सातारा येथे यायचे किंवा जायचे आहे ? या लिंकवर साधा संपर्क

सातारा :  कोरोनाची संसर्ग कमी व्हावा यासाठी सुरू असलेल्या लॉकडाऊनमुळे जिल्ह्यात अडकलेले  विद्यार्थी, यात्रेकरु, प्रवासी, स्थलांतरित कामगार आणि इतर अशा नागरिकांनी जिल्हा प्रशासनाने तयार https://bit.ly/2VTPn64 या लिंकवर आपली माहिती भरावी, असे आवाहन करण्यात आले आहे. वरिल लिंकवर जिल्ह्यातून जाणाऱ्या  तसेच येणाऱ्या सर्व माहिती अपलोड करणे गरजेचे आहे. 

जिल्ह्यात कोरोना बाधितांची संख्या वाढत असल्याने प्रशासनाची दिवसेंदिवस डोकेदुखी वाढू लागली आहे.  लॉकडाऊनमुळे जिल्ह्यामध्ये स्थलांतरित कामगार, विद्यार्थी, पर्यटक, यात्रेकरु, प्रवासी आणि इतर नागरिक अडकले आहेत. अशा व्यक्तींना आपापल्या जिल्ह्यांमध्ये तसेच राज्यामध्ये जाण्यासाठी शासनाने धोरण निश्चित केले आहे. या धोरणानुसार जिल्ह्यामधून बाहेर जाणाऱ्या व्यक्तींसाठी यादी करण्याची प्रक्रिया सुरु आहे. तयार झालेली यादी जिल्हा प्रशासनाकडे येईल. ही यादी संबंधित जिल्ह्यांच्या जिल्हाधिकाऱ्यांकडे मान्यतेसाठी पाठविण्यात येणार आहे.  त्यांच्याकडून परवानगी आल्यास अशा लोकांना त्यांच्या-त्यांच्या जिल्ह्यात, राज्यात जाण्यास परवानगी देण्यात येणार आहे.