साडेसातशे एकरांवरच लागवड

टीम अॅग्रोवन
शनिवार, 27 नोव्हेंबर 2021

अकोला ः तेलवाण वर्गीय पिकांचे उत्पादन वाढविण्यासाठी यंदाच्या रब्बी हंगामात महाज्योत अभियानामार्फत विदर्भात काही प्रमुख जिल्ह्यात करडई लागवडीचे नियोजन करण्यात आले होते.

अकोला ः तेलवाण वर्गीय पिकांचे उत्पादन वाढविण्यासाठी यंदाच्या रब्बी हंगामात महाज्योत अभियानामार्फत विदर्भात काही प्रमुख जिल्ह्यात करडई लागवडीचे नियोजन करण्यात आले होते. हा प्रकल्प अकोला जिल्ह्यात सुमारे पाच हजार एकरांवर राबविला जाणार होता. मात्र, याला पहिल्याच वर्षात शेतकऱ्यांकडून फारसा प्रतिसाद मिळाला नाही. त्यामुळे जेमतेम साडेसातशे एकरांपर्यंत लागवड पोचल्याचा अंदाज आहे.

तेलबिया उत्पादन व प्रक्रीया प्रकल्प विदर्भात सुमारे १५ हजार हेक्टरवर राबवला जात आहे. याद्वारे शेतकऱ्यांनी काढलेले उत्पादन हमी भावाने परत घेण्याची तरतूद सुद्धा करण्यात आली. सोबतच शेतकऱ्यांना प्रोत्साहन म्हणून अनुदानही दिले जात होते.

राज्य, देशात सध्याच्या काळात तेलबिया उत्पादन व प्रक्रीया क्षेत्रात मोठी संधी मानली जाते. शासनाच्या खाद्यतेल धोरणाला अनुसरून नागपूर येथील महात्मा ज्योतिबा फुले संशोधन व प्रशिक्षण संस्थे (महाज्योती) मार्फत इतर मागासवर्गीय, विमुक्त भटक्या जाती जमाती आणि विशेष मागास प्रवर्गातील नॉन क्रिमीलेअर गटातील शेतकऱ्यांसाठी हा करडई उत्पादनाचा प्रकल्प तयार करण्यात आला होता.  त्यासाठी अकोला, बुलडाणा, वाशीम, अमरावती, वर्धा, नागपूर, गडचिरोली आणि चंद्रपूर या जिल्ह्यांचे तीन क्लस्टर तयार करण्यात आले.  याला डॉ. पंजाबराव देशमुख कृषी विद्यापीठातील तेलबिया संशोधन केंद्राने तांत्रिक मार्गदर्शन केले. 

प्रकल्पात सहभागी झालेल्या शेतकऱ्यांना करडई पीक घेण्यासाठी प्रोत्साहन, सहभागी शेतकऱ्यांना महाज्योतीमार्फत बियाण्याचा मोफत पुरवठा, इतर कामांसाठी डीबीटीद्वारे एकरी २२०० रुपये थेट खात्यात, यंत्रांच्या साह्याने करडईची काढणी, उत्पादित माल हमीभावाने खरेदीची खात्री, असे पाठबळही दिले जात होते. बाजारपेठेत त्यावेळी जर वाढीव दर असेल तर तो देण्याची हमी होती. या शिवाय करडईची खरेदी, वाहतूक, साठवण, तेल काढणे, ग्रेडिंग, पॅकेजिंग ‘महाज्योती’मार्फत केली जाणार आहे. 

प्रकल्पाला पहिल्या वर्षात यश न मिळण्यास पीक काढण्याची उपलब्ध नसलेली साधनसामुग्री, उत्पादित मालाचा दर, यंत्रणांकडून शेतकऱ्यांपर्यंत पोचण्यात झालेली चालढकल जबाबदार असल्याचे सांगितले जाते. प्रकल्पासाठी ३० सप्टेंबरपर्यंत नावनोंदणीची मुदत देण्यात आली होती. त्यानंतरही ऑफलाइन पद्धतीनेही काही अर्ज घेतले गेले. तरीही उद्दिष्ट गाठता आले नाही.


इतर बातम्या
Top 5 News: रशिया-युक्रेन संघर्षाचा...1. सध्या पंजाबपासून झारखंडपर्यंत हवेचा कमी दाबाचा...
मोहरीच्या वायदेवापसीची मागणी का होतेय?वायदेबंदीला विरोध वाढतो आहे. मोहरीचे वायदे पुन्हा...
देशाची मोहरी क्रांतीकडे वाटचालपुणेः खाद्यतेल आणि पेंडच्या दरातील तेजीमुळे...
उत्तर भारतात मोहरी,हरभऱ्याला अवकाळीचा...अवकाळी पाऊस आणि वादळी वाऱ्यामुळे उत्तर भारतातील...
रब्बी पेरणीत मक्याचे वर्चस्ववृत्तसेवा - चालू रब्बी हंगामात (Rabbi Season...
कृषी ड्रोन खरेदीसाठी केंद्र सरकारचे...  कृषी क्षेत्रातील ड्रोनच्या (drone )...
यंदाच्या हंगामात इथेनॉलचा पुरवठा...वृत्तसेवा - इंधनाच्या आयातीवरील (Fuel Import)...
मस्त्यव्यावसायिकांनी शास्त्रशुद्ध...मस्त्यव्यवसाय क्षेत्राने देशांतर्गत गरजा...
भारत ठरला काकडीचा सर्वात मोठा...पुणे - भारत जगात काकडीची (Cucumber) निर्यात (...
किमान तापमानात घट शक्य पुणे : अरबी समुद्रावरून वाहणाऱ्या बाष्पयुक्त...
जागतिक बाजारपेठेत कच्च्या  साखरेच्या...कोल्हापूर : जागतिक बाजारपेठेत कच्च्या साखरेच्या...
आखाती देशातून आले धुळीचे वादळ पुणे : आखाती देशातून वाहणारे धुळीचे वादळ...
इंडोनेशिया पामतेल  निर्यात कमी करणार पुणे ः जागतिक पातळीवर खाद्यतेलाची मागणी वाढल्याने...
कार्बन कमी करण्यासाठी  बांबू लागवड हाच...पुणे ः पृथ्वीवरील कार्बनचे वाढते प्रमाण ही गंभीर...
पतपुरवठा सोसायट्यांसाठी  शिखर बॅंकेचे...पुणे ः राज्याच्या कृषी पतपुरवठा व्यवस्थेत मोलाची...
सरकारच्या उपाययोजनांनंतरही  शेतकरी...नागपूर : राज्यात शेतकरी आत्महत्यांचे सत्र सुरूच...
आत्महत्या नियंत्रणासाठी धोरणात्मक...चंद्रपूर : शेतकऱ्यांना स्वावलंबी करुन पाठबळ...
सीड पार्कचा प्रकल्प आराखडा तयार नागपूर : दर्जेदार बियाणेनिर्मिती सोबतच बियाणे...
जैव उत्तेजक उत्पादने  नोंदणीचा घोळात...पुणे ः राज्यातील जैव उत्तेजकांच्या यादीतील...
कृषी योजनांसाठी अर्जांचा ओघ सुरुचनगर ः कृषी यांत्रिकीकरण उपअभियान, सिंचन साधने व...