सांगली ः जिल्ह्यातील यंदा गाळप हंगाम नुकताच पंधरा दिवसांपूर्वी संपला आहे. बारा साखर कारखान्यांनी ६६ लाख ९८ हजार ४०० टन उसाचे गाळप करून ८२ लाख ८७ हजार ५११ क्विंटल साखरेचे उत्पादन घेतले. गतवर्षी ९९ लाख ८७ लाख क्विंटल साखरेचे उत्पादन झाले असून यंदा हंगामात साखरेचे १८ लाख क्विंटलने घट झाली आहे.
जिल्ह्यात गेल्यावर्षी ९५ हजार ८२७ हेक्‍टर क्षेत्रावर उसाची लागवड होती. दुष्काळी पट्ट्यात ताकारी, म्हैसाळ आणि टेंभूचे पाणी पोहोचत असल्याने या भागात देखील उसाचे क्षेत्र वाढू लागले आहे. वास्तविक पाहता, शेतकरी पाण्याचे योग्य व्यवस्थापन करू लागले आहेत, त्यामुळे शेतकऱ्यांचा ऊस लागवडीकडे कल वाढला आहे. यंदा गेल्यावर्षीपेक्षा अधिक साखरेचे उत्पादन होईल, असा अंदाज साखर कारखान्यांनी व्यक्त केला होता. गेल्यावर्षी जिल्ह्यात ९९ लाख ८७ हजार क्विंटल साखरेचे उत्पादन झाले होते. जिल्ह्यातील सर्वाधिक साखरेचे उत्पादन मानले जात होते.
गतवर्षी दुष्काळ, महापूर आणि अतिवृष्टी या नैसर्गिक आपत्तीचा सामना करावा लागला. शेतकऱ्यांना त्याचा मोठा फटका बसला. महापुराच्या काळात मिरज, वाळवा, शिराळा, पलूस तालुक्यांसह परिसरातील ऊस बराच काळ पाण्याखाली होता. त्यामुळे शेतकऱ्यांचे प्रचंड नुकसान झाले.
महापुरातून शेतकरी सावरत असतानाच पुन्हा अतिवृष्टीमुळे देखील शेतीचे प्रचंड नुकसान झाले. त्यामुळे जिल्ह्यातील सुमारे ३० टक्‍के क्षेत्रावरील ऊस बाधित झाला होता. परिणामी साखरेच्या उत्पादन घट निश्चित होती. महापूर आणि अतिवृष्टीमुळे साखर कारखानांच्या गळीत हंगाम एक महिन्याने उशिराने सुरू झाला. त्यामुळे कारखान्यांना गाळपासाठी स्पर्धा करावी लागणार असे चित्र होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.