Agriculture news in marathi Sangli raisin deals closed for fortnight | Agrowon

सांगलीत बेदाण्याचे सौदे पंधरा दिवस बंदच 

टीम अॅग्रोवन
शुक्रवार, 16 एप्रिल 2021

कोरोनाच्या वाढत्या प्रादुर्भावाने सांगली-तासगाव येथील बाजार समितीत बेदाण्याचे सौदे बंद ठेवण्याचा निर्णय व्यापारी असोसिएशनने घेतला असल्याने पंधरा दिवस बेदाण्याचे सौदे निघणार नाहीत. त्यामुळे शेतकऱ्यांमधून नाराजी व्यक्त केली जात आहे. 

सांगली ः कोरोनाच्या वाढत्या प्रादुर्भावाने सांगली-तासगाव येथील बाजार समितीत बेदाण्याचे सौदे बंद ठेवण्याचा निर्णय व्यापारी असोसिएशनने घेतला असल्याने पंधरा दिवस बेदाण्याचे सौदे निघणार नाहीत. त्यामुळे शेतकऱ्यांमधून नाराजी व्यक्त केली जात आहे. 

सांगली जिल्ह्यातील सांगली आणि तासगाव या दोन्ही बाजार समित्यात बेदाण्याचे सौदे होतात. परंतु व्यापारी असोसिएशनने बुधवारीच वाढत्या कोरोनामुळे बेदाण्याचे सौदे बंद ठेवण्याचा निर्णय घेतला. त्यामुळे शुक्रवार (ता. ३०) पर्यंत बेदाण्याचे सौदे होणार नसल्यावर शिक्का मोर्तब झाले आहे. दरम्यान, जिल्हाधिकाऱ्यांसमवेत सांगलीत बेदाणा सौदे सुरू ठेवायचे काय याबाबत बैठक घेण्यात येणार असल्याची माहिती बाजार समितीच्या सूत्रांनी दिली होती. परंतु ही बैठक अद्यापही झालेली नाही. परिणामी, त्याबाबात निर्णय झाला नाही. 

दरम्यान, तासगाव बाजार प्रशासन, शीतगृह मालक यांची तहसील कार्यालयात गुरुवारी (ता. १५) याबाबत बैठक झाली. त्यामध्ये शीतगृहात शेतकऱ्यांचा माल ठेवून घ्यावा. शीतगृहामध्ये सौदे करू नये. सौदे केले तर शीतगृह मालकास दंड केला जाईल. दुसऱ्यावेळी सौदे करताना आढलले, तर शीतगृह सील करण्याचा निर्णय घेतला आहे. सांगली-तासगाव व्यापारी असोसिएशनने घेतलेल्या निर्णयामुळे शेतकरी हवालदिल झाले आहेत. दरम्यान, सोलापूर जिल्ह्यातील पंढरपूर येथील बाजार समितीत बेदाणे सौदे सुरूच असल्यची माहिती या बाजार समितीच्या सूत्रांनी दिली. 

पंढरपुरात सौदे सुरू 
पंढरपूर (जि. सोलापूर) येथील बाजार समितीच्या सचिवांशी संपर्क केला असता ते म्हणाले, की आमच्या बाजार समितीतील व्यापारी असोसिएशनने बेदाण्याचे सौदे बंद करण्याबाबत कोणताही निर्णय घेतला नाही. त्यामुळे आमच्याकडे बेदाण्याचे सौदे सुरू आहेत. त्यामुळे एका बाजूला सांगली आणि तासगाव बाजार समितीत सौदे बंद ठेवण्याच्या निर्णय तर दुसरीकडे पंढरपूर बाजार समितीत व्यापारी असोशिएशनने सौदे सुरू ठेवण्याचा निर्णय यामुळे शेतकऱ्यांमध्ये सभ्रमावस्था निर्माण झाली आहे. 

बाजार समिती आणि शीतगृह मालक यांची तहसील कार्यालयात सौद्याबाबत बैठक झाली. त्यामध्ये वाढत्या कोराना प्रादुर्भाने सौदे बंद ठेवण्याच्या सूचना तहसीलदार यांनी दिल्या आहेत. शेतकऱ्यांचा शीतगृहात ठेवावा, अशा देखील सूचना शीतगृह मालकांना दिल्या आहेत. 
- चंद्रकांत सूर्यवंशी, 
सचिव, तासगाव बाजार समिती तासगाव 

बेदाणा तयार झाला की शेतकरी तो लगेच विकतात. परंतु सौदे बंद असल्याने हा बेदाणा विक्री करता येत नाही. त्यामुळे त्यांना शीतगृहात ठेवण्याशिवाय दुसरा पर्याय नाही. दरम्यान, पंढरपूरमध्ये सौदे सुरू आहेत. मग सांगली आणि तासगावात बंदचा निर्णय का घेतला आहे. त्यामुळे याचा फटका आम्हाला बसतोय. 
- प्रशांत जाधव, बेदाणा उत्पादक शेतकरी, गव्हाण, ता. तासगाव


इतर बाजारभाव बातम्या
राज्यात गवार १००० ते ४००० रुपये क्विंटलअकोल्यात क्विंटलला ३००० ते ३५०० रुपये...
औरंगाबादमध्ये बाजरी, हरभरा,  मका, तूर,...औरंगाबाद : येथील कृषी उत्पन्न बाजार समितीमध्ये...
पुणे बाजार समितीत भाज्यांचे दर स्थिर पुणे : कोरोना टाळेबंदीत चक्राकार पद्धतीने सुरू...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोलापुरात द्राक्ष, डाळिंबाचे दर स्थिर,...सोलापूर ः सोलापूर कृषी उत्पन्न बाजार समितीच्या...
पुण्यात सिमला मिरची, हिरवी मिरचीच्या...पुणे ः शहरातील कोरोना टाळेबंदीमधील शनिवार,...
औरंगाबादमध्ये खरबुजाला सरासरी १०००...औरंगाबाद : येथील कृषी उत्पन्न बाजार समितीमध्ये...
राज्यात डाळिंब ५०० ते १२००० रुपयेकोल्हापुरात क्विंटलला ३००० ते १२००० रुपये...
सांगलीत बेदाण्याचे सौदे पंधरा दिवस बंदच सांगली ः कोरोनाच्या वाढत्या प्रादुर्भावाने सांगली...
उन्हाळ कांद्याच्या आवकेसह दरात हळूहळू...नाशिक : जिल्ह्यात गुढीपाडवा आणि डॉ. बाबासाहेब...
लवंगी, बेडगी, लाल मिरचीला नगरच्या...नगर ः नगर येथील बाजार समितीत गेल्या दोन ते अडीच...
काबुली हरभऱ्याच्या दरात किंचित सुधारणाजळगाव : खानदेशात काबुली हरभरा दर यंदा टिकून आहेत...
संभाव्य टाळेबंदीमुळे फूल बाजार कोमेजला पुणे : गुढीपाडव्या निमित्त फुलांची वाढलेली मागणी...
कोरोना संकटामुळे हापूसची आवक कमी, दर...पुणे : गुढीपाडव्यासाठी ग्राहकांची हापूसला मोठी...
सोयाबीनची गुढी सात हजारांपार !वाशीम /लातूर/ अकोला ः वाशीम बाजार समितीत सोमवारी...
सोलापुरात बेदाण्याला प्रतिकिलोला २६५...सोलापूर ः सोलापूर कृषी उत्पन्न बाजार समितीमध्ये...
नगर जिल्ह्यात कांद्याचे दर अस्थिरपुणे नगर : कोरोना विषाणूच्या संसर्गाच्या...
केळीला विक्रमी १६०० रुपये दरजळगाव ः  खानदेशात चांगल्या दर्जाच्या केळीला...
 खानदेशात कांद्याची आवक वाढतच दर दबावातजळगाव :  खानदेशात गेल्या आठवड्यात लाल...
काबुली हरभऱ्याचे दर खानदेशात टिकूनजळगाव :  खानदेशात काबुली हरभऱ्याचे दर यंदा...