Agriculture news in marathi Sangli gram for sale Registration of fifteen farmers | Agrowon

सांगलीत हरभरा विक्रीसाठी पंधरा शेतकऱ्यांची नोंदणी 

टीम अॅग्रोवन
बुधवार, 17 मार्च 2021

हमीभावाने हरभरा खरेदीसाठी नोंदणी सुरू झाली असून, आत्तापर्यंत अवघ्या पंधरा शेतकऱ्यांनी नोंद केली आहे. जिल्ह्यात एकच खरेदी केंद्र आहे. पन्नास शेतकऱ्यांनी नोंदणी केल्यानंतरच खरेदीची प्रक्रिया सुरू केली जाईल

सांगली : हमीभावाने हरभरा खरेदीसाठी नोंदणी सुरू झाली असून, आत्तापर्यंत अवघ्या पंधरा शेतकऱ्यांनी नोंद केली आहे. जिल्ह्यात एकच खरेदी केंद्र आहे. पन्नास शेतकऱ्यांनी नोंदणी केल्यानंतरच खरेदीची प्रक्रिया सुरू केली जाईल, अशी माहिती संबंधित विभागाच्या सूत्रांनी दिली. 

सांगली येथे नाफेड तर्फे हरभरा खरेदी केंद्र सुरू केले आहे. हरभऱ्याला प्रति क्विंटल ५ हजार १०० रुपये हमीभाव आहे. हमी भावाने हरभरा खरेदी करण्यासाठी खरेदीची मर्यादा प्रति हेक्टरी ११.४० क्विंटल इतकी आहे. जिल्ह्यातून आत्तापर्यंत फक्त १५ शेतकऱ्यांनी नोंद केली आहे. खरेदी केंद्रात शेतकऱ्यांनी नोंदणी करण्यासाठी आम्ही आवाहन केले आहे. अधिकाधिक शेतकरी नोंदणी करण्यासाठी पुढे येतील, अशी आशा आहे.

किमान पन्नास शेतकऱ्यांनी नोंदणी झाल्यानंतर खरेदी सुरू करण्यात येईल. शेतकऱ्यांनी नोंदणी केल्यानंतर त्यांना मोबाइलवर विक्रीसाठी घेऊन यावे, असा मेजेस दिला जाईल. त्यानंतर शेतकऱ्यांकडून हरभरा खरेदी केला जाईल, असे नाफेडच्या वतीने सांगण्यात आले आहे. 

जिल्ह्यात एकच केंद्र 
जिल्ह्यात एकच खरेदी केंद्र आहे. गेल्या दोन ते तीन वर्षांपूर्वी तासगाव तालुक्यात हरभरा खरेदी केंद्र सुरू करण्यात आले होते. तालुक्यात सर्वाधिक खरेदी झाली होती. मात्र, गेल्या वर्षापासून जिल्ह्यात एकच केंद्र सुरू केले जात आहे. त्यामुळे तासगाव तालुक्यासह अन्य तालुक्यातील शेतकऱ्यांना हमीभावाने हरभऱ्याची विक्री करण्यासाठी सांगली येथील खरेदी केंद्रात यावे लागते आहे. त्यामुळे तालुक्याच्या ठिकाणी एक खरेदी केंद्र सुरू होणे अपेक्षित होते. परंतु त्याकडे कोणीही लक्ष दिले नसल्याचे चित्र आहे. 

तूर खरेदीकडे शेतकऱ्यांची पाठ 
हमीभावाने तूर खरेदीसाठी नोंदणी सुरू झाली असली तरी, एकाही शेतकऱ्यांनी तूर विक्रीसाठी नोंदणी केली नाही. वास्तविक पाहता, जत तालुक्यात प्रामुख्याने तुरीचे मोठ्या प्रमाणात उत्पादन घेतले जाते. नोंदणी सुरू झाली तेव्हा, खरेदीची मर्यादा जाहीर करण्यात आली नव्हती. त्यामुळे शेतकऱ्यांनी खरेदीची मर्यादा येण्यापूर्वीच तुरीची विक्री केली होती. त्यामुळे नोंदणीकडे शेतकऱ्यांनी पाठ फिरवली. 

प्रतिक्रिया
नाफेडतर्फे सांगली येथे हरभरा खरेदीसाठी नोंदणी सुरू केली आहे. शेतकऱ्यांनी नोंदणी करण्यासाठी पुढे यावे. जास्त शेतकऱ्यांनी केली तर खरेदी तत्काळ सुरू करता येईल. 

-दिलीप पाटील, जिल्हा पणन अधिकारी, सांगली


इतर ताज्या घडामोडी
ट्रायकोडर्मा वापरण्याच्या पद्धतीट्रायकोडर्मा ही उपयुक्त बुरशी असून, ती रोपांच्या...
जनावरांचे पावसाळ्यातील व्यवस्थापनपावसाळ्यात होणाऱ्या वातावरणातील अचानक बदलामुळे...
खानदेशात अत्यल्प पेरणीजळगाव ः खानदेशात या महिन्यात अपवाद वगळता हवा तसा...
नांदेडमध्ये सोयाबीनचे क्षेत्र वाढण्याची...नांदेड : जिल्ह्यात यंदा चार लाख हेक्टरवर...
परभणीत १२.६४ टक्के पेरणीपरभणी ः जिल्ह्यात यंदाच्या (२०२१) खरीप हंगामात...
देशात वीज पडून दरवर्षी दोन हजार...पुणे : हरिताच्छादन कमी झाल्याने होणारी तापमान वाढ...
कांदा उत्पादक शेतकऱ्याचा प्रामणिकपणानाशिक : जगात प्रामाणिकपणा लोप पावत चालला असल्याची...
अन्नद्रव्यांवरून खतांचे व्यवस्थापन...गेवराई, जि. बीड : जमिनीतील उपलब्ध...
आंबेओहळ प्रकल्पात  ३० टक्के पाणीसाठाकोल्हापूर : आजरा तालुक्यात असलेल्या आंबेओहळ...
वनौषधी पानपिंपरीचे दर वाढल्याने...अकोला ः जिल्ह्यात सातपुड्याच्या पायथ्याशी अकोट,...
नुकसान टाळण्यासाठी  मिश्र पिकांवर भरराळेगाव, जि. यवतमाळ : गेल्या वर्षी कपाशीवर आलेली...
यवतमाळमध्ये अनधिकृत खतांचा साठा जप्तयवतमाळ : परवान्यात नसतानाही खतांचा अनधिकृतपणे...
सांगली जिल्ह्यात खरिपाची २५ टक्के...सांगली : जिल्ह्यात खरीप हंगामाचे सरासरी क्षेत्र २...
सूक्ष्म खाद्य उन्नयन योजनेसाठी अर्ज...वाशीम : जिल्ह्यात २०२०-२१ ते २०२४-२५ या...
पुण्याचा पर्यटन विकास आराखडा तयार करा पुणे : जिल्ह्याच्या पर्यटन विकासासाठी सविस्तर...
प्रताप सरनाईकांचे ठाकरेंना पत्र; ...मुंबई : शिवसेनेचे आमदार प्रताप सरनाईक यांनी...
काळानुरूप बदल स्वीकारा : नितीन गडकरीवर्धा : बाजार समित्यांनी केवळ शेतमाल खरेदी विक्री...
संत्रा आयात शुल्कप्रकरणी बांगलादेशशी...अमरावती : नागपुरी संत्र्याचा सर्वात मोठा आयातदार...
मॅग्नेट ः फलोत्पादन पिकांसाठी एकात्मिक...राज्यातील कृषी हवामान विभागनिहाय फळे, भाजीपाला व...
शेतीवरील आर्थिक ताण कमी करण्यासाठी...हरितक्रांतीनंतर काही दशकांमध्ये विपरीत परिणाम...