जळगाव जिल्ह्यात वाळूउपसा पुन्हा सुरू होणार

वाळू चांगली मिळते, म्हणून गिरणा नदीतील वाळू गटांच्या लिलावावर प्रशासनाचा अधिक भर असतो. परंतु, यामुळे गिरणाकाठ कोरडाठाक झाला आहे. विहिरी, कूपनलिका आटल्या आहेत. शेती संकटात सापडली आहे. याचा विचारही प्रशासनाने करावा. - संजय चौधरी, शेतकरी, खेडी खुर्द (जि. जळगाव)
जळगाव जिल्ह्यात वाळूउपसा पुन्हा सुरू होणार

जळगाव : जिल्ह्यात सहा महिन्यांपासून बंद असलेला वाळूउपसा सुरू होण्याचे संकेत आहेत. वाळू गटाचे लिलाव जिल्हा प्रशासनाने सुरू केले आहेत. एकूण २१ वाळू गटांचे लिलाव ऑनलाइन पद्धतीने करण्यात आले. त्यात पाच वाळू गटांच्या निविदांना प्रतिसाद मिळाल्याने त्या गटातून वाळूउपसा करण्याबाबत लवकरच आदेश निघतील. तब्बल सोळा वाळू गटांचे लिलाव आता पुन्हा काढले जातील. परंतु, वाळूउपशामुळे शिवारांत पाणीपातळी खालावत आहे. याचा फटका शेतकऱ्यांना बसत असून हा उपसा बंद करण्याची शेतकऱ्यांची मागणी आहे. 

जोगलखेडे (ता. भुसावळ),  कुरुंगी (ता. पाचोरा), मौजे बेलव्हाय-१ (ता. भुसावळ), बेलव्हाय-२ (ता. भुसावळ),  बेलव्हाय-२ (ता. भुसावळ) येथील वाळू गटांचे लिलाव झाले. पाचही वाळू गटांची एकत्रित अपसेट प्राइस १ कोटी ८९ लाख ३२ हजार ६३८ एवढी होती. त्याला ३ कोटी ३६ लाख ७६ हजार ३८० एवढी किंमत ठेकेदारांनी दिली. स्पर्धेच्या युगात अपसेटपेक्षा तब्बल सव्वापट रक्कम वाळू ठेकेदारांनी दिली. कुरंगी येथील ठेका गिरणा नदीच्या पात्रात, तर इतर चार ठिकाणचे ठेके वाघूर नदी पात्रात आहेत. 

संबंधित ठेकेदारांना अनामत रक्कम भरण्यास सांगण्यात आले. ती भरल्यानंतर ठेक्‍याची रक्कम भरण्यास सांगून त्यांना वाळू गटातून वाळू उपशास परवानगी दिली जाणार आहे. ही प्रक्रिया सुरू होत असतानाच शेतकऱ्यांमधूनही नाराजी व्यक्त होत आहे. गिरणा, तापीकाठीदेखील पाणीटंचाई वाढू लागली आहे. प्रशासन महसुलाचा विचार करते, पण शिवाराचा, पिकांच्या सिंचनाचा विचार का करीत नाही, असा शेतकऱ्यांचा प्रश्‍न आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com