संत श्री तुकाराम महाराज पालखी सोहळ्याचे आज प्रस्थान

संग्रहित छायाचित्र
संग्रहित छायाचित्र

देहू, जि. पुणे  ः आषाढी वारीसाठी संत श्री तुकाराम महाराज पालखी सोहळा सोमवारी (ता.२४) दुपारी अडीच वाजता देहूतील देऊळवाड्यातून पंढरपूरकडे प्रस्थान ठेवणार आहे. 

राज्याच्या कानाकोपऱ्यातून हजारो वारकरी रविवारी देहूत दाखल झाले आहेत. त्यामुळे देऊळवाडा आणि इंद्रायणी नदीकाठ भाविकांनी फुलून गेला आहे. ग्रामस्थांनी वारकऱ्यांच्या स्वागतासाठी विविध ठिकाणी स्वागत कमानी उभारल्या असून, देहूनगरीत भाविकांना अन्नदानासाठी मंडपही उभारले गेले आहेत.

संत तुकाराम महाराज पालखी सोहळ्याचे प्रस्थान दुपारी अडीच वाजता मुख्य देऊळवाड्यातील भजनी मंडपातून होणार आहे. पालखी सोहळा प्रमुख संजय महाराज मोरे, काशिनाथ महाराज मोरे यांनी सांगितले, की आषाढी वारीसाठी पालखी सोहळा गुरुवारी दुपारी अडीच वाजता प्रस्थान ठेवणार आहे. त्यापूर्वी पहाटे साडेचार वाजता काकडा होईल. त्यानंतर पाच वाजता मुख्य देऊळवाड्यातील संत तुकाराम महाराज शिळा मंदिर आणि विठ्ठल- रुक्मिणी मंदिरात संस्थानचे अध्यक्ष, विश्वस्त आणि पालखी सोहळा प्रमुखांच्या हस्ते महापूजा होईल.

पहाटे साडेपाच वाजता पालखी सोहळ्याचे जनक तपोनिधी नारायण महाराज समाधी मंदिरात संस्थानच्या विश्वस्तांच्या वतीने महापूजा होईल. सकाळी दहा वाजता भजनी मंडपात पालखी प्रस्थान सोहळ्याचे काल्याचे कीर्तन होईल. सकाळी अकरा वाजता इनामदारवाड्यातून महाराजांच्या पादुका देऊळवाड्यात आणण्यात येतील. दुपारी अडीच वाजता देऊळवाड्यातील भजनी मंडपात पालखी सोहळा कार्यक्रमास प्रारंभ होईल. परंपरेनुसार वारीतील ज्येष्ठ वारकऱ्याचे हस्ते पादुकांची महापूजा होईल. प्रस्थान सोहळ्यानंतर सायंकाळी पाच वाजता मंदिर प्रदक्षिणा होऊन पालखी इनामदारवाड्यात मुक्कामी असेल. पालखी सोहळ्यातील दिंडीप्रमुख, मानकरी यांचा सत्कार संस्थानतर्फे करण्यात येणार आहे. संस्थानच्या वतीने सोहळ्याची तयारी पूर्ण झाली आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com