Agriculture news in Marathi In Sangli district, 50% grape pruning was completed | Page 3 ||| Agrowon

सांगली जिल्ह्यात ५० टक्के द्राक्ष फळछाटणी उरकली

टीम अॅग्रोवन
शनिवार, 23 ऑक्टोबर 2021

जिल्ह्यात द्राक्ष पिकाच्या फळछाटणीची गती वाढली आहे. पन्नास टक्के फळछाटणी झाली असून, जत तालुक्यात नोव्हेंबरमध्ये छाटणी सुरू होईल, अशी माहिती द्राक्ष बागायतदार संघाने दिली.

सांगली : जिल्ह्यात द्राक्ष पिकाच्या फळछाटणीची गती वाढली आहे. पन्नास टक्के फळछाटणी झाली असून, जत तालुक्यात नोव्हेंबरमध्ये छाटणी सुरू होईल, अशी माहिती द्राक्ष बागायतदार संघाने दिली.

जिल्ह्यात द्राक्षाचे सरासरी सव्वा लाख एकर क्षेत्र आहे. जिल्ह्यामध्ये मिरज पूर्व भाग, आटपाडी या भागांत आगाप फळछाटणी घेतली जाते. सप्टेंबर महिन्याच्या दुसऱ्या आठवड्यापर्यंत पावसाची रिमझिम आणि बदलत्या वातावरणामुळे द्राक्ष उत्पादक शेतकऱ्यांनी फळ छाटणी थांबवली होती. त्यानंतर जिल्ह्यातील मिरज आटपाडी आणि वाळवा तालुक्यातील शेतकऱ्यांनी फळ छाटणीस सुरुवात केली. 

वास्तविक पाहता आगाप छाटणीकडे शेतकऱ्यांचा कल असतो. मात्र या वर्षी शेतकऱ्यांनी फळ छाटणी न करता टप्प्याटप्प्याने छाटणी सुरुवात केली आहे. त्यामुळे छाटणीचे काटेकोर नियोजन होत असल्याचे चित्र आहे. गेल्या सप्टेंबरमध्ये छाटणी केलेल्या द्राक्षांना ४० दिवसांहून अधिक कालावधी झाला आहे. सध्या या भागात फुलोरा अवस्थेत आहेत. तर काही ठिकाणी वांझ, फूट काढण्याची कामे शेतकरी करू लागला आहे. 

सध्या द्राक्ष पिकास पोषक असे वातावरण आहे. त्यामुळे शेतकऱ्यांना दिलासा मिळाला आहे. जिल्ह्यात साठ हजार मजूर असल्याने मजुरांची टंचाई भासत नाही. प्रत्येक भागामध्ये द्राक्ष पिकाचे वेगळे चित्र दिसते. पुढच्या पंधरा दिवसांपासून विरळणीचे करण्याचे काम सुरू होईल. पाऊस चांगला झाल्याने जिल्ह्यातील सर्व भागांत पाण्याची उपलब्धता असल्याने द्राक्ष पिकास पाणी कमी पडणार नाही. या महिना अखेर ८० टक्के छाटणी पूर्ण होईल.

जतमध्ये पुढील महिन्यात छाटणीस प्रारंभ
जत तालुक्यात प्रामुख्याने बेदाणा केला जातो. या भागात परतीचा पाऊस होतो. यामुळे द्राक्षाचे नुकसान होऊन होऊ नये यासाठी नोव्हेंबरच्या दुसऱ्या आठवड्यापासून द्राक्ष फळछाटणी शेतकरी नियोजन करतात. यंदाही नोव्हेंबरच्या दुसऱ्या आठवड्यापासून फळछाटणी सुरुवात होईल.;

या वर्षी उशिरा सुरू झाली आहे. सध्या पिकास पोषक वातावरण असल्याने आगाप फळ छाटणी घेतलेल्या बागेतील गर्भधारणा चांगल्या प्रकारे झाली आहे. आगाप घेतलेल्या फळछाटणी बागा घेतलेल्या फुलोरा अवस्थेत आहे.
- सुभाष आर्वे, माजी अध्यक्ष,
महाराष्ट्र राज्य द्राक्ष बागायतदार संघ


इतर बातम्या
मेंढ्यांच्या संरक्षणासाठी लवकरच योजना ...सुपे, जि. पुणे ः पावसाची संततधार, अतिवृष्टी व...
शेतकऱ्यांनी करून दाखवलं : डॉ. गौहर रझा नाशिक : नव्या भारताचे स्वप्न साकारण्यासाठी शेतकरी...
द्राक्ष पीकविमा योजना  विभागनिहाय...नाशिक : दोन दिवसांपासून राज्यात झालेल्या...
सोयाबीन दरातील सुधारणा  आठवड्याच्या...पुणे ः चालू आठवड्यात बुधवारनंतर सोयाबीन दरात...
‘जवाद’ चक्रीवादळाची  तीव्रता कमी होणारपुणे : बंगालच्या उपसागरातील ‘जवाद’ चक्रीवादळ...
दर्जेदार कृषी विद्यापीठांत  राज्याला...पुणे ः देशातील पहिल्या २० दर्जेदार कृषी...
पुणे जिल्ह्यात १,२४५ ‘विकेल ते पिकेल’...पुणे : शेतीमालाला केवळ हमीभाव नाही तर हमखास भाव...
पुणे जिल्ह्यात धरणांत एक टीएमसी...पुणे : जिल्ह्यात दोन दिवसांपासून धुमाकूळ...
कोल्हापूर जिल्हा बँकेसाठी ३६८...कोल्हापूर : कोल्हापूर जिल्हा बॅंकेच्या...
सांगली जिल्ह्यातील नुकसानग्रस्त पिकांचे...सांगली : जिल्ह्यामध्ये दोन दिवसांपूर्वी मुसळधार...
सांगली जिल्हा बँकेच्या उपाध्यक्ष पदाची...सांगली ः जिल्हा बँकेत अध्यक्षपदी आमदार मानसिंगराव...
नंदुरबार : पशुसंवर्धन विभागाच्या...नंदुरबार : पशुसंवर्धन विभागामार्फत सन २०२१-२२ या...
नंदुरबार : रब्बीचे अनुदानित बियाणे...नंदुरबार : कृषी विभागाच्या राष्ट्रीय अन्नसुरक्षा...
खानदेशात मका लागवड घटणार  गहू, बाजरीची...जळगाव ः खानदेशात मका लागवड घटेल, असे संकेत आहेत....
नांदेड जिल्ह्यात नुकसानीच्या मदतीचे...नांदेड : अतिवृष्टिग्रस्त शेतकऱ्यांना मदतीसाठी...
नगर जिल्ह्यात रब्बी पेरणी पोहोचली ३१...नगर ः रब्बी हंगामातील बहुतांश पिकांच्या पेरणीचा...
सातारा जिल्ह्यात मॉन्सूनोत्तर पावसाचा...सातारा ः जिल्ह्यात शुक्रवारी (ता.३) पावसाचा जोर...
रब्बी, उन्हाळी हंगामांत पिकांखालील...वर्धा : या वर्षी पाऊस लांबल्याने प्रकल्पांमध्ये...
सोलापूर :शेतकऱ्यांना दुधाळ गाई,...सोलापूर : पशुसंवर्धन विभागामार्फत दुधाळ गाई-...
वीज प्रश्‍नांवर सकारात्मक तोडगा काढणार...वाशीम : जिल्ह्यात विजेची समस्या दिवसेंदिवस गंभीर...