agriculture news in Marathi, sanjay dhotre says, will work with farmer welfare, Maharashtra | Agrowon

शेतकरी केंद्रित काम करणारः संजय धोत्रे
टीम अॅग्रोवन
शुक्रवार, 3 ऑगस्ट 2018

पुणे/अकोला : महाराष्ट्र राज्य कृषी शिक्षण व संशोधन परिषद ही माझ्या दृष्टीने शेतकरी, कृषी शिक्षण घेणारे विद्यार्थी यांच्या दृष्टीने अतिशय मोलाची आहे. कृषी शिक्षणातील संशोधन व गुणवत्तापूर्ण शिक्षणाला चालना देण्याचा माझा प्रयत्न राहील. मी शेतकरी व विद्यार्थीकेंद्रित काम करणार असून विद्यापीठांच्या कामकाजाला चालना देणार आहे, असे महाराष्ट्र राज्य कृषी शिक्षण व संशोधन परिषदेचे नवनिर्वाचित उपाध्यक्ष खासदार संजय धोत्रे यांनी सांगितले.

पुणे/अकोला : महाराष्ट्र राज्य कृषी शिक्षण व संशोधन परिषद ही माझ्या दृष्टीने शेतकरी, कृषी शिक्षण घेणारे विद्यार्थी यांच्या दृष्टीने अतिशय मोलाची आहे. कृषी शिक्षणातील संशोधन व गुणवत्तापूर्ण शिक्षणाला चालना देण्याचा माझा प्रयत्न राहील. मी शेतकरी व विद्यार्थीकेंद्रित काम करणार असून विद्यापीठांच्या कामकाजाला चालना देणार आहे, असे महाराष्ट्र राज्य कृषी शिक्षण व संशोधन परिषदेचे नवनिर्वाचित उपाध्यक्ष खासदार संजय धोत्रे यांनी सांगितले.

विदर्भातील भाजपचे खासदार संजय धोत्रे यांची उपाध्यक्षपदी नियुक्ती करण्यात आली आहे. ‘‘वादविवाद आणि न्यायालयीन तंट्यामुळे कृषी परिषदेच्या उपाध्यक्ष निवडीचा मुद्दा राज्य सरकारसाठी कळीचा बनला होता. त्यामुळे मुख्यमंत्री देवेंद्र फडणवीस आणि कृषिमंत्री चंद्रकांतदादा पाटील यांनी खासदार धोत्रे यांच्या नावावर शिक्कामोर्तब केले. परिषदेवर ते पुढील तीन वर्षे उपाध्यक्ष म्हणून काम बघतील,’’ अशी माहिती सूत्रांनी दिली. 

उच्चशिक्षित खासदारांच्या यादीत नाव घेतले जात असलेले श्री. धोत्रे यांनी अकोल्याच्या पळसो बढे येथे प्राथमिक शिक्षण घेत पुणे विद्यापीठातून यंत्र अभियांत्रिकीची पदवी घेतली आहे. ते विधी पदवीधरदेखील असून केंद्रिय कृषिमंत्रालयाच्या सल्लागार समितीचे सदस्य आहेत. विद्यापीठे भरती मंडळाच्या अध्यक्षपदावर स्वतःच्या नियुक्ती करून घेण्याचा अजिबात अधिकार नाही, असा निर्वाळा राज्याच्या विधी व न्याय विभागाने दिला आहे. 

राज्यातील चारही कृषी विद्यापीठे, कृषी महाविद्यालये, विद्यापीठे सेवाप्रवेश मंडळ तसेच कृषी शिक्षण व संशोधनात महत्त्वाची भूमिका असलेल्या कृषी परिषदेला गेल्या काही महिन्यांपासून उपाध्यक्ष नव्हता. त्यामुळे कृषी विद्यापीठांमधील भरतीदेखील रखडली आहे. 

तत्कालीन उपाध्यक्ष डॉ. राम खर्चे यांच्या कारभारामुळे कृषी परिषद वादाच्या भोवऱ्यात सापडली होती. खर्चे यांनी विद्यापीठे सेवाप्रवेश मंडळाचे अध्यक्षपद कब्जात घेण्यासाठी स्वतःच्या स्वाक्षरीनेच मंडळाच्या अध्यक्षपदी स्वतःची नेमणूक करून घेतली. हा मुद्दा गाजल्यामुळे खर्चे यांना मुदतवाढ मिळाली नाही.  ‘‘श्री. धोत्रे यांची नियुक्ती पुढील तीन वर्षांसाठी किंवा राज्य शासनाची मर्जी असेल तोपर्यंत राहील. त्यांना राज्यमंत्रीपदाचा दर्जा असलेल्या उपाध्यक्षासाठी शासनाने मंजूर केलेल्या सर्व सुविधा मिळतील,’’ असे कृषी खात्याचे सहसचिव दे. आ. गावडे यांनी काढलेल्या आदेशात नमूद केले आहे. 

 

इतर अॅग्रो विशेष
`चांद्रयान २' चंद्राच्या कक्षेत दाखलनवी दिल्ली ः भारताची महत्त्वाकांक्षी...
मराठवाड्यात २७ टक्केच पीक कर्जवाटपऔरंगाबाद : यंदाच्या खरिपासाठी शेतकऱ्यांना...
राज्य बँकेची ३५ हजार कोटींची उलाढालमुंबई : अहवाल वर्षात इतिहासात ३५,४४० कोटी इतकी...
नाशिक जिल्ह्यात मक्यावर अमेरिकन लष्करी...नाशिक  : चालू खरीप हंगामात मका पिकावर मोठ्या...
`अतिपावसाने होत्याचं नव्हतं झालं`; पुणे...पुणे ः शेतकरी पाणीटंचाईच्या संकटातून सावरण्याचा...
अपघात विमा योजनेत शेतकऱ्यासह कुटुंबातील...मुंबई: गोपीनाथ मुंडे शेतकरी अपघात विमा...
राज्यात पूरप्रवण क्षेत्राबाबत संशयकल्लोळपुणे : कृष्णा व गोदावरी नदीच्या खोऱ्यात सतत पूर...
भाजीपाल्याचे आगार उद्ध्वस्तकोल्हापूर/सांगली : ज्या जिल्ह्यांनी संपूर्ण...
‘शेती तिथे रस्ता’ उपक्रमासह...सातारा जिल्ह्यातील पाटण हा डोंगराळ तालुका म्हणून...
कृत्रिम पावसासाठी अखेर विमान उडाले; ३८...औरंगाबाद  : कृत्रिम पावसाच्या प्रयोगासाठी...
पुरामुळे मका पिकाला फटकानवी दिल्ली  ः महाराष्ट्र आणि कर्नाटकात मका...
राज्यात हलक्या पावसाचा अंदाज पुणे : कमाल तापमानात वाढ होत असतानाच, बुधवारी (ता...
मंदीचा मारगेल्या वर्षभरापासून आर्थिक मंदीचे चटके देशाला बसत...
समस्यांच्या गर्तेत हरवलेली शेतीकाही वर्षांपूर्वी उत्तम शेती असण्याची अनेक कारणे...
शेततळ्याच्या प्लॅस्टिकला तूर्त अनुदान...पुणे  : शेततळ्याच्या अस्तरीकरणाकरिता...
वारणा-कृष्णा नदीकाठच्या शेतजमिनी कोसळू...सांगली ः सांगली जिल्ह्यातील कृष्णा आणि वारणा...
मार्केट केंद्रित शेडनेटची उत्कृष्ठ शेती अभ्यासवृत्ती, कायम नवे शिकण्याची आस, बाजारपेठांचा...
जालना जिल्ह्यात वीस हजार शेतकऱ्यांच्या...जालना : जिल्ह्यातील १२० गावांत हवामान अनुकूल...