Agriculture news in marathi Sales of fruits, vegetables in Marathwada for over 81 thousand kg | Agrowon

मराठवाड्यात फळे, भाजीपाल्याची ८१ हजार किलोवर विक्री

टीम अॅग्रोवन
मंगळवार, 7 एप्रिल 2020

औरंगाबाद : ८१ हजार ४३४ किलो फळे-भाजीपाला विक्रीतून जवळपास २० लाख २८ हजार २२५ रुपयांची उलाढाल झाल्याची माहिती जिल्हा अधीक्षक कृषी अधिकारी डॉ. तुकाराम मोटे यांनी दिली. ​

औरंगाबाद : एकीकडे दररोज सकाळीच भरणाऱ्या किरकोळ भाजीपाला-फळे विक्री बाजारात गर्दी घटण्याचे नाव घेत नाही. दुसरीकडे शेतकऱ्यांच्या थेट फळे भाजीपाला विक्रीच्या उपक्रमाला नागरिकांनी जोरदार प्रतिसाद दिला आहे. हा उपक्रम ग्राहकांच्या पसंतीस पडला असल्याची स्थिती आहे. ८१ हजार ४३४ किलो फळे-भाजीपाला विक्रीतून जवळपास २० लाख २८ हजार २२५ रुपयांची उलाढाल झाल्याची माहिती जिल्हा अधीक्षक कृषी अधिकारी डॉ. तुकाराम मोटे यांनी दिली. ​

संचारबंदीच्या काळात नागरिकांना उत्तम दर्जाचा भाजीपाला व फळे घरपोच वाजवी दरात मिळावी म्हणून जिल्हाधिकाऱ्यांच्या मार्गदर्शनाखाली कृषी विभागातर्फे २९ मार्चपासून शेतकरी ते ग्राहक फळे व भाजीपाला विक्रीचा उपक्रम सुरू करण्यात आला. या उपक्रमात सहभागी होऊ इच्छिणाऱ्या शेतकरी, शेतकरी गट व शेतकरी उत्पादक कंपन्यांनी कृषी विभागाच्या आवाहनाला उत्तम प्रतिसाद दिला. सुरुवातीला जवळपास तेवीस शेतकरी व शेतकरी गटांनी सुरू केलेला उपक्रम आता ४७ शेतकरी व शेतकरी गटांपर्यंत पोहोचला आहे. 

रविवारी (ता. ५) या उपक्रमांतर्गत सर्वाधिक २३ शेतकरी गटांनी एकाच दिवशी आपल्याकडील उत्पादित फळे व भाजीपाल्याची थेट ग्राहकांना घरपोच विक्री केली.

‘कोरोना’च्या पार्श्वभूमीवर आवश्यक ती सर्व खबरदारी घेऊन ग्राहकांना वाजवी दरात फळे, भाजीपाला विक्री करण्यात येत आहेत. त्यामुळे एकीकडे बाजारात होणारी गर्दी पाहता असे उपक्रम केवळ शेतकरी हितामुळेच नव्हे, तर गर्दी टाळण्यासाठी व्यापक स्तरावर राबविण्याची गरज आहे. रविवारी एकाच दिवशी जवळपास ४ लाख ७५ हजार ८१० रुपयांच्या फळे - भाजीपाला विक्रीची उलाढाल झाली. एकाच दिवसात जवळपास ८८९३ भाजीपाला, तर १० हजार चार किलो फळे शेतकऱ्यांनी थेट ग्राहकांपर्यंत पोचविली. 

२० लाख २८ हजार २२५ रुपयांची उलाढाल

कृषी विभागाच्या माहितीनुसार, २९ मार्चपासून सुरू झालेल्या या उपक्रमांतर्गत ५ एप्रिलपर्यंत ३५ हजार ३०८ किलो भाजीपाला, तर ४६ हजार १२६ किलो फळे शेतकऱ्यांनी थेट ग्राहकांना विक्री केली. ८१ हजार ४३४ किलो फळे-भाजीपाला विक्रीतून जवळपास २० लाख २८ हजार २२५ रुपयांची उलाढाल झाल्याची माहिती जिल्हा अधीक्षक कृषी अधिकारी डॉ. तुकाराम मोटे यांनी दिली. 
 


इतर ताज्या घडामोडी
संतुलित खत व्यवस्थापनावर द्या भरमाती परीक्षणानुसार जमिनीमध्ये उपलब्ध...
सिंधुदुर्गात पावसाचा जोर ओसरला सिंधुदुर्ग : जिल्ह्याला बुधवारी (ता.३) वादळी...
दापोली, मंडणगडमध्ये बागांना फटकारत्नागिरी : निसर्ग चक्रीवादळाचा सर्वाधिक तडाखा...
नगर जिल्ह्यात ‘निसर्ग'चा शेतीपिकांना...नगर : कोकण आणि मुंबईला तडाखा देणारे निसर्ग...
पुणे जिल्ह्यात ‘निसर्ग’चे थैमान पुणे : निसर्ग चक्रीवादळाने बुधवारी (ता.३)...
नाशिक जिल्ह्यात चक्रीवादळामुळे...नाशिक : निसर्ग चक्रीवादळाने जिल्ह्यात दुपारनंतर...
सुधारित तंत्राने शेवगा लागवडशेवग्याची लागवड करताना दोन झाडांतील व ओळीतील...
वेलीचा वाढता जोम नियंत्रणात ठेवण्याकडे...द्राक्षबागेत गेल्या दोन दिवसापासून वातावरण...
कोरडवाहू शेतीसाठी आंतरपीक पद्धती...महाराष्ट्र राज्यात कोरडवाहू शेतीचे जवळपास ८५...
फळबागांमध्ये घ्या फुलांचे आंतरपीकफळपिकांच्या लागवडीमध्ये आंतरपीक घेणे हा एक चांगला...
मांडा ग्रामपंचायतीचे वार्षिक अंदाजपत्रकआपल्या गावाचा ग्रामविकास आराखडा आपण सर्वांनी...
नाशिकमध्ये दोडका ३३३५ ते ४५८५ रुपये...नाशिक : येथील कृषी उत्पन्न बाजार समितीमध्ये...
कापूस सल्ला कोरडवाहू पिकाकरिता तीन वर्षातून एकदा खोल...
राज्यात टोमॅटो ५०० ते २५०० रूपये...सांगलीत १ हजार ते १२५० रूपये दर सांगली  ः...
स्वामीनाथन सूत्रानुसार हमीभाव दिल्याचा...नाशिक: स्वामीनाथन सुत्राप्रमाणे उत्पादन खर्च...
उस्मानाबाद, लातूर, बीडमध्ये पावसाचा जोर औरंगाबाद : मराठवाड्यातील पाच जिल्ह्यात बुधवारी (...
नगरच्या ४० महसूल मंडळांत जोरदार पाऊसनगर : जिल्ह्यात सलग तिसऱ्या दिवशी बुधवारी (ता.३)...
परभणी, नांदेड, हिंगोलीत पावसामुळे कापूस...परभणी : परभणी, नांदेड, हिंगोली जिल्ह्यात गेल्या...
बुलडाण्यात पीककर्जाचे ७ टक्केच वाटप बुलडाणा : पावसामुळे शेतकऱ्यांनी पेरणीच्या...
कोल्हापूर जिल्ह्यात दिवसभर संततधार...कोल्हापूर : जिल्ह्यात दिवसभर संततधार पाऊस सुरूच...