सांगली जिल्ह्यात रब्बीतील पिकांची ६७ हजार हेक्टरवर पेरणी

सांगली जिल्ह्यात रब्बीतील पिकांची ६७ हजार हेक्टरवर पेरणी
सांगली जिल्ह्यात रब्बीतील पिकांची ६७ हजार हेक्टरवर पेरणी

सांगली : ऑक्टोबरच्या शेवटच्या आठवड्यापर्यंत मॉन्सूनोत्तर पाऊस होता. त्यानंतर शेतात पाणी साचले असल्याने रब्बी हंगामातील पिकांची पेरणी रखडली. मात्र, गेल्या आठ ते दहा दिवसांपासून जिल्ह्यात पेरणीस सुरवात झाली आहे. आत्तापर्यंत ६७ हजार हेक्टरवर पेरणी झाली आहे. सर्वाधिक जत तालुक्यात, तर कमी पेरणी पलूस तालुक्यात झाली आहे.

जिल्ह्यात ऑगस्ट महिन्यात महापूर आला. त्यानंतर परतीचा पाऊस झाला. पुन्हा मॉन्सूनोत्तर पावसाने हजेरी लावली. यामुळे शेतात पाणी साचून राहिले. परिमाणी खरीप हंगामातील पिकाची काढणी रखडली. ती अंतिम टप्प्यात आहे. दुष्काळी पट्ट्यात मुरमाड जमिन असल्याने जत, आटपाडी, कवठेमहांकाळ या तालुक्यात पेरणी झाली आहे.

प्रामुख्याने या तालुक्यात मका, ज्वारी शेतकऱ्यांनी पेरली आहे. जिल्ह्याचे रब्बी हंगामातील सरासरी क्षेत्र २ लाख ५१ हजार ४९८ हेक्टर इतके असून, ६७ हजार ४३४ पेरा झाला आहे. वाळवा, पलूस, शिराळा, कडेगाव तालुक्यांत कसदार जमिनीमध्ये पाणी साचून राहिले होते. त्यामुळे अजूनही वाफसा आलेला नाही. पिकांच्या पेरणीसाठी अद्यापही मशागत झालेली नाही. या भागात अजूनही शेतात पिके उभी आहेत. त्यामुळे रब्बीतील पेरणीसाठी शेतीची मशागत कशी करणार, असा प्रश्न शेतकऱ्यांसमोर आहे. त्यामुळे रब्बीतील पिकांच्या पेरणीसाठी विलंब होणार असल्याचे चित्र आहे. ही पेरणी शंभर टक्के पूर्ण होईल का, हा प्रश्न आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com