agriculture news in Marathi, sanjay Dhotre says, agriculture is important, Maharashtra | Agrowon

शेतीपासून जितके दूर जाल तितके दुःख वाट्याला येईल : संजय धोत्रे

टीम अॅग्रोवन
गुरुवार, 18 ऑक्टोबर 2018

पुणे : शेतीशी जोडलेली माणसं ही निसर्ग आणि मानवी समृद्धीशी जोडली जातात. शेतीपासून जितके दूर जाल तितके दुःख तुमच्या वाट्याला येईल. त्यामुळेच शेतीसाठी संशोधन करणाऱ्या शास्त्रज्ञांचे मानवी इतिहासातील कतृत्व अमुल्य आहे, असे उद्गगार महाराष्ट्र कृषी शिक्षण व संशोधन परिषदेचे उपाध्यक्ष खासदार संजय धोत्रे यांनी काढले. 

पुणे : शेतीशी जोडलेली माणसं ही निसर्ग आणि मानवी समृद्धीशी जोडली जातात. शेतीपासून जितके दूर जाल तितके दुःख तुमच्या वाट्याला येईल. त्यामुळेच शेतीसाठी संशोधन करणाऱ्या शास्त्रज्ञांचे मानवी इतिहासातील कतृत्व अमुल्य आहे, असे उद्गगार महाराष्ट्र कृषी शिक्षण व संशोधन परिषदेचे उपाध्यक्ष खासदार संजय धोत्रे यांनी काढले. 

कृषी व अन्न क्षेत्रातील नोबेल समकक्ष पुरस्कार विजेत्यांच्या कतृत्वाविषयी माजी कुलगुरू डॉ. योगेंद्र नेरकर यांनी लिहिलेल्या ''जागतिक अन्न पुरस्कार विजेत्यांची कतृत्वगाथा'' या पुस्तकाच्या प्रकाशन सोहळ्यात ते बोलत होते. सकाळ प्रकाशनाने आयोजिलेल्या या सोहळ्यात व्यासपीठावर कोकण कृषी विद्यापीठाचे माजी कुलगुरू डॉ. प्रतापराव साळवी, राहुरी कृषी विद्यापीठाचे माजी कुलगुरू डॉ. राजाराम देशमुख, गुजरात कृषी विद्यापीठाचे माजी कुलगुरू एम.सी. वार्ष्णेय, ‘अॅग्रोवन’चे संपादक आदिनाथ चव्हाण, सकाळ प्रकाशनचे सरव्यवस्थापक आशुतोष रामगीर होते. 

खा. धोत्रे म्हणाले की, सकाळ माध्यम समूहाकडून समाजाच्या विकासासाठी अत्यावश्यक असलेल्या सर्व उपक्रमांमध्ये आघाडीचे काम होते आहे. या कामात कमालीचे परफेक्शन असल्याने सामाजिक कामांचा आदर्श वस्तुपाठ समोर ठेवला जात आहे. सकाळ किंवा अॅग्रोवनच्या माध्यमातून सुशासन, सकारात्मक विचार तसेच शेतकरी गाथांची उत्तम मांडणी होते आहे. 

माजी कुलगुरू डॉ. साळवी म्हणाले की, जगाच्या कृषी संशोधनात यातनामय वाटचाल करून काही संशोधकांनी अमूल्य काम केले आहे. त्यात डॉ. एम. एस. स्वामिनाथन यांचाही समावेश होतो. जागतिक कीर्तीच्या कृषी शास्त्रज्ञांचे कार्य मानवजातीला स्फूर्ती देणारे ठरले आहे.

‘‘व्हॉटसअप आणि फेसबुकच्या युगात नवी पिढी वाचनापासून दूर जात असताना जागतिक अन्नदिनाचे औचित्य साधत जागतिक शेतीच्या इतिहासातील महापुरुषांना पुस्तकरूपाने लोकांसमोर सकाळने आणले आहे. राज्यातील दुष्काळी स्थिती आणि शेतीमधील समस्यांच्या जंजाळातून मार्ग काढून मजूर टंचाईच्या समस्यांवर उपाय शोधणाऱ्या शेतकऱ्यांची गाथा सांगणारा ‘अॅग्रोवन’चा दिवाळी अंकदेखील वाचकांच्या भेटीला येतो आहे,’’ असे अॅग्रोवनचे संपादक आदिनाथ चव्हाण यांनी या वेळी नमूद केले. 

लेखक डॉ. नेरकर म्हणाले की, जागतिक कृषी व अन्न क्षेत्रातील नोबेल समकक्ष पुरस्कार मिळवणाऱ्या ४८ शास्त्रज्ञांचा आढावा मी लेखनातून घेतला आहे. यात डॉ. स्वामिनाथन, डॉ. वर्गीस कुरियन, गुरूदेवसिंह खुस, बद्रिनारायण बारवाले, सुरिंदरकुमार वासन, एस. व्ही. गुप्ता, संजय राजाराम अशा सात भारतीय शास्त्रज्ञांनी देखील जागतिक अन्न पुरस्कार मिळवल्याचा आम्हाला सतत अभिमान वाटतो.

प्रकाशनाला कृषी विद्यापीठांमधील शास्त्रज्ञ तसेच शेती क्षेत्रातील विविध मान्यवरांनी हजेरी लावली होती. सूत्रसंचालन संतोष शिंदे यांनी केले. 


इतर अॅग्रो विशेष
मॉन्सून मंगळवारपर्यंत कोकणातील काही...पुणे : बंगालच्या उपसागरात तयार होत असलेले कमी...
सिंधुदुर्ग, रत्नागिरीतील पारंपरिक...सिंधुदुर्ग: सकस आणि पौष्टिक मानल्या जाणाऱ्या...
विद्यापीठाच्या कांदा बियाण्यांची विक्री...नाशिक : कोरोना प्रादूर्भावाच्या...
कोकण, मध्य महाराष्ट्रात पावसाची शक्यतापुणे: निसर्ग चक्रीवादळ निवळल्यानंतर राज्याच्या...
फळपिक विम्यात शेतकऱ्यांना ५ टक्के वाटा...मुंबई: राज्यात पुनर्रचित हवामान आधारीत फळपिक...
फळपिक विमा योजना अखेर जाहीरपुणे : राज्यात हवामानावर आधारित पुनर्रचित फळपिक...
थकबाकीदार शेतकऱ्यांच्या कर्जाचा घोळ...पुणे: थकबाकीदार शेतकऱ्यांना नवे पीककर्ज देण्याचे...
मॉन्सून गोव्याच्या उंबरठ्यावर दाखलपुणे: नैर्ऋत्य मोसमी वाऱ्यांनी (मॉन्सून) शनिवारी...
पीककर्ज वाटपाचा पुरता फज्जापुणे ः मोसमी पाऊस महाराष्ट्राच्या उंबरठ्यावर दाखल...
टोळधाड- तूर्त संकट टळले !, तरी सतर्क,...कोरोना संकटाशी सामना सुरू असतानाच राज्याला नव्या...
दक्षिण कर्नाटक, तामिळनाडूत मॉन्सूनची...पुणे : नैर्ऋत्य मोसमी वाऱ्यांनी (मॉन्सून) आज (ता....
कोकणात पावसाचा अंदाज पुणे : अरबी समुद्रात आलेल्या ‘निसर्ग’...
रविवारपर्यंत मॉन्सूनची आणखी चाल शक्य पुणे: नैर्ऋत्य मोसमी वाऱ्यांनी (मॉन्सून) गुरूवारी...
हमीभाव मिळवून देण्यात केंद्र सरकार...पुणे: केंद्र सरकार गाजावाजा करून हमीभाव जाहीर करत...
शेतकरी उत्पादक कंपन्यांचे बियाणे अनुदान...पुणे : राज्यातील शेतकरी उत्पादक कंपन्यांचे बियाणे...
साखर कारखान्यांनी लॉकडाउनमध्ये जमा केली...पुणे: लॉकडाउनमधील विविध अडचणींना तोंड देत...
माझा शेतकरी, माझा अभिमान ! ७ ते १३ जून...पुणे : कोरोनाच्या कठिणकाळात जनता घरबंद असताना...
कृषी उन्नती योजनेत ६६ टक्के कपातपुणे: कृषी उन्नती योजना राबविण्यासाठी केंद्र...
साखर उत्पादनात उत्तर प्रदेशची झेपकोल्हापूर: यंदा उत्तर प्रदेशने साखर उत्पादनात...
दर्जेदार हळद पावडरीचा शिनगारे यांचा...परभणी जिल्ह्यातील वालूर सारख्या ग्रामीण भागात...