agriculture news in Marathi samrudhhi will be open in 2022 Maharashtra | Agrowon

`समृद्धी` २०२२ मध्ये खुला होणार

टीम अॅग्रोवन
रविवार, 11 ऑक्टोबर 2020

मुंबई ते नागपूर समृद्धी महामार्ग प्रकल्पात १९ कृषी समृद्धी केंद्रांचा (नवनगरे) विकास करण्यात येणार आहे. यासाठी महाराष्ट्र राज्य रस्ते विकास महामंडळाकडून (एमएसआरडीसी) १९ पैकी ८ कृषी समृद्धी केंद्रांचा आराखडा तयार करण्यात आला आहे.

मुंबई: मुंबई ते नागपूर समृद्धी महामार्ग प्रकल्पात १९ कृषी समृद्धी केंद्रांचा (नवनगरे) विकास करण्यात येणार आहे. यासाठी महाराष्ट्र राज्य रस्ते विकास महामंडळाकडून (एमएसआरडीसी) १९ पैकी ८ कृषी समृद्धी केंद्रांचा आराखडा तयार करण्यात आला आहे. त्यानुसार पुढील वर्षी जूनपासून ८ पैकी ६ केंद्रांची जमीन संपादनाची प्रक्रिया पूर्ण होईल आणि त्यानंतर त्यांच्या विकासाला सुरुवात होईल, अशी माहिती महाराष्ट्र राज्य रस्ते विकास महामंडळाचे उपाध्यक्ष तथा व्यवस्थापकीय संचालक राधेश्याम मोपलवार यांनी दिली. 

तसेच सध्या समृद्धी महामार्गाचे बांधकाम वेगात सुरु असून १ मे २०२२ पर्यंत हा महामार्ग वाहतुकीसाठी खुला असेल, अशी माहितीही त्यांनी दिली.

मुंबई ते नागपूर ७०१ कि.मी.चा समृद्धी महामार्ग बांधणीचे काम वेगात सुरु आहे. या प्रकल्पाचे ४० टक्के काम पूर्ण झाले आहे. यातील पहिला ५०० कि.मी.चा नागपूर ते शिर्डी हा टप्पा येत्या मे महिन्यात होणार आहे. तर संपूर्ण मार्ग मे २०२२ पर्यंत सुरु होणार आहे. हा प्रकल्प पूर्णत्वाच्या दिशेने जात असताना आता ‘एमएसआरडीसी’ने या प्रकल्पातील कृषी समृद्धी केंद्रांच्या कामाला वेग दिला आहे.

या प्रकल्पात मोठ्या प्रमाणावर शेतकऱ्यांची जमीन संपादित करण्यात येणार आहे. तर या मार्गालगतच्या परिसराचा विकास करण्याचा निर्णय झाला आहे. त्यासाठीच १९ कृषी समृद्धी केंद्रे उभारण्यात येणार आहेत. सिडकोप्रमाणे ‘एमएसआरडीसी’ नियोजन प्राधिकरण म्हणून १९ केंद्रांचा विकास करणार आहे. 

टाऊनशिपसाठी शेतकऱ्यांच्या जमिनी संपादित करण्यात येणार आहेत. या जमिनीवर शाळा, रस्ते, गार्डन, समाज मंदिर, वीज, पाणी, निवासी-व्यावसायिक जागा अशा बाबी विकसित केल्या जाणार असल्याची माहिती त्यांनी दिली. पहिल्या टप्प्यात वर्ध्यातील विरुल आणि केलझार, बुलडाण्यातील सावरगाव, मेहकर, औरंगाबादमधील हडस पिंपळगाव, घाईगव, बबतारा आणि ठाण्यातील फुलगाळे या ८ केंद्रांचा आराखडा तयार करण्यात आला आहे. 

या १९ कृषी समृद्धी केंद्रांमुळे समृद्धी महामार्गालगतच्या परिसराचा चेहरा-मोहरा बदलणार आहे. हा परिसर कृषी आणि उद्योग हब बनणार असल्याचा दावा यानिमित्ताने केला जात आहे.

सहा केंद्रांसाठी भू-संपादन सुरु
पहिल्या टप्प्यातील ८ केंद्रांपैकी ६ केंद्रांसाठी जमीन संपादनाचे काम सुरु आहे. याबाबत शेतकऱ्यांशी बोलणी-चर्चा सुरु आहे. त्यांना योग्य आणि चांगला मोबदला देण्यात येत आहे. तर शेतकरीही या प्रकल्पाला होकार देत आहेत. ६० ते ७० टक्के जमीन संपादन लवकरच होण्याची शक्यता आहे. १०० टक्के संपादन जून २०२१मध्ये पूर्ण होईल, असे सांगण्यात आले. शेतकऱ्यांची संमती, त्यांना विश्वासात घेतल्याशिवाय शेतकऱ्यांच्या जमिनी संपादित केल्या जाणार नाहीत, असे त्यांनी स्पष्ट केले आहे.

   समृद्धी महामार्ग दृष्टिक्षेपात

  • ७०१ किलो मीटर लांबीचा द्रुतगती महामार्ग 
  • दहा जिल्हे, २६ तालुके आणि ३९२ गावांना जोडणार
  • नागपूर आणि मुंबई अंतर ८ तासांत पूर्ण करता येणार
  • महामार्गावर १९ ठिकाणी कृषी समृद्धी केंद्रे उभारणार
  • ५५ हजार ३३२ कोटी रुपये खर्च अपेक्षित

पहिल्या टप्प्यातील कृषी समृद्धी केंद्रे
विरुलः
वर्धा
केलझारः वर्धा
सावरगावः बुलडाणा
मेहकरः बुलडाणा
हडस पिंपळगावः औरंगाबाद
घाईगावः औरंगाबाद
बबताराः औरंगाबाद
फुलगाळेः ठाणे

दुसऱ्या टप्प्यातील कृषी समृद्धी केंद्रे
हिंगणाः
नागपूर
धामणगावः अमरावती 
नांदगावः अमरावती
कारंजाः वाशीम
मंगळूरपीरः वाशीम
मालेगावः वाशीम
जामवाडीः जालना
सावली विहारः नगर
कासगावः ठाणे
लेनाडः ठाणे
मौजे चिंचवली: ठाणे


इतर ताज्या घडामोडी
शेतीमाल, दुग्धजन्य पदार्थ निर्यात...पुणे : कृषी व प्रक्रियायुक्त अन्न उत्पादन निर्यात...
बुडताना दिसले अन् काही क्षणांत दिसेनासे...वरुड, जि. अमरावती : डोळ्यांसमोर सारे बुडताना दिसत...
‘जनधन’मुळे मदत गरजूंपर्यंत : केंद्रीय...औरंगाबाद : जनधन, आधार आणि बँक खात्याशी मोबाईल...
पूर्वसूचना अर्ज भरण्यासाठी निलंग्यात...निलंगा, जि. लातूर : ऑफलाइन पद्धतीने विमा कंपनीस...
शेतकऱ्यांसाठी महावितरणने हप्ते बांधून...पुणे : कोरोनामुळे महावितरण कंपनीवरही आर्थिक ताण...
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....