agriculture news in marathi, sant dyaneshwar maharaj palkhi sohola, solapur, maharashtra | Agrowon

‘सर्जा-राजा’ला माउलींच्या रथाचा मान

सकाळ वृत्तसेवा
गुरुवार, 20 जून 2019

माउलींची सेवा करण्याची यंदा संधी मिळाल्याने धन्य झालो.
- पंडितराव रानवडे, बैलजोडी मालक

माळीनगर, जि. सोलापूर  : संत ज्ञानेश्‍वर माउलींचा पालखी रथ ओढण्याचा मान यंदा आळंदी येथील पंडितराव कृष्णाजी रानवडे यांच्या ‘सर्जा-राजा’ बैलजोडीला मिळाला आहे.

माउलींचा पालखी सोहळा आषाढी वारीसाठी २५ जूनला आळंदी येथून प्रस्थान ठेवणार आहे. माउलींच्या बैलजोडी सेवा निवड समितीने ही निवड केली आहे. वरखडे, कुऱ्हाडे, घुंडरे, रानवडे, भोसले, वहिले अशी आडनावे असलेली आळंदीतील सहा कुटुंबे माउलींच्या रथासाठी बैलजोडीची सेवा देतात. त्यापैकी वरखडे, कुऱ्हाडे, घुंडरे, रानवडे या चार कुटुंबांना चक्राकार (रोटेशन) पद्धतीने सेवा करण्याची संधी मिळते. या कुटुंबांची आलटून पालटून चार वर्षे पूर्ण झाल्यावर पाचव्या वर्षी एकदा भोसले व त्यापुढील पाचव्या वर्षी वहिले कुटुंबास बैलजोडी सेवेची संधी उपलब्ध होते.

माउलींच्या रथास दरवर्षी बैलजोडी उपलब्ध करून देण्यासाठी आळंदीकरांची सात सदस्यांची बैलजोडी सेवा निवड समिती आहे. रोटेशनप्रमाणे ज्या आडनावाच्या कुटुंबाचा क्रमांक आहे. केवळ त्यांच्यातील सदस्यच बैलजोडी सेवा देण्यासाठी अर्ज करतात. रोटेशन पद्धतीने निवड होत असल्याने अन्य आडनावाच्या कुटुंबांनी अर्ज करायचे नाहीत, असा शिरस्ता आहे. त्यानुसार यंदा रानवडे कुटुंबाकडे सेवा देण्याचा मान होता. त्यामुळे पंडितराव रानवडे, शैलेंद्र रानवडे, रवींद्र रानवडे, पांडुरंग रानवडे यांनी निवड समितीकडे अर्ज दाखल केले होते. त्यातून पंडितराव रानवडे यांच्या बैलजोडीस सर्वानुमते संधी मिळाली आहे. आळंदी ते पंढरपूर व पुन्हा परतीच्या प्रवासाच्या वाटचालीत एकच बैलजोडी सेवा देते. 

गेल्या ३५ वर्षांपासून रोटेशनप्रमाणे माउलींच्या रथासाठी बैलजोडी सेवा देण्याची आळंदीकरांची परंपरा चालू आहे, अशी माहिती आळंदी येथील राजाभाऊ चोपदार यांनी दिली.

योग्य बैलजोडी निवडण्याची जबाबदारी निवड समितीची असते. वाद न होता पारदर्शीपणे बैलजोडी निवडली जाते, अशी माहिती बैलजोडी सेवा निवड समितीचे अध्यक्ष  बबनराव कुऱ्हाडे यांनी दिली.


इतर ताज्या घडामोडी
रत्नागिरी जिल्ह्यातील नद्यांना पूर,...रत्नागिरी : सलग दुसऱ्या दिवशीही पावसाने...
पंढरपुरात ७ ते १३ ऑगस्ट दरम्यान...सोलापूर  : कोरोना विषाणूची साखळी तोडण्यासाठी...
फळपीक विमा निकषात बदलाची गरज :...अमरावती : जिल्ह्यामध्ये संत्रा फळपीक मोठ्या...
सातारा जिल्ह्यात दमदार पाऊस सातारा : जिल्ह्यात मंगळवारी दमदार पाऊस झाल्याने...
कोयना धरण परिसरात मुसळधार पाऊस सातारा : कोयना धरण क्षेत्रात मंगळवारी मुसळधार...
कोल्हापूर बाजार समितीवर अखेर प्रशासक कोल्हापूर : नोकर भरती वरून वादग्रस्त ठरलेल्या...
मराठवाड्यात खरीप ज्वारीची ३७ टक्के पेरणीऔरंगाबाद : मराठवाड्यातील आठही जिल्ह्यात...
शाश्वत शेती उत्पादनासाठी मातीतील जिवाणू...स्थानिक झाडे झुडुपांच्या मुळाच्या परिसरातील...
भुसावळमध्ये १५ हजार हेक्टरवर कपाशीभुसावळ, जि.जळगाव  : गतवर्षी अतिवृष्टीमुळे...
पुणे जिल्ह्यात जोरदार श्रावण सरी पुणे ः दोन ते तीन दिवसांपासून पुणे जिल्ह्याच्या...
नांदेड जिल्ह्यात दोन लाख शेतकरी...नांदेड : जिल्ह्यातील बॅंका जुन्या कर्जदार...
खानदेशात खतांची मागणी घटली जळगाव : खानदेशात मागील आठवड्यात खत टंचाईची तक्रार...
सोयाबीनवरील किडीप्रश्‍नी योग्य वेळी...परभणी : ‘‘सोयाबीन हे कपाशी एवढेच राज्यातील...
नियमांचे पालन करुन गणेशोत्सव साजरा करा...नाशिक : ‘‘आगामी काळातील गणेशोत्सव साजरा करताना...
कोल्हापुरात दमदार पावसामुळे नद्यांनी...कोल्हापूर ः जिल्ह्यात बुधवारी (ता. ५) पावसाचा जोर...
सोलापूर जिल्ह्यात पीककर्जातून ९८४...सोलापूर  ः जिल्ह्यासाठी यंदाच्या खरीप...
येऊलखेड शिवारात शेकडो एकरांतील पीक...बुलडाणा ः जिल्ह्यात शेगाव तालुक्यात सोयाबीनचे पीक...
युरियाच्या मुद्यावरून अकोला जिल्हा...अकोला ः जिल्ह्यात युरियाची ग्रामीण भागात तीव्र...
उसामध्ये पोक्का बोईंग, शेंडाकूज रोगाचा...सध्या पश्चिम महाराष्ट्र आणि मराठवाडा विभागात...
नाशिकमध्ये वांगी प्रतिक्विंटल १००० ते...नाशिक : येथील कृषी उत्पन्न बाजार समितीमध्ये...