Agriculture news in marathi Satara received less rainfall | Page 2 ||| Agrowon

साताऱ्यात पावसाचा जोर कमी झाला

टीम अॅग्रोवन
रविवार, 25 जुलै 2021

सातारा जिल्ह्यातील प्रमुख धरणांच्या पाणलोट क्षेत्रातील पावसाचा जोर ओसरल्याने धरणातील पाण्याची आवक कमी होऊ लागली आहे. परिणामी धरण व्यवस्थापनाकडून पाण्याच्या विसर्ग कमी करण्यात आला आहे.

सातारा : जिल्ह्यातील प्रमुख धरणांच्या पाणलोट क्षेत्रातील पावसाचा जोर ओसरल्याने धरणातील पाण्याची आवक कमी होऊ लागली आहे. परिणामी धरण व्यवस्थापनाकडून पाण्याच्या विसर्ग कमी करण्यात आला आहे. कोयना धरणाच्या दरवाजातून विसर्ग कमी करून तो २७ हजार ८६० व पायथा वीजगृहातून २१००, असा २९ हजार ९६० एकूण क्युसेक विसर्ग करण्यात आला आहे.

जिल्ह्यात शुक्रवारी प्रमुख धरणाच्या पाणलोट क्षेत्रात पावसाचा जोर वाढल्याने धरणात मोठ्या प्रमाण आवक होत होती. कोयना धरणात शुक्रवारी सकाळी आठ वाजता सहा वक्र दरवाज्यातून विसर्ग सुरू करण्यात आला होता. पावसाचा जोर वाढत राहिल्याने टप्याटप्याने विसर्ग वाढ करत नेण्यात आली. शुक्रवारी रात्रीपासून पावसाचा जोर कमी होत गेल्याने विसर्ग कमी करण्यात आला.

शनिवारी सकाळी आठपर्यंत धरण क्षेत्रातील कोयना २०४, नवजा २०७, महाबळेश्वर २८७ मिलिमीटर पाऊस झाला होता. तर धरणात एकूण ८७.१५ तर ८२.०३ टीएमसी उपयुक्त पाणीसाठा झाला होता. दुपारी २ वाजता धरणात २७ हजार ८६० व पायथा वीजगृहातून २१००, असा २९ हजार ९६० एकूण क्युसेक पाण्याचा विसर्ग केला जात होता. इतर धरणाच्या पावसाचा जोर कमी झाल्याने विसर्ग कमी करण्यात आला आहे.

यामध्ये धोम १०४२०, कण्हेर ५२३७, उरमोडी, ४,६४५, तारळी ६८१०, धोम-बलकवडी ३१८३ क्युसेक विसर्ग केला जात आहे. शनिवारी पावसाचा जोर कमी झाल्याने सायकांळपर्यंत विसर्ग कमी केला जाणार आहे. त्यामुळे नद्यांच्या पाणीपातळीत घट होऊन पूरस्थिती कमी होण्यास मदत होणार आहे.

भूस्खलनात अकरा जणांचा मृत्यू
 पाटण तालुक्यातील आंबेघर येथे झालेल्या भूस्खलनाच्या घटनेत अकरा जणांचा मृत्यू झाला आहे. एनडीआरएफच्या जवानांनी अकरा मृतदेह ढिगाऱ्याखालून बाहेर काढले आहेत. जिल्ह्यातील पावसाचा जोर कमी झाला असून, भूस्खलन झालेल्या ठिकाणी एनडीआरएफच्या जवानांकडून आंबेघर, मिरगाव येथे शुक्रवारपासून काम सुरू करण्यात आले आहे. मिरगाव येथील १५०, आंबेघर ५०, ढोकावळे ५०, नांदगाव ५०, पाली १५ लोकांना सुरक्षितस्थळी हलविण्यात आले होते. शनिवारी भूस्खलन झालेल्या आंबेघर येथे दोनपर्यंत सहा मृतदेह काढण्यात आले आहेत. शनिवारी पावसाचा जोर ओसरला आहे.

शनिवारी सकाळी आठपर्यंतच्या २४ तासांत सरासरी एकूण ९२ मिलीमीटर पावसाची नोंद झाली आहे. दरम्यान, पालकमंत्री बाळासाहेब पाटील यांनी पाली येथील पूर परिस्थितीची पाहणी केली आहे. पाटणमधील मिरगाव येथे भूस्खलन झालेल्या गावात बचाव कार्य कोयनेच्या  बॅक वॉटरमधून सुरू आहे.


इतर ताज्या घडामोडी
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...
एकरकमी ‘एफआरपी’साठी ‘मिस कॉल’ मोहीमकोल्हापूर : केंद्र सरकारने ‘एफआरपी’चे तुकडे...