संत गाडगेबाबा सूतगिरणी सुरू करावी ः नाना पटोले

कापूस उत्पादकांना दिलासा देण्यासाठी तसेच रोजगारसंधी विस्तारल्या जाव्यात या दृष्टीने दर्यापूर (जि. अमरावती) येथील संत गाडगेबाबा सहकारी सूतगिरणी मर्यादित सुरू व्हावी, यासाठी सहकार विभाग, वस्त्रोद्योग विभाग व राज्य सहकारी बँक यांनी एकत्रितरीत्या पावले उचलण्याचे निर्देश विधानसभा अध्यक्ष नाना पटोले यांनी मंगळवारी (ता. २७) दिले आहेत.
Sant Gadge Baba spinning mill should be started: Nana Patole
Sant Gadge Baba spinning mill should be started: Nana Patole

अमरावती : कापूस उत्पादकांना दिलासा देण्यासाठी तसेच रोजगारसंधी विस्तारल्या जाव्यात या दृष्टीने दर्यापूर (जि. अमरावती) येथील संत गाडगेबाबा सहकारी सूतगिरणी मर्यादित सुरू व्हावी, यासाठी सहकार विभाग, वस्त्रोद्योग विभाग व राज्य सहकारी बँक यांनी एकत्रितरीत्या पावले उचलण्याचे निर्देश विधानसभा अध्यक्ष नाना पटोले यांनी मंगळवारी (ता. २७) दिले आहेत.

अमरावती जिल्ह्यातील सहकार क्षेत्राला ऊर्जितावस्था आणण्यासाठी तसेच दर्यापूर येथील संत गाडगेबाबा सहकारी सूतगिरणी यासह इतरही संस्थांबाबत राज्याच्या महिला व बालविकास मंत्री तथा जिल्ह्याच्या पालकमंत्री ॲड. यशोमती ठाकूर यांच्याकडून सातत्याने पाठपुरावा होत आहे. त्याअनुषंगाने श्री. पटोले यांच्या दालनात बैठक झाली. त्यावेळी ते बोलत होते.

या बैठकीस पालकमंत्री यशोमती ठाकूर, सहकार मंत्री बाळासाहेब पाटील, वस्त्रोद्योग विभागाचे राज्य मंत्री राजेंद्र पाटील यड्रावकर, आमदार बळवंतराव वानखेडे, वित्त विभागाचे प्रधान सचिव राजीव मित्तल, वस्त्रोद्योगाचे प्रधान सचिव पराग जैन आदींसह संबंधित अधिकारी उपस्थित होते.

श्री. पटोले म्हणाले की, ही सूतगिरणी पूर्ण क्षमतेने सुरू होणे आवश्यक असून त्यामुळे जिल्ह्यातील कापूस उत्पादकांना दिलासा मिळेल. त्याचप्रमाणे तरुणांना रोजगार संधीही प्राप्त होईल. त्यादृष्टीने संबंधित सर्व विभागांची भूमिका महत्त्वाची असून, त्यासंदर्भात एक महिन्याच्या आत तातडीने कार्यवाही व्हावी. संबंधित विभागांच्या मंत्री महोदयांनी यासंदर्भात सर्व संबंधितांची बैठक घेऊन पुढील कार्यवाही करावी अशा सूचनाही  पटोले यांनी यावेळी दिल्या. अंबादेवी साखर कारखाना पूर्ववत सुरू करण्याच्या अटींवर विकला गेला आहे. संबंधित कारखाना खरेदी केलेल्या कायनेटीक पेट्रोलियम कंपनीवर नियमान्वये कारवाई करण्यात यावी. कारखाना सुरू करण्याच्या दृष्टीने प्रयत्न व्हावेत. संबंधित कारवाईचा अहवाल एक महिन्यात सादर करावा, असे आदेश पटोले यांनी अधिकाऱ्यांना दिले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com