agriculture news in marathi, Saswad, Shirur and Baramati are closed for purchase | Agrowon

सासवड, शिरूर, बारामतीत भुसार खरेदी बंद
टीम अॅग्रोवन
शुक्रवार, 31 ऑगस्ट 2018

पुणे ः हमीभावापेक्षा कमी दराने धान्य खरेदी केल्यास शिक्षेच्या तरतुदीच्या निषेधार्थ जिल्ह्यातील सासवड (नीरा), शिरूर, बारामती बाजार समित्यांमधील भुसार खरेदी बंद केली आहे. गेल्या चार दिवसांपासून भुसार लिलाव बंद असल्याने शेतकऱ्यांचे हाल हाेत आहेत.

पुणे ः हमीभावापेक्षा कमी दराने धान्य खरेदी केल्यास शिक्षेच्या तरतुदीच्या निषेधार्थ जिल्ह्यातील सासवड (नीरा), शिरूर, बारामती बाजार समित्यांमधील भुसार खरेदी बंद केली आहे. गेल्या चार दिवसांपासून भुसार लिलाव बंद असल्याने शेतकऱ्यांचे हाल हाेत आहेत.

पुरंदर तालुक्‍याचे मुख्य ठिकाण असणाऱ्या सासवड शहरातील नीरा कृषी उत्पन्न बाजार समितीच्या उपबाजार आवारात दर बुधवारी विविध धान्य व कडधान्याचे लिलाव होत असतात. बुधवारी (ता. २९) लिलाव नेहमीप्रमाणे असल्याने सकाळपासून शेतकरी स्वतःकडील शेतीमाल लिलावात विकण्यासाठी आणत होते. मात्र, व्यापाऱ्यांनी अचानक सरकारविरोधी भूमिका घेत व्यवहार बंद ठेवल्याने आलेल्या शेतकऱ्यांची पंचाईत झाली. आणलेला शेतीमाल शेतकऱ्यांना पुन्हा परतीचा वाहतूक खर्च करीत परत न्यावा लागला. परिणामी बुधवारी व्यापाऱ्यांच्या बंदमुळे सुमारे सात ते आठ लाख रुपयांची उलाढाल थांबली.

या वेळी अडत व्यापारी असोसिएशन अध्यक्ष अविनाश महाजन, विनीत जाळिंद्रे, रुपचंद कांडगे, कुमार महाजन, जितेंद्र महाजन, संतोष चिंचकर, बिरदीचंद नवलाखा, व्यापारी संघाचे अध्यक्ष संजय चव्हाण आदींनी व्यापाऱ्यांची भूमिका मांडली.

दरम्यान, शेतीमाल परत घेऊन जाणारे शेतकरी अधिक संतप्त झाले होते. त्यातील सतीश यादव, शंकर यादव आदींनी सरकारने याबाबत निर्णय करून काही तरी मार्ग काढावा. तसेच, शेतकऱ्यांचे नुकसान टाळावे, अशी मागणी केली.

दरम्यान बारामती आणि शिरूर येथील लिलाव साेमवार (ता. २७) पासून बंदच असल्याने याठिकाणी लिलाव हाेऊ शकले नाहीत. तर फळे, भाजीपाल्याचे व्यवहार या बाजार समित्यांमध्ये सुरळीत सुरू   असल्याचे प्रशासनाच्या वतीने सांगण्यात आले.

शेतकऱ्यांच्या नुकसानीला सरकारच जबाबदार
विक्रीला जर हमीभावापेक्षा कमी किंमत मिळते, तर हमीभावाने हे धान्य, कडधान्य कसे घ्यायचे? शिवाय हमीभावाचा नियम पाळला नाही, तर तीव्र स्वरूपाचा दंड व शिक्षेची तरतूद असल्याने आम्ही सरकारवर नाराजी व्यक्त करीत लिलाव करण्याबाबत बेमुदत बंद ठेवला आहे.  शेतकऱ्यांच्या नुकसानीला सरकारच जबाबदार असल्याचे मत व्यापाऱ्यांनी या वेळी व्यक्त केले.

 

इतर ताज्या घडामोडी
पेरणीपूर्व मशागतीय पद्धतीने करा...रब्बी हंगामात ज्वारी, गहू, हरभरा, करडई व सूर्यफूल...
कांदा पिकासाठी संतुलित अन्नद्रव्य...कांदा उत्पादकता कमी होण्यासाठी असंतुलित खत...
जळगाव जिल्हा परिषदेत निधीवाटपावरून आरोप...जळगाव : जिल्हा परिषद सेस फंड, शिक्षण, महिला-...
वऱ्हाडला पीक नुकसानभरपाईचा २६५ कोटींचा...अकोला : ऑक्टोबरमध्ये झालेल्या अतिपावसाचा फटका...
पुणे विभागात रब्बीसाठी अडीच लाख टन खते...पुणे : रब्बी हंगामात शेतकऱ्यांना खतांची अडचण येऊ...
सांगली जिल्ह्यात भूजल पातळी ५८...सांगली : जिल्ह्यात गेल्या पाच वर्षांपेक्षा यंदा...
नाशिक : भिजलेल्या पिकांमुळे चाऱ्याचा...नाशिक : जिल्ह्यात झालेल्या मॉन्सूनोत्तर पावसाने...
धक्कादायक, एकाच गावातल्या ६०० मेंढ्या...नगर  ः मागील महिन्यात अतिवृष्टीने पारनेर...
अधिक उपसा केला तर पाणी टंचाईची शक्यता...लातूर : जिल्ह्यात पावसाळ्याच्या चारही महिन्यांत...
नाशिक जिल्ह्यात नुकसानीपोटी १८१ कोटींची...नाशिक : जिल्ह्यात झालेल्या अतिवृष्टीमुळे...
नागपूर जिल्ह्यात शेतकऱ्यांसाठी कॉंग्रेस...नागपूर : मॉन्सूनोत्तर पावसामुळे शेतकऱ्यांना...
नाशिक जिल्ह्यात टोमॅटोला गेले तडे ! ५०...नाशिक  : मॉन्सूनोत्तर पावसाच्या तडाख्यामुळे...
...'या' सिंचन योजनेची पाणीपट्टी होणार...सांगली : ताकारी उपसा सिंचन योजनेच्या पाणीपट्टीची...
किसान सभेकडून विमा कंपनीला २८...पुणे : पुण्यातील दि ओरिएन्टल इन्शुरन्स कंपनीकडून...
हैबतबाबांच्या पायरीपूजनाने आळंदीत...आळंदी, जि. पुणे  ः टाळ-मृदंगाचा निनाद आणि...
गूळ सौदे सुरू करण्यासाठी दोन्ही घटकांना...कोल्हापूर  : गेल्या दोन दिवसांपासून व्यापारी...
सांगली जिल्ह्यात ऊस दरासाठी ‘स्वाभिमानी...सांगली : जिल्ह्यात गळीत हंगाम सुरू होताच...
कोल्हापुरात कारखान्यांकडून ऊसतोड सुरू...कोल्हापूर  : गेल्या चार दिवसांपासून...
जळगावात भरताची वांगी १५०० ते २६०० रुपये...जळगाव : कृषी उत्पन्न बाजार समितीत बुधवारी (...
बटाटा, टोमॅटोतील उशिरा येणाऱ्या करपा...बटाटा आणि टोमॅटो यांसारख्या पिकांमध्ये प्रचंड...