सांगली ः कोरोना विषाणूमुळे गेल्या दोन महिन्यांपासून पशुधनांना लसीकरण देण्याचे काम थांबले होते. जून महिन्यात शासनाने नियम शिथिल केले आहे. त्यामुळे जिल्हा परिषदेच्या पशुसंर्वधन विभागाने पशुधनांना घटसर्प, फऱ्या, आंत्रविषारचे मॉन्सूनपूर्व लसीकरण पूर्ण केले आहे आहे, अशी माहिती संबंधित विभागाच्या सूत्रांनी दिली.
जिल्ह्यातील १३ लाख १७ हजार ८६६ जनावरांची संख्या आहे. जिल्ह्यात जिल्हा परिषद पशुवैद्यकीयचे १०३ दवाखाने असून पशुधन उपायुक्त कार्यालयाचेही दखावाने आहेत. गाई, म्हैशी व शेळ्या-मेंढ्या यांना घटसर्प, फऱ्या यांसह अन्य साथीच्या रोगांचा प्रादुर्भाव होऊ नये म्हणून मार्च, एप्रिल आणि मे महिन्यात पशुधनाचे पशुवैद्यकीय शिबिर घेऊन लसीकरण केले जाते.
फेब्रुवारी महिन्यात लसीसह जनावरांना लागणाऱ्या लसी आणि औषधांची मागणी केली होती. ही औषधे पशुवैद्यकीय दवाखान्यात आली आहेत. मात्र, मार्च महिन्यात कोरोना विषाणूच्या प्रादुर्भावामुळे जिल्ह्यात संचारबंदी लागू करण्यात आली होती. परंतु, संचारबंदीतही पशुधनावर उपचार करता आले नाहीत.
लाळ, खुरकत रोगांवरील पशुधनाचे प्रतिबंधक कवच एप्रिल-मे मध्ये संपले आहे. लाळ खुरकत ८ लाख २० हजार लसी मार्चमध्ये आल्या आहेत. मात्र, या लसीकरणासाठी पशुसंवर्धन विभागाने ऑगस्ट, सप्टेंबर महिन्यांत करण्यास सांगितले आहे. प्रथम टॅगिंग करून त्याची सर्व माहिती भरल्यानंतरच लसीकरण होईल.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.