सांगलीत गूळ प्रतिक्विंटल २७०० ते ३५८० रुपये

सांगली ः येथील बाजार समितीच्या आवारात दिवाळी सणानिमित्त गुळाची आवक ३०० ते ३५० क्विंटलने वाढली आहे. बुधवारी (ता. ३१) गुळाची आवक ३२२१ क्विंटल झाली असून, त्यास प्रतिक्विंटल २७०० ते ३५८०, तर सरासरी ३१४० रुपये असा दर मिळाला, अशी माहिती बाजार समितीच्या सूत्रांनी दिली. लाल मिरचीची ७४ क्विंटल आवक झाली. लाल मिरचीस प्रतिक्विंटल ८००० ते ९५०० रुपये, तर सरासरी ८७५० रुपये असा दर होता.

विष्णूअण्णा पाटील फळे व भाजीपाला दुय्यम बाजार आवारात कांद्याची आवक वाढली आहे. कांद्याची ७ हजार १४० क्विंटल झाली असून त्यास प्रतिक्विंटल ४५० ते १५०० तर सरासरी ७५० रुपये असा दर मिळाला. बटाट्याची ४८१ क्विंटल आवक झाली होती. बटाट्यास १५०० ते १७०० तर सरासरी १६०० रुपये असा दर होता.

मोसंबीची ६ हजार २३० डझन आवक झाली असून त्यास प्रति डझनास २०० ते ४०० रुपये असा दर मिळाला. संत्रीची २१६ डझनाची आवक झाली होती. संत्र्यास प्रति डझनास २०० ते ३०० रुपये असा दर होता. चिक्कूची ४ हजार ५९० डझन आवक झाली होती. चिक्कूस प्रतिडझनास १५० ते ४०० रुपये असा दर होता. सीताफळाची ७५० डझन आवक झाली होती. सीताफळास १५० ते २५० रुपये असा दर मिळाला. सफरचंदाची १५७० पेटीची आवक झाली होती. सफरचंदाच्या प्रतिपेटीस ७०० ते १२०० रुपये, असा दर मिळाला. बोरांची ९८० क्विंटल आवक झाली असून त्यास प्रति क्विंटल १०० ते २०० रुपये असा दर मिळाला.